Siyasət

İran Moskvanın Qafqazda "sionistlərin və terrorçular"ın olduğunu təsdiqləməsini gözləyir
 

6 Oktyabr, 2021
773

Açıq mənbələrdən götürülüb

İranın xarici işlər naziri Hüseyn Əmir Abdullahiyan Rusiyaya rəsmi səfəri zamanı bəyan edib ki, Tehran Mosvadan Qafqazda "sionistlərin və terrorçular"ın mövcudluğu barədə reaksiya gözləyir.
 
IRNA agentliyinin məlumatına görə, bunu Abdullahiyan Moskva hava limanında jurnalistlərin suallarına cavab verərkən deyib.
 
"Rusiyanın XİN başçısı Sergey Lavrovla görüş zamanı biz Cənubi Qafqazda baş verən proseslərə dair öz mövqeyimizi çatdırmaq niyyətindəyik. Biz Rusiyanın regionda sərhədlərin dəyişdirilməsi ehtimalına reaksiya verəcəyini və buna həssaslıqla yanaşacağını gözləyirik".
 
İran tərəfi son dövrlər Azərbaycanda İsrailin hərbi mövcudluğu barədə müntəzəm olaraq danışmağa başlayıblar. Azərbaycan tərəfi bu ittihamları rədd edir və sübutlar tələb edir.
 
Tehranın iddialarına İsrail tərəfi də reaksiya verib.
 
İsrailin Rusiyadakı səfiri Aleksandr Ben Zvi rəsmi Tehranın Qarabağda İsrail hərbçilərinin olması barədə iddialarını "böyük axmaqlıq" adlandırıb.
 
"Düşünürəm ki, bu, böyük bir axmaqlıqdır, çünki Dağlıq Qarabağ bölgəsində həm Rusiya, həm də Türkiyə hərbçiləri var. İranlıların fantaziyalarına qalsa, orada marslıların olduğunu da deyərlər", - deyə səfir açıqlamasında vurğulayıb.

Siyasət

Rəşad Ramazanov saxlanılıb

21 May 2022

Açıq mənbələrdən götürülüb

Bloger Rəşad Ramazanovun saxlandığı bildirilir.  Həyat yoldaşı Könül Ramazanova Meydan TV-yə bildirib ki, o, mayın 20-də günorta saatlarında evdən çıxarkən saxlanılıb. Könül Ramazanovanın sözlərinə görə, həyat yoldaşını əvvəlcə Sabunçu rayonu, 14-cü polis bölməsinə aparıblar.  Rəşad Ramazanov özü bölmədən evlə əlaqə saxlayıb və orada olduğunu deyib. "Mən dərhal ora getdim. Orada dedilər ki, guya Baş Narkotiklərlə Mübarizə İdarəsinin əməkdaşları saxlayıb. Bildirdilər ki, bölmədə yoxdur. Amma sonradan öyrəndim ki, Sabunçu Rayon Polis İdarəsinə aparıblar. Yenə narkotiklə şərləmək istəyirlər”, – Könül Ramazanova bildirib. O əlavə edib ki, baş verənlərlə əlaqədar həm Ombudsman Aparatına, həm də Daxili İşlər Nazirliyinin "102” zəng mərkəzinə məlumat verib....
Siyasət

Kəlbəcərdəki mövqelər atəşə tutulub

21 May 2022

Rəsmi səhifə

Ermənistan silahlı qüvvələrinin bölmələri mayın 20-si axşam saatlarında dövlət sərhədinin Basarkeçər rayonunun Aşağı Şorca yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Yellicə yaşayış məntəqəsi istiqamətində yerləşən mövqelərini atəşə tutub. Bu barədə mayın 21-də Azərbaycan Müdafiə Nazirliyinin Mətbuat xidmətindən məlumat verilib. Məlumatda bildirilib ki, Azərbaycan Ordusunun bölmələri tərəfindən adekvat cavab tədbirləri görülüb.

Seçilmiş Videolar

Toplum TV loqo