Siyasət
İstintaq təcridxanasının rəhbərliyi Tofiq Yaqublunun hüquqlarını məhdudlaşdırır
9 Sentyabr, 2020
353
Demokratik Qüvvələrin Milli Şurasının və Müsavat Partiyasının üzvü Tofiq Yaqublu Şüvəlan qəsəbəsindəki 3 saylı təcridxanada səkkizinci gündür ki, aclıq aksiyasını davam etdirir. Bu barədə Turan-a ona baş çəkmiş vəkil Elçin Sadıqov bildirib.

"Tofiq Yaqublunun vəziyyəti yaxşı deyil: başgicəllənməsi, ürək bulanması, güclü baş ağrısı var. Çətinliklə hərəkət edir. Görüşə gəldiyində onun necə zəiflədiyini, hərəkət etməyə necə çətinlik çəkdiyini gördüm”, - vəkil deyib.

Onun sözlərinə görə, 8-ci gündür aclıq etməsinə baxmayaraq, T.Yaqublunu hələ də tibb məntəqəsinə köçürməyiblər.

"Təcridxana həkimləri Tofiq Yaqublunu müayinə edirlər, lakin biz xahiş etdik ki, professor Adil Qeybulla onu hər gün müayinə etsin. Ombudsmandan cavab almamışıq”, - vəkil qeyd edib.

T.Yaqublu onun barəsində ədalətsizlik aradan qaldırılmayınca aclığı davam etdirmək fikrində israrlıdır. İstintaq təcridxanasının rəhbərliyi qida qəbuluna başlamağı tövsiyə edib, ancaq T.Yaqublu imtina edib.

Hökumət aclıq aksiyasına hələlik reaksiya verməyib. Bundan əlavə, T.Yaqublunun telefon danışıqlarına məhdudiyyət qoyulub. Hətta bu gün də cədvəl üzrə növbəsinə baxmayaraq, ona evə zəng etməyə icazə verilməyib. Vəkilə də görüş üçün maneçilik yaradılıb.

Digər məhbusların vəkilləri sənədləri təqdim edərək müttəhimlərin yanına gedərkən E.Sadıqov yarım saat gözləmək məcburiyyətində qalıb.

Vəkil güman edir ki, təcridxana rəhbərliyi icazə verməzdən öncə yuxarıda kiminləsə məsləhətləşmələr aparır.

Xatırladaq ki, Demokratik Qüvvələrin Milli Şurasının və Müsavat Partiyasının üzvü Tofiq Yaqublu sentyabrın 3-də 4 il 3 ay müddətinə azadlıqdan məhrum edilib. O, etiraz olaraq aclıq edir.

Beynəlxalq təşkilatlar hökmü pisləyiblər. Beynəlxalq Amnistiya təşkilatı onu "vicdan məhbusu” kimi tanıyıb.
 
turan.az
Siyasət

Tofiq Yaqublu: “Paşinyanın qalib gəlməsi bizə daha ciddi problem yarada bilər” 

Nigar Səmədli
18 İyun 2021

Al Jazeera

İyunun 20-də Ermənistanda növbədənkənar parlament seçkiləri keçiriləcək.     Namizədlər arasında Ermənistanın sabiq prezidentlər Levon Ter-Petrosyan, Robert Koçaryan, Serj Sarkisyan və hazırda Baş nazir vəzifəsini icra edən Nikol Paşinyan kimi şəxslər  yer alıb.   Elman Nəsirov - Sosial Media   Bəs Azərbaycanda Ermənistanda keçiriləcək seçkilərlə bağlı proqnozlar nədir?     Milli Məclisin deputatı Elman Nəsirov deyir ki, Ermənistanda seçkilərin gərgin keçəcəyi indidən məlumdur: “Tərəflər bir-birini dövlətə xəyanətdə ittiham edir, düşmən və satqın adlandırırlar. Budəfəki seçkinin əsas özəlliyi ondadır ki, Ermənistanı idarə etmiş bütün şəxslər seçkilərə qatılıb və bu da seçki prosesinə əlavə gərginlik gətirir. İlkin proqnozlar göstərir ki, əsas namizədlər...
Siyasət

Lavrov Türkiyənin Azərbaycanda hərbi baza açacağı iddialarına cavab verdi

18 İyun 2021
Rusiyanın xarici işlər naziri Sergey Lavrov Türkiyənin Azərbaycanda hərbi baza açacağı barədə ehtimallara şərh verməkdən imtina edib.  "RIA Novosti"-nin iyunun 18-də verdiyi məlumata görə, o, bu iddiaları şayiə adlandırıb.  "Biz bu məsələni müzakirə etməmişik və biz şayiələrə şərh vermirik", - deyə Rusiyanın baş diplomatı vurğulayıb.  Bir neçə gün əvvəl Bakıda jurnalistlərin suallarını cavablandıran Türkiyə prezidenti Rəcəb Tayyib Ərdoğan Azərbaycanla imzalanmış Şuşa Bəyannaməsi çərçivəsində Azərbaycan ərazisində Türkiyə Hərbi Qüvvələrinin bazasının yaradılması fikrini istisna etməmişdi.  "Bu məsələnin [hərbi bazanın yaradılması] inkişafı mümkündür. Bu mövzu Azərbaycan prezidenti İlham Əliyevin Rusiya prezidenti Vladimir Putinlə apardığı məsləhətləşmələrdən sonra təkmilləşə bilər. Həmçinin bizim danışıqlarımız prosesində də...
Seçilmiş Videolar