Siyasət

IDI Azərbaycanda alternativ hərbi xidmətlə bağlı sənəd hazırlayıb

19 Mart, 2021
1523

Açıq mənbələrdən götürülüb

Demokratik Təşəbbüslər İnstitutunun (IDI) Gənc Hüquq Müdafiəçiləri təlimlərinin məzunlarından ibarət araşdırma qrupu Azərbaycanda alternativ hərbi xidmətlə bağlı araşdırma sənədi hazırlayıb.

Demokratik Təşəbbüslər İnstitutundan martın 19-da verilən xəbərə görə, tədqiqatın məqsədi alternativ xidmət haqqında qanunun qəbulunu zəruri edən öhdəlikləri və  ölkədə vicdani rəddə dair praktiki vəziyyəti araşdırmaq, bu sahədə görüləcək işlərlə bağlı tövsiyələr hazırlamaq olub.

Araşdırma zamanı Azərbaycandakı hərbi xidmət praktikası, yerli və beynəlxalq qanunvericilik, analoji tədqiqatlar, ölkə rəsmilərinin məsələyə dair mövqeyi və alternativ xidmətlə bağlı parlament müzakirələri monitorinq edilib. 

Sənəddə Azərbaycan Respublikasının da imzaladığı və ratifikasiya etdiyi Mülki və siyasi hüquqlar haqqında Beynəlxalq Paktın 18-ci və Avropa İnsan Hüquqları Konvensiyasının 9-cu maddəsinin şərhinə istinad olunaraq tərəf dövlətlərin vicdani rədd haqqını tanımaq öhdəliyi qeyd olunur.  Həmçinin Azərbaycan Avopa İnsan Hüquqları Konvensiyasını ratifikasiya edən zaman qoşulduğu 2 il ərzində Avropa standartlarına uyğun alternativ xidmət haqqında qanun qəbul etməyi  öhdəlik götürüb. 

Bununla yanaşı, alternativ hərbi xidmət haqqında qanun qəbul etmək Azərbaycan Konstitusiyanın 76-cı maddəsinin 2-ci bəndindən irəli gələn öhdəlikdir. Lakin Azərbaycan hökuməti həm də daxili qanunvericilikdən irəli gələn bu öhdəliyi yerinə yetirməyib.

Yehova Şahidləri başda olmaqla, Azərbaycanda bəzi şəxslər əqidələrinə görə hərbi xidmətdən imtina edirlər. Amma sözügedən qanunun olmaması səbəbindən onların ölkə məhkəmələrinə şikayəti təmin olunmur. Əksinə, belələri Azərbaycan Respublikasının Cinayət Məcəlləsinin 321.1-ci maddəsinə və digər qanunvericilik normalarına əsasən cəzalandırılırlar.

Azərbaycan nəticəsində gəlinən qənaətlər bunlardır:

- problem konstitusional xarakter daşıyır;

- hökumət nümayəndələri problemə laqeyd yanaşır; 

- problemin həlli üçün sözügedən qanunun qəbul edilməsi vacibdir.

Sənəddə aşağıdakı tövsiyələr yer alıb:

- “Alternativ xidmət haqqında” qanun qəbul edilmədir;

- əqidələri səbəbindən hərbi xidmətdən imtina edən şəxslərə alternativ xidmət imkanı yaradılmalıdır;

- qanunvericilikdəki boşluq səbəbindən həbs edilmiş və digər cəzalara məruz qalmış şəxslər əfv edilməli və onlara tətbiq olunan sanksiyalar aradan qaldırılmalıdır.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Paşinyan Bakının sülh müqaviləsi ilə bağlı şərtlərinin qəbul etmədiyini deyir 

23 Mart 2023
Yerevan İlham Əliyevin Ermənistanın sərhədin delimitasiyası ilə bağlı Azərbaycanın şərtlərini qəbul etməli olduğu, əks halda sülh müqaviləsi bağlanmayacağı haqqında 18 mart tarixli bəyanatını qəbuledilməz hesab edir. Bu barədə Ermənistan baş naziri Nikol Paşinyan martın 23-də hökumətin iclasında bildirib.  O, bunu "təcavüz aktı" və "yüksək səviyyədə əldə olunmuş razılaşmaların kobud pozuntusu" adlandırıb. Xüsusən, Paşinyan "BMT Nizamnaməsinə və 1991-ci il tarixli Almatı Bəyannaməsinə uyğun olaraq suverenliyin, ərazi bütövlüyünün və sərhədlərin pozulmazlığının qarşılıqlı tanınması haqqında" əvvəlki razılaşmalara istinad edib.  Paşinyanın sözlərinə görə, bu bəyanatlarda sovet respublikalarının sərhədlərinin onların dövlət sərhədi olduğu qeyd edilib, amma "Azərbaycan daim hansısa tarixi xəritələr əsasında delimitasiyadan danışır ki,...
Siyasət

Avropa İttifaqı Azərbaycanda qəbul edilən siyasi partiyalar haqqında yeni qanunu tənqid edib

23 Mart 2023
Avropa İttifaqı Azərbaycanda siyasi partiyalar haqqında yeni qanunla tətbiq edilmiş məhdudiyyətlərdən narahatlığını bildirib. Azərbaycan hakimiyyəti Venesiya Komissiyasının və ATƏT DTİHB-nin tövsiyələrini yerinə yetirməyə çağırılıb. Bu barədə Aİ-nin Xarici Siyasət Xidmətinin 22 mart tarixli bəyanatında deyilir.  "Avropa İttifaqı siyasi partiyalar haqqında yeni qanunla tətbiq edilmiş məhdudiyyətlərdən narahatdır. Bu, Azərbaycanda siyasi plüralizmə və birləşmək, fikri ifadə etmək və dinc toplaşmaq azadlığı kimi əsas hüquq və azadlıqlara çəkindirici təsir göstərə bilər", deyə Aİ-nin Xarici Siyasət Xidmətinin saytında yer alan bəyanatda bildirilir.  Bu hüquqlar "demokratik cəmiyyətin fəaliyyəti üçün əsasdır". Aİ israrla Azərbaycanı Avropa Şurası Venesiya Komissiyasının əvvəlki siyasi partiyalar haqqında qanunla bağlı köhnə tövsiyələrini,...

Seçilmiş Videolar

Toplum TV loqo