Siyasət

İran Prezidenti də Azərbaycanı ittiham etdi

7 Oktyabr, 2021
1527

Rəsmi səhifə

"İranın periferiyalarında İŞİD kimi terrorçu təşkilatların və sionist rejimin mövcudluğu ölkələrin sabitliyinə, regional təhlükəsizliyə ziddir və İran üçün qəbul edilməzdir".
 
IRNA agentliyinin oktyabrın 7-də verdiyi xəbərə görə, bunu İran Prezidenti İbrahim Rəisi hökumətin iclasında deyib.
 
Beləliklə, İran xarici işlər naziri Əmir Abdullahiyanın və digər rəsmilərin dilindən Azərbayca Respublikasına qarşı səslənən ittihamları İran Prezidenti də təkrar edib.
 
"İran İslam Respublikası öz milli maraqlarını müdafiə etmək üçün ayıq-sayıq və fəaldır", - deyə Rəisi çıxışında deyib.
 
Onun sözlərinə görə, regional təhlükəsizlik çoxsaylı regiondaxili mexanizmlərin yardımıyla təmin olunmalıdır, belə ki, pisniyyətli və ambisiyalı elementlərin buna müdaxiləsi millətin maraqlarına ziyan vurur.
 
İranla Azərbaycan münasibətləri son həftələrdə gərginləşib. İran Azərbaycanda "terrorçuların və sionistlər"in fəaliyyət göstərdiyinə dair şübhələrinin olduğunu bəyan edib. Gərginlik fonunda İran Azərbaycan sərhədləri yaxınlığında irimiqyaslı hərbi təlimlər keçirib. Həmçinin Azərbaycanın hərbi məqsədli təyyarələrinin İran hava məkanından istifadəsinə qadağa qoyub. Azərbaycan isə öz növbəsində Prezident İlham Əliyev səviyyəsində İranın Azərbaycan siyasətinə dair narazılığını ifadə edib. Həmçinin İranın ali dini lideri, Ayətullah Əli Xameneyinin Bakı nümayəndəliyinin fəaliyyətinə məhdudiyyət tətbiq edilib. İranla Azərbaycanın arasında münasibətlərin kəskinləşməsi fonunda İsrailin Azərbaycana ağır silahlar satmaq üzrə olduğu Türkiyənin isə öz sərhəd keçid məntəqələrində İranın yük maşınlarına məhdudiyyətlər tətbiq etdiyi bildirilir. Həmçinin Azərbaycanla Türkiyə Naxçıvanda yeni hərbi təlimlərə başlayıb

Siyasət

ABŞ səfirliyi 14 may aksiyası barədə

Roza Məmmədova
17 May 2022

Toplum Tv

Birləşmiş Ştatların səfirliyi "Toplum TV"yə açıqlamasında Azərbaycan hökumətini vətəndaşların konstitusion hüquqlarına hörmət etməyə çağırıb Birləşmiş Ştatlarının Səfirliyi Azərbaycan hökumətini insan hüquqlarına və əsas azadlıqlarına hörmətlə yanaşmağa, o cümlədən bütün vətəndaşların öz fikirlərini dinc şəkildə ifadə etməsinə, azad toplaşma hüququndan istifadəsinə imkan verməyə çağırıb. Mayın 14-də Bakıda dinc etiraz aksiyasının iştirakçılarına qarşı zorakılıq və jurnalistlərlə ictimai fəallara təzyiqlə bağlı “Toplum TV”nin sorğusuna Birləşmiş Ştatlar səfirliyindən verilən cavabda belə deyilir.  “Biz bütün dünyada etdiyimiz kimi, Azərbaycanda da hökuməti medianın təhlükəsizliyini təmin etməyə və jurnalistlərin zorakılıq, təhdid və ya ədalətsiz həbsdən qorxmadan öz vəzifəsini yerinə yetirmək imkanlarını qorumağa çağırırıq”,- deyə açıqlamda qeyd olunub....
Siyasət

Putin niyə MDB ölkələrinin KTMT-yə üzv olmasını istəyir?

Roza Məmmədova
17 May 2022

Reuters

"Putinin dediklərini dinləməliyik, amma əhəmiyyət verməməliyik” Azərbaycanın sabiq xarici İşlər naziri Tofiq Zülfüqarov “Toplum TV”yə Kollektiv Təhlükəsizlik Müqaviləsi Təşkilatının (KTMT) mayın 16-da Moskvada keçirilən sammitində Rusiya Prezidentinin çıxışını şərh edərkən belə deyib. Rusiya Prezidenti Vladimir Putin məlum nitqi zamanı Müstəqil Dövlətlər Birliyinə (MDB) KTMT-də müşahidəçi statusunun verilməsi təklifi ilə çıxış edib. Bir gün əvvəlsə Belarusun müdafiə naziri Viktor Xrenin bir neçə ildən sonra onlarla ölkənin KTMT-yə qoşulacağını bəyan etmişdi. Hazırda təşkilatın üzvləri Rusiya, Belarus, Qazaxıstan, Ermənistan, Qırğızıstan və Tacikistandır. Putin saamitdəki çıxışında KTMT-nin payızda birgə hərbi təlimlər planlaşdırdığını da deyib. Onun sözlərinə görə, təlimlərin sayı getdikcə artacaq və onlar Qazaxıstan,...

Seçilmiş Videolar

Toplum TV loqo