Siyasət

İran bəyanat verdi: Sərhədlərin dəyişdirilməsi qəbuledilməzdir

13 Sentyabr, 2022
121

Açıq mənbələrdən götürülüb

İran Xarici İşlər Nazirliyi Ermənistan və Azərbaycan sərhədində baş verən gərginlik barədə açıqlama yayıb. 

İran Xarici İşlər Nazirliyinin rəsmi nümayəndəsi Nasir Kənani bu gün, sentyabrın 13-də açıqlama verərək bildirib ki, Tehran iki dövlətin sərhədində gərginliyin artmasından narahatdır.  

Kənani tərəfləri təmkinli olmağa, mübahisələri sülh yolu ilə və beynəlxalq hüquq əsasında həll etməyə çağırıb.

https://toplum.tv/siyaset/azerbaycan-ermenistan-serhedinde-doyusler-itkilerin-oldugu-bildirilir

XİN rəsmisi açıqlamasında onu da vurğulayıb ki, Ermənistan və Azərbaycan sərhədində hansısa dəyişiklik İran üçün qəbuledilməzdir.

Kənani Tehranın hadisələri yaxından izlədiyini bildirib. Onun sözlərinə görə, iki ölkənin ərazi bütövlüyünə hörmət vacibdir və Tehran tərəflərə mübahisələrin həlli üçün hər cür yardım göstərməyə hazırdır. 

Azərbaycan və Ermənistan sərhədində atəşkəs sentyabrın 12-si gecə saatlarında pozulub. Hərbi toqquşmalar nəticəsində hər iki tərəfdən itkilərin olduğu bildirilir. Bakı və Yerevan sərhəddə baş verənlərə görə bir-birini ittiham edir. 

Siyasət

ABŞ Azərbaycanı ATƏT-lə əməkdaşlığa çağırır

7 Oktyabr 2022
"Birləşmiş Ştatlar Ermənistan və Azərbaycan arasında sülh müqaviləsinin bağlanması və bu işdə tərəflərə yardımın göstərilməsində yaxından iştirak edir". Bunu ABŞ-ın ATƏT-dəki daimi nümayəndəsi Maykl Karpenter dünən ATƏT-in Vyanadakı Daimi Şurasına ünvanladığı müraciətində bildirib. Bu barədə "Azadlıq radiosu"nun Ermənistan şöbəsi məlumat yayıb.  Səfir ABŞ-ın səylərini, xüsusilə də ABŞ Prezidentinin milli təhlükəsizlik məsələləri üzrə müşaviri Ceyk Sallivanın vasitəçiliyi ilə Ermənistan Təhlükəsizlik Şurasının katibi Armen Qriqoryan və Azərbaycan Prezidentinin köməkçisi Hikmət Hacıyev arasında təşkil olunan görüşün əhəmiyyətini vurğulayıb. https://toplum.tv/siyaset/ermenistan-azerbaycanin-erazi-butovluyunu-tanidi Karpenterin müraciətində ​​ABŞ, Ermənistan və Azərbaycanın xarici işlər orqanlarının rəhbərləri - Entoni Blinken, Ararat Mirzoyan və Ceyhun Bayramovun üçtərəfli görüşünün vacibliyi qeyd olunub və...
Siyasət

ABŞ Dövlət Departamenti Edilli kütləvi məzarlığı barədə açıqlama verib

7 Oktyabr 2022

Rəsmi səhifə

ABŞ Dövlət Departamenti Xocavənd rayonunun Edilli kəndində aşkar edilmiş kütləvi məzarlıqla bağlı açıqlama verib. Bu barədə informasiya qurumun rəsmi saytında dərc olunub.  Departamentin sədr müavini Vedant Patel məsələylə əlaqədar bildirib ki, Birinci və İkinci Qarabağ müharibələri zamanı hərbi cinayətlərdə təqsirli olan bütün şəxslər məsuliyyətə cəlb edilməlidir. “Biz uzun müddətdir davam edən bu münaqişə nəticəsində insan tələfatından sarsılmışıq və həlak olanların ailələrinə dərin hüznlə başsağlığı veririk. Bu münaqişə zamanı çoxlu ailələr öz yaxınlarını itirib”, - deyə o qeyd edib.  https://toplum.tv/sosial/edillide-qazintilar-davam-etdirilecek Xocavəndin Edilli kəndindəki kütləvi məzarlıq oktyabrın 4-də aşkarlanıb. Qazıntılar zamanı məzarlıqda 12 nəfərin qalıqları üzə çıxıb. Əşyalarla birlikdə aşkarlanan skeletlərin geyimlərindən...

Seçilmiş Videolar

Toplum TV loqo