Siyasət

İlqar İsmayılov: "Məni həbs etdirmək üçün saxta sənədlərdən istifadə olunub"

19 Oktyabr, 2021
1474

Açıq mənbələrdən götürülüb

Növbəti məhkəmə prosesində prokurorun çıxışı gözlənilir

"Meydan TV"-nin məlumatına görə, “İdeal” mağazalar şəbəkəsinin keçmiş sahibi, həbsdə olan iş adamı İlqar İsmayılovla bağlı məhkəmə araşdırmaları yekunlaşmaq üzrədir. Artıq şahidlərin dindirilməsi mərhələsi başa çatıb. Oktyabrın 18-də Bakı Ağır Cinayətlər Məhkəməsində bu cinayət işindəki sənədlər elan edilib. Amma sənədlərin tədqiqi mərhələsindən öncə “İdeal Company”nin mühasibi işləmiş Samirə Quliyeva dindirilib.

Şirkətin keçmiş mühasibi ikinci dəfədir ki, məhkəmədə dindirilir. İstintaqda ifadə vermiş Samirə Quliyevanı ittiham tərəfi məhkəməyə çağırılacaq şahidlər siyahısında da göstərmişdi. Məhkəmədə dindirilən keçmiş mühasib İlqar İsmayılovun şirkətə mədaxil etdiyi vəsaitlər, həmçinin kassadan götürülən pullar, onların hara xərclənməsi barədə danışmışdı.

İş adamının özü və vəkilləri Samirə Quliyevanın əlavə şahid qismində təkrar dindirilməsi haqda vəsatət qaldırmış, hakimlər də buna müsbət cavab vermişdi. Çünki İlqar İsmayılov şirkətin səhmlərinin bir hissəsini AZAL prezidenti Cahangir Əsgərovun həyat yoldaşı Zərifə Həmzəyevaya satandan sonra – 2011-2017-ci illərdə “İdeal Company”nin 680 min manata yaxın vəsaitini mənimsəməkdə ittiham olunur. İttiham aktında İlqar İsmayılovun müxtəlif vaxtlarda “YapıKrediBank” və “SilkWay Bank”dan şəxsi məqsədləri üçün götürdüyü 1 milyondan artıq kreditləri sonradan şirkətin hesabına - “İdeal Company”dən çıxarılan vəsaitlərlə ödənildiyi iddia olunur.

İş adamı isə bildirir ki, Zərifə Həmzəyeva ilə şərik olandan sonra AZAL prezidentinin xanımı özünə məxsus o vaxtkı “SilkWay”, indiki “Premium Bank”dan kredit ayırıb, şirkətin inkişafına sərf etməyi təklif etmişdi. Onlar bu barədə razılığa gələndən sonra bankda İlqar İsmayılovun adına kredit ayrılmış, lakin həmin vəsaitin hamısı şirkətin kassasına köçürülmüşdü. İş adamının sözlərinə görə, buna görə də qrafik üzrə kreditlərin ödəniş vaxtında kassadan vəsait ayrılır və ödənilirdi.

Mühasib Samirə Quliyeva da İlqar İsmayılovun adına götürülən kreditlərin “İdeal Company”nin kassasına köçürüldüyünü və şirkətə sərf olunduğunu təsdiqləyib. O, 1 milyon 13 min manat və 1 milyon 497 min manat məbləğində kredit vəsaitlərinin bütünlüklə şirkətin xəzinəsinə mədaxil edilməsi barədə müdafiə tərəfinin təqdim etdiyi qəbz və aktdakı imzaların ona məxsus olduğunu bildirib.

Samirə Quliyeva vurğulayıb ki, bununla bağlı şirkətin digər vəzifəli şəxslərinə elektron poçt vasitəsilə hesabat göndərirdi. Məhkəmədə e-mail yazışmaları da təqdim olunub və şahid həmin yazışmalarının ona məxsus olduğunu da təsdiqləyib.

Mühasib əlavə edib ki, götürülmüş kreditlərin ödəniş cədvəli də şirkətdə idi və onun əsasında aylıq ödəmələr həyata keçirilirdi.

Dindirmə zamanı iş adamı bildirib ki, onun şirkətin kassasından pul çıxarmasıyla bağlı iş materiallarında 15 sənəd var. Amma bu sənədlərin cəmi 3-də onun imzası var: “Bu sənədlərdən yalnız birində əlavə olunmuş alt-sənədlər, yəni götürülən məbləğin hara ödənildiyini sübut edən sənədlər var. Digərləri isə yalnız məxaric sənədinin surətlərindən ibarətdir. Mənim imzam olmayan sənədlərin isə həqiqiliyi şübhə doğurur”.

İlqar İsmayılov iddia edir ki, onu həbs etdirmək üçün saxta sənədlərdən istifadə olunub.

Müdafiə tərəfi işdə yer alan məxaric sənədlərin tədqiq edilməsi, hansında İlqar İsmayılovun imzasının olub-olmaması və alt sənədlərin mövcudluğuyla bağlı araşdırma aparılmasını istəyib. Hakimlər bu vəsatəti təmin edib. Oktyabrın 25-də keçiriləcək növbəti məhkəmə iclasında sənədlərin tədqiqi mərhələsinin də yekunlaşacağı, ardınca prokurorun çıxış edəcəyi gözlənilir.

İlqar İsmayılova qarşı Cinayət Məcəlləsinin 179.3.2 (külli miqdarda məınimsəmə) və 308.2 (vəzifədən sui-istifadə etmə) maddələri ilə ittiham irəli sürülüb. Lakin o, ittihamları qəbul etmir.

İş adamı bildirib ki, “İdeal”dakı payını və əmtəə nişanını vermək istəmədiyinə görə ilk dəfə 2017-ci ildə şərlənib həbs olunub, o zaman 3 ay 10 gün həbsdə saxlanıb. Şirkətdəki payından və əmttə nişanı hüququndan imtina etməsi haqda sənədləri imzalayandan sonra həbsdən buraxılıb. 3 il dözsə də, sonra hüququnu tələb etməyə başlayıb. Ardınca yenidən həbs olunacağı barədə xəbərdarlıq edilib.

İlqar İsmayılov həbsinə və şirkətin əlindən alınmasına görə AZAL rəhbəri Cahangir Əsgərovu ittiham edir. O, həbsindən bir neçə gün əvvəl “Facebook” hesabından paylaşımında da yazmışdı ki, 2017-ci ildə AZAL rəhbərinin kabinetində Cahangir Əsgərovun özü və həyat yoldaşı Zərifə Həmzəyevanın hədə və tələbilə Samir Əliyev adlı şəxsi “İdeal Company”nin direktoru təyin etmək məcburiyyətində qalıb.

Zərifə Həmzəyevanın hüquqşünası İlqar İsmayılovu böhtana görə xüsusi ittiham qaydasında məhkəməyə versə də, məhkəmə sonda iş adamını haqlı sayıb və onun haqqında bəraət hökmü çıxarıb.

“İdeal”ın idarəçiləri 2020-ci ildə “Sabina” mağazalar şəbəkəsini də alıb. Bu iki şirkət “Adore Company”ə daxil edilib. “Adore Company”nin rəhbərliyində bir neçə ay əvvəl dəyişiklik olub. Bu ilin yanvarında şirkətin direktoru Samir Əliyev Nərmin İsmayılova əvəzləyib.

AZAL rəhbərinin xanımı Zərifə Həmzəyeva “Premium Bank”ın da əsas səhmdarı, “Gazelli Group”un da rəhbəridir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Vəkillər Bəxtiyar Hacıyevlə görüşə buraxılmadı

29 Yanvar 2023

Sosial Media

Yanvarın 28-də vəkillər Zibeydə Sadıqova və Elçin Sadıqovun Bəxtiyar Hacıyevlə görüşünə imkan verilməyib.  Toplum TV xəbər verir ki, bu barədə vəkillər sosial mediada açıqlama veriblər. Vəkillər bildirib ki, onlara təcridxanada dezinfeksiya işləri aparıldığını və buna görə görüşün mümkün olmadığını bildiriblər. Zibeydə Sadıqova bundan əvvəlki açıqlamasında Bəxtiyar Hacıyevin səhhətinin ağır olduğunu bildirmişdi. Onun sözlərinə görə, Hacıyev həbsxanaya girəndən 12.5 kiloqram çəki itirib.  "O, tez-tez huşunu itirir, nəfəs darlığı yaranır. Ayaq üstə dura bilmir", - vəkil "Amerikanın Səsi"-nə deyib. Penitensiar Xidmətin İctimaiyyətlə Əlaqələr Şöbəsindən isə "Amerikanın Səsi"nə bildiriblər ki, Hacıyev təcridxananın tibb-sanitar hissəsində həkim nəzarətindədir. İctimai fəal Bəxtiyar Hacıyev ötən il dekabrın...
Siyasət

İran Prezidenti İlham Əliyevə zəng etdi

28 Yanvar 2023

Açıq mənbələrdən götürülüb

Bu gün  yanvarın 28-də İran Prezidenti  İbrahim Rəisi İlham Əliyevə zəng edib. Topum TV xəbər verir ki, bu barədə Azərbaycan Prezidentinin Mətbuat Xidməti məlumat yayıb. Bildirilir ki, telefon danışığı zamanı İbrahim Rəisi Azərbaycanın Tehrandakı səfirliyinin mühafizə xidmətinin rəhbəri Orxan Əsgərovun həlak olması ilə bağlı İlham Əliyevə və mərhumun ailəsinə başsağlığını ifadə edib,  yaralananların tezliklə şəfa tapmasını arzulayıb. Öz növbəsində İlham Əliyev səfirliyə qarşı törədilmiş terror aktını şiddətlə qınadığını bildirib, bu qanlı terror aktının hərtərəfli araşdırılacağına və cinayətkarların layiqli cəzalarını alacaqlarına ümidvar olduğunu qeyd edib. Həmçinin Əliyev istintaqın şəffaf şəkildə aparılmasının vacibliyini vurğulayıb. Məlumatda həmçinin qeyd olunub ki, Əliyev səfirliyin digər...

Seçilmiş Videolar

Toplum TV loqo