Siyasət

İlham Əliyev: "Zəngəzur dəhlizi açılmasa, sülhdən danışmaq çox çətin olacaq"

16 İyun, 2022
2236

Rəsmi səhifə

Bu gün, iyunun 16-da IX Qlobal Bakı Forumunun açılışında çıxış edən Prezident İlham Əliyev növbəti dəfə Zəngəzur dəhlizinin açılmasının əhəmiyyətindən danışıb. 

"Zəngəzur dəhlizi açılmasa, sülhdən danışmaq çox çətin olacaq, Azərbaycanın Ermənistanla normal qonşuluğa yönəlmiş səyləri boşa çıxacaq", - deyə dövlət başçısı vurğulayıb. 

İlham Əliyev çıxışında qeyd edib ki, 30 illik işğal Ermənistan əhalisini daha xoşbəxt etmədi, əksinə onlar beynəlxalq ictimaiyyət tərəfindən işğalçılar və təcavüzkarlar kimi tanındılar.

"Müharibə başa çatdıqdan sonra indi hamı onların işğal dövründən nə kimi dağıntılar qoyduqlarını görə bilir. Ona görə də Zəngəzur dəhlizinin açılması ilə bağlı ən tez qərar regionda gələcək sülhün fundamental elementlərindən biridir. Əgər bizə bu gediş-gəliş verilməsə, sülhdən danışmaq çox çətin olacaq və Azərbaycanın Ermənistanla normal birgəyaşayış, normal qonşuluğa yönəlmiş bütün səyləri boşa çıxacaq. Bu bir daha vacib məsələdir və Azərbaycanın bunu tələb etmək hüququ var. Ermənistan hökuməti müvafiq bəyanatı imzalayıb. İkincisi, Azərbaycan müharibədə qalib gəlib və işğaldan əziyyət çəkən ölkə kimi bizim tələb etməyə mənəvi haqqımız var”, - deyə Prezident bildirib. 

https://toplum.tv/siyaset/zengezur-dehlizi-nin-temeli-qoyuldu-bes-dehlizin-heqiqeten-acilmasi-ehtimali-varmi

Azərbaycan Prezidenti çıxışlarında tez-tez Zəngəzur dəhlizinin açılmasının əhəmiyyətindən danışır. Ermənistan tərəfi isə bunun qəbuledilməz olduğunu bəyan edir. 

Sonuncu dəfə Ermənistanın Baş naziri Nikol Paşinyan iyunun 13-də Qətərə rəsmi səfəri zamanı Zəngəzur dəhlizi məsələsinin ölkəsi üçün qırmızı xətt olduğunu vurğulamışdı. 

"Dəhliz adı verilən formul  bizim üçün qəbuledilməzdir, bu, bizim üçün qırmızı xəttdir, çünki üçtərəfli bəyanata əsasən, yalnız bir dəhliz var, Dağlıq Qarabağı Ermənistanla birləşdirən Laçın dəhlizi. Amma üçtərəfli bəyanatda kommunikasiyaların açılması ilə bağlı daha bir müddəa da var. Mən dəmir yollarını, avtomobil yollarını nəzərdə tuturam və biz hazırıq, əslində biz artıq qarşılıqlı suverenlik və sərhədlərin toxunulmazlığına hörmət prinsipi əsasında regional kommunikasiyaların açılması məsələsini müzakirə edirik”, - deyə Paşinyan "Əl-Cəzirə" telekanalına müsahibəsində bildirmişdi. 

Onun sözlərinə görə, hazırda Ermənistanla Azərbaycan arasında ən aktual və vacib məsələ Dağlıq Qarabağ məsələsidir. 

Baş nazir demişdi ki, hazırda Azərbaycanla Ermənistan arasında təmaslar var. O, yaxın müddətdə iki ölkənin Dağlıq Qarabağ mövzusuna qayıda biləcəyinə ümid etdiyini vurğulamışdı. 


 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo