Siyasət

İşgəncələr Əleyhinə Ümumdünya Təşkilatı "Tərtər işi"ndəki ölüm hallarına görə cəza tələb edir

14 Aprel, 2021
1199

Sosial Media

""Tərtər işi" üzrə həbs olunanların və həlak olanların ümumi sayı hələ də məlum deyil. İşin özü məxfiləşdirilib. Biz bu dəhşətli faktlar fonunda Azərbaycan hökumətinin və insan hüquqları pozuntularını törətmiş hüquq-mühafizə orqanlarının hərkətlərini qətiyyətlə pisləyirik”.

Bu fikirlər İşgəncələr Əleyhinə Ümumdünya Təşkilatının 13 aprel tarixli bəyanatında yer alıb.

Bəyanatda qeyd olunur ki, "Tərtər işi" çərçivəsində ən azı 78 nəfər Azərbaycan vətəndaşı saxlanılıb və dövlətə xəyanət ittihamı ilə 12 ildən 20 ilədək həbs cəzasına məhkum edilib.

Təşkilat 2017-ci ilin mayında Azərbaycan Baş Prokurorluğunun, Müdafiə Nazirliyinin, Daxili İşlər Nazirliyinin və Dövlət Təhlükəsizliyi Xidmətinin birgə bəyanatında istinad edərək bildirib ki, Ermənistan kəşfiyyatına casusluq ittihamı ilə bir qrup hərbçi və mülki şəxs saxlanılıb:

"Hakimiyyət Cinayət Məcəlləsinin 274-cü maddəsi üzrə "dövlətə xəyanət" ittihamı ilə cinayət işi açıb və xüsusi istintaq qrupu yaradıb. Bundan sonra Tərtər rayonunda kütləvi həbslər aparılıb. İlk iki gün ərzində, mayın 7-8-də kütləvi informasiya vasitələri bir gündə 47 nəfərin həbs olunduğunu bildirib, lakin onların adları açıqlanmayıb. Mayın 8-dən sonra kütləvi informasiya vasitələrində reportajlar kəsilib, ancaq insan hüquqlarının kütləvi şəkildə pozulması ilə bağlı qeyri-rəsmi məlumatlar yayılıb. Sülh və Demokratiya İnstitutu qeyri-hökumət təşkilatının məlumatına görə, 274-cü maddə ilə həbs olunanların vəkillərə çıxış imkanı olmayıb və məhkəmənin qərarı olmadan həbsxanaya salınıblar. Kütləvi informasiya vasitələri redaktorlarının Baş Prokurorluğa çağırılması, onlara "dövlət sirri"nin yayılmasının yolverilməzliyi barədə xəbərdarlıq edilməsilə bağlı hallar da olub”.

Bəyanatda hazırda 12 ildən 20 ilədək azadlıqdan məhrum edilən 78 şəxsin olduğu vurğulanır: "Saxlanılanlar işgəncəyə məruz qalıblar, bu işgəncələrdən 11 təsdiqlənmiş ölüm halı var. Saxlanılanları dövlət sirrilə bağlı ifadə almaq üçün işgəncələrə məruz qoyublar. Həlak olanların ailələri bildirirlər ki, onların bir çoxunun meyitləri ailələrinə verilməyib”.

Təşkilat hüquq müdafiəçisi Oqtay Gülalıyevin maşınla vurulmasına da toxunub: "2019-cu ildə bu pozuntuları araşdırmağa çalışan hüquq müdafiəçisi Oqtay Gülaliyev Bakının mərkəzində avtomobillə vurulub. Klinikada hüquq müdafiəçisinə 17 saat ərzində heç bir tibbi yardım göstərilməyib. Nəticədə Oqtay Güləliyev hələ də komadadır”.

Təşkilat Azərbaycan hakimiyyəti qarşısında aşağıdakı tələbləri qoyub:

- dərhal işgəncələr və məhbusların ölümü araşdırılsın, günahkarlar məsuliyyətə cəlb edilsin;
- qurbanlara reabilitasiya, yardım təmin edilsin;
- onlara və ailələrinə dəyən zərəri ödənilsin, həmçinin cəsədlərin əldə edilməsinə imkan yaradılsın;
- bu iş üzrə həbs edilmiş şəxslərin yerləşdiyi yeri və sayı açıqlasın;
- işgəncə praktikasına son qoymaqla Azərbaycanda bu kimi halların aradan qaldırılması üçün tədbirlər görülsün.

Bəyanatda "Tərtər işi" üzrə işgəncələr nəticəsində ölənlərin adları da qeyd olunub:

1. Mehman Hüseynov - mayın 7-də saxlanılıb, cəsəd 16 may 2017-ci ildə dəfn edilib;
2. Səxavət Bünyadov - mayın 7-də saxlanılıb, cəsəd 17 may 2017-ci ildə dəfn edilib;
3. Saleh Qafarov - mayın 4-də saxlanılıb, cəsəd 14 may 2017-ci ildə dəfn edilib;
4. Elçin Quliyev - mayın 11-də saxlanılıb, cəsəd 18 may 2017-ci ildə dəfn edilib;
5. Təmkin Nizamioğlu- mayın 12-də saxlanılıb, cəsəd 21 may 2017-ci ildə dəfn edilib;
6. Dayandur Əzizli - mayın 12-də həbs edilib, cəsəd 20 iyul 2017-ci ildə dəfn edilib;
7. Süleyman Kazımov - mayın 4-də saxlanılıb, cəsəd 7 may 2017-ci ildə dəfn edilib;
8. Elxan Ağazadə -mayın 1-də saxlanılıb, cəsəd 10 may 2017-ci ildə dəfn edilib;
9. Elçin Mirzəliyev - mayın 7-də saxlanılıb, cəsəd 25 may 2017-ci ildə dəfn edilib.
10. Ruslan Ocaqverdiyev - 16 may 2017-ci il səhər saxlanılıb, cəsəd isə həmin gün axşam ailəsinə təhvil verilib.
11. Adil Sabirli - 5 may 2017-ci il tarixində ölənədək döyülüb.

Meydan TV

Siyasət

Paşinyan Praqada Əliyev və Ərdoğanla görüşəcək

5 Oktyabr 2022

Rəsmi səhifə

Ermənistanın Baş naziri Nikol Paşinyan bildirib ki, Çexiya paytaxtı Praqda Azərbaycan Prezidenti və Rürkiyə Prezidenti Rəcəb Tayyib Ərdoğanla görüşəcək.  Bu barədə o, parlamentdə “Hökumət saatı”nda açıqlama verib.  Onun sözlərinə görə, İlham Əliyevlə görüş Fransa Prezidenti Emmanuel Makron və Avropa İttifaqı Şurasının rəhbəri Şarlz Mişelin iştirakı ilə baş tutacaq. https://toplum.tv/siyaset/ilham-eliyev-qarabagdaki-ermeni-ehalisinin-heyatini-nece-qaydaya-salacagimizi-hec-bir-beynelxalq-merkezle-muzakire-etmeyeceyik Dördtərəfli görüş sabah, oktyabrın 6-da Avropa Siyasi Birliyinin sammiti çərçivəsində keçiriləcək. Paşinyan çıxışında bildirib ki, hazırda Azərbaycanla sərhəddə gərginliyi azaltmaq üçün müəyyən imkanlar var. "Ermənistan və Azərbaycanın 1991-ci il 8 dekabr sənədi əsasında ərazi bütövlüyünün qarşılıqlı tanınması məsələsində razılığa gələcəyinə dair gümanlar var", - deyə o bildirib. 
Siyasət

Sabiq icra başçısının Azərbaycana ekstradisiyası üçün sorğu göndərilib

5 Oktyabr 2022

Açıq mənbələrdən götürülüb

Baş Prokurorluq oktyabrın 5-də Polşada saxlanılan Qubadlının sabiq icra başçısı Elxan Nuriyevlə bağlı məlumat yayıb. Bildirilir ki, Qubadlı rayonun İcra Hakimiyyətinin sabiq başçısı Elxan Nuriyevin təşkilatçılığı ilə 1993-cü ildə bir sıra xüsusilə ağır cinayətlərin törədilməsi faktlarına görə Qubadlı rayon prokurorluğunda Cinayət Məcəlləsinin 120.2.10, 29,120.2.11, 309.2 və digər maddələri ilə cinayət işi başlanmış və E.Nuriyev qeyd olunan maddələrlə təqsirləndirilən şəxs qismində cəlb edilməklə barəsində axtarış elan edilib. https://toplum.tv/mehkeme/baku-steel-isi-usaqliq-dostlari-mehkemede-uz-uze-qalib Məlumata görə, Elxan Nuriyev oktyabrın 2-də o, Polşa Respublikasının ərazisində saxlanılıb. "Hazırda E.Nuriyevin Azərbaycan Respublikasına ekstradisiya edilməsi məqsədi ilə Baş Prokurorluq tərəfindən aidiyyəti qurumlara sorğu göndərilmişdir", - deyə rəsmi xəbərdə qeyd olunub. 

Seçilmiş Videolar

Toplum TV loqo