Siyasət

IDI: “Nümayəndəlik İnstitutunun ləğvi aztəminatlı şəxsləri effektiv hüquqi yardımdan məhrum edib”

16 Mart, 2021
1174

IDI

Demokratik Təşəbbüslər İnstitutunun (IDI) “Gənc Hüquq Müdafiəçiləri” təlimlərinin məzunlarından ibarət araşdırma qrupu Azərbaycanda Nümayəndəlik İnstitutunun ləğvinin nəticələriylə bağlı Araşdırma Sənədi hazırlayıb.

Bu barədə martın 15-də Demokratik Təşəbbüslər İnstitutunun rəsmi saytında məlumat verilib. 

Xəbərdə bildirilir ki, Araşdırma Sənədində Azərbaycanda nümayəndəlik institunun tarixinə qısa nəzər salınıb, "Vəkillər və vəkillik fəaliyyəti haqqında" Qanuna 2017-ci il 31 oktyabr tarixli dəyişikliklərin nəticələri təhlil edilib. 

Gənc araşdırmaçıların gəldiyi nəticələr bunlar olub:

- 31 oktyabr 2017-ci il dəyişiklikləri nümayəndələrin hüquqlarını əhəmiyyətli dərəcədə azaldıb və məhkəmə proseslərində şəxslərin təmsil edilməsini vəkillərin monopoliyasına verib.
 
- Dəyişikliklərin qəbul edilməsi aztəminatlı şəxslərin effektiv hüquqi yardıma çatımlılıqlarının əhəmiyyətli dərəcədə zəifləməsi, praktiki hüquqi fəaliyyətlə məşğul olan hüquqşünas və qeyri-hüquqşünasların öz fəaliyyətlərindən məhrum edilməsi və ölkədə insan haqlarının müdafiəsi ilə məşğul olan müstəqil şəxslərin bundan sonra məhkəmə proseslərindən kənarda qalması ilə nəticələnib. 

- Sözügedən qanun layihəsi ictimai müzakirələrə çıxarılmadan qəbul edilib. Bu, belə bir nəticəyə gəlməyə əsas verir ki, layihə praktiki hüquq fəaliyyətinin müstəqilliyini, özünütənzimləməsini və bütövlüyünü artırmağa yönəlməyib; həmçinin beynəlxalq standartlara zidd şəkildə qəbul edilib. 

- Təxminən 10 milyon əhalisi olan bir ölkədə cəmi 1844 vəkilin olması vətəndaşların hüquqi xidmətlərdən istifadəsini əhəmiyyətli dərəcədə çətinləşdirir. 

- Nümayəndəliyin ləğvi rayonlarda insanların hüquqi yardıma çatımlılığına xüsusilə mənfi təsir göstərib. Belə ki, kollegiya üzvlərinin cəmi 395 nəfəri rayonlarda fəaliyyət göstərir. 

- Bir çox gənc hüquqşünas əhalinin müəyyən həssas qruplarını dəstəkləmək üçün yerli təşkilatlarla əməkdaşlıq edirdi və vəkilliklə məşğul olan şəxslərlə müqavilə bağlamaq çox xərc tələb etdiyi üçün həmin qruplar gənc hüquqşünasların xidmətlərindən faydalanırdı. Beləliklə, nümayəndəliyin ləğvi həm də insan alveri və məişət zorakılığının qurbanlarına, əlilliyi olan şəxslərə və məcburi köçkünlərə vətəndaş cəmiyyəti nümayəndələri tərəfindən göstərilən hüquqi xidmətlərə də təsirsiz ötüşməyib. 

- Vəkillər Kollegiyasına qəbulun müsahibə mərhələsinin təşkili qaydaları hökumət üçün “arzuolunmaz“ sayılan şəxslərin vəkilliyə qəbulunun qarşısını almaq məqsədi daşıyır. Belə ki, suallarla bağlı konkret mövzuların iştirakçılara bildirilməməsi, cavabların qeyri-obyektiv (şəxsi mülahizələrə əsaslanan) şəkildə qiymətləndirilməsi və müsahibə götürən şəxslərin yarıdan çoxunun kollegiyan üzvü olmayan hökumət nümayəndələri olması həmin məqsədin mövcudluğu ilə bağlı əsaslı şübhələr yaradır. 

- Azərbaycanla ortaq keçmişi olan bəzi xarici ölkələrin vəkillik və nümayəndəlik fəaliyyəti ilə bağlı qanunvericiliklərinin araşdırılması zamanı məlum olub ki, Gürcüstan qanunvericiliyində nümayəndəlik institutu daha genis təsbit edilib; Gürcüstan və Estoniyada Vəkillər Kollegiyasına qəbul daha şəffafdır.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Rəsmi Bakı İranın izahat tələbinə cavab verib

31 Mart 2023

Rəsmi səhifə

Azərbaycan Xarici İşlər Nazirliyinin (XİN) sözçüsü Ayxan Hacızadə İran XİN-in mətbuat katibi Nasir Kənani tərəfindən səslənmiş iddialara cavab verib. Toplum Tv xəbər verir ki, bu barədə martın 31-də Azərbaycan XİN-dən məlumat verilib.  Ayxan Hacızadə Kənaniyə nazir Ceyhun Bayramovun İsraildə səfərdə ikən səsləndirdiyi fikirlərə diqqətlə qulaq asmağı tövsiyə edib. Onun sözlərinə görə, Bayramov İsrail xarici işlər naziri ilə mətbuat brifinqi zamanı İrana qarşı hər hansı bir mövqe səsləndirməyib. Buna görə də o, İran XİN-i tərəfindən verilən bu açıqlamanı növbəti anti-Azərbaycan addım kimi qiymətləndirib. https://toplum.tv/siyaset/piran-azerbaycandan-izahat-teleb-edirp "Azərbaycan öz ərazisindən üçüncü dövlətlərə qarşı istifadəyə heç zaman imkan verməyib. Bunun əksinə, son zamanlar İran ərazisindən...
Siyasət

İran Azərbaycandan izahat tələb edir

Toplum TV
31 Mart 2023

Rəsmi səhifə

Tehran İsrailin Azərbaycan ərazisindən İrana hücum hazırladığını bildirir və Bakıdan izahat tələb edir.  Toplum TV "Fars" agentliyinə istinadən xəbər verir ki, bu barədə martın 31-də İran Xarici İşlər Nazirliyinin (XİN) sözçüsü Nasser Kənani gündəlik brifinq zamanı  danışıb.  Kənani açıqlamasında deyib ki, İran "sionist rejimin Azərbaycan Respublikası ərazisindən İrana qarşı sui-qəsd hazırlamasına biganə qala bilməz" və o, Azərbaycan hökumətindən İsraillə əldə olunan razılaşmalarla bağlı izahat tələb edib. XİN sözçüsü xüsusilə İsrailin xarici işlər naziri Eli Koenin azərbaycanlı həmkarı Ceyhun Bayramovla birgə keçirdiyi mətbuat konfransında işlətdiyi "Azərbaycan və İsrail İranın təhdidini bölüşür" ifadəsinə aydınlıq gətirilməsini tələb edib.  "Bu, sionist rejimin Azərbaycan Respublikası...

Seçilmiş Videolar

Toplum TV loqo