Siyasət

Jurnalist gecə ikən məhkəməlik oldu - "Prokurorluğun şəxsi məhkəməyə aparmaq səlahiyyəti yoxdur"

Roza Məmmədova
21 Dekabr, 2021
311

Sosial Media

Hərbi jurnalist Səxavət Məmməd Azərbaycan Ordusunun vəziyyəti barədə yazdığı məqalələrə görə 500 manat cərimə edilib. 

Bu barədə o, dekabrın 20-də “Toplum TV”-yə açıqlamasında məlumat verib.

Jurnalistin dediyinə görə, dekabrın 18-də "Yenicag.az" saytında gedən son yazılarla bağlı Baş Prokurorluğa dəvət edilib.

“İzahatımı aldılar, daha sonra söhbət etdik. Orada da bildirdim ki, orduda baş verənlərlə bağlı yazdıqlarım uzun müddətli araşdırmanın nəticəsidir. Ardından məhkəməyə aparıldım. Gecə ikən məhkəmə keçirildi, 500 manat cərimə olundum. Məhkəmədə hakim vəkil istəyib-istəmədiyimi soruşdu, o vaxt kimisə narahat etmək istəmədim, özüm-özümü müdafiə etdim. Hakim yazıda rüşvətə toxunmağımla bağlı suallar verdi. Faktiki olaraq yazıda kimin kimə rüşvət verməsini yazmamışdım”.

Jurnalist Səxavət Məmməd zaman-zaman Azərbaycan Ordusunun problemlərini işıqlandırmasıyla, hərbi mövzularda verdiyi açıqlamalarla tanınır.

Açıq mənbələrdən götürülüb

O bildirib ki, əvvəllər də hərbi mövzularda yazdığı məqalələrinə  görə müxtəlif təzyiqlərlə üzləşib:

“Ordu generalı Nəcməddin Sadıqovun dövründə bir yazıma görə məhkəməyə verilmişdim. Məhkəmə ilkin qərarında iddiaçı tərəfin xeyrinə nəticə çıxarsa da, Appelyasiya Məhkəməsi sonda xeyrimə qərar qəbul etmiş, bununla da məsələ yekunlaşmışdı. Açığı, bu dəfə məhkəmə salonunda şikayətçi və ittihamçı tərəf yox idi”.

Qeyd edək ki, İnzibati Xətalar Məcəlləsinin 388-1.1.1-ci maddəsi – informasiya ehtiyatında və ya informasiya-telekommunikasiya şəbəkəsində “İnformasiya, informasiyalaşdırma və informasiyanın mühafizəsi haqqında” qanun ilə yayılması qadağan edilən informasiyanın yerləşdirilməsinə, yol verilməsinə görə məsuliyyət yaradır. Eyni zamanda qanunla yayılması qadağan edilən informasiyanın yerləşdirilməsinə yol verilməsinə görə fiziki şəxslər beş yüz manatdan min manatadək, vəzifəli şəxslər min manatdan min beş yüz manatadək, hüquqi şəxslər min beş yüz manatdan iki min manatadək məbləğdə cərimə edilirlər.

Hüquqşünas Səməd Rəhimli baş verənlərin informasiya azadlığına əngəl yaratdığını söyləyir və bildirir ki, bu nümunədə ittihamçı tərəf çox güman, Rəqəmsal İnkişaf və Nəqliyyat Nazirliyidir.

“Çox güman ki, burada şikayət edən tərəf Rəqəmsal İnkişaf və Nəqliyyat Nazirliyidir. Prokurorluq haqqında qanuna görə, prokurorluq qanunu pozduğu təqdirdə jurnalisti çağırıb, ona xəbərdarlıq etməliydi. Bununla belə Rəqəmsal İnkişaf və Nəqliyyat Nazirliyi də qanun pozuntusu  iddiası ilə məhkəməyə protokol göndərmək səlahiyyətinə sahibdir. Normalda nazirlik protokolu tərtib etdikdən sonra məhkəməyə göndərməli, şəxsin məhkəməyə gəlməsi könüllü əsaslarla olmalıdır. Şəxs özü gəlmədiyi halda, polisin müşayəti ilə zorla məhkəməyə gətirilə bilər. Yəni Prokurorluğun şəxsi məhkəməyə aparmaq səlahiyyəti yoxdur”.

Səməd Rəhimli - Əkinçi Platforması

Hüquqşünasın sözlərinə görə, normalda inzibati xəta haqqında araşdırmanın müddəti 15 gündür.

“Görünür ki, məhkəmə bir gün ərzində işə baxıb, nəticə çıxarıb. Amma reallıqda ittihamın qiymətləndirilməsi bir gündən çox çəkməliydi”.

S.Rəhimli deyir ki, burada qüsurlu olan məqamlardan biri də şikayətçi olan tərəfin (Rəqəmsal İnkişaf və Nəqliyyat Nazirliyi-red) məhkəmədə iştirak etməməsidir:

 “İnzibati Xətallar Məcəlləsinə görə, iddiaçı tərəf məhkəmə salonuna gəlməyə də bilər. Yəni məhkəmə ittiham olunana protokol haqqında məlumat verir və fikrini soruşur.

Avropa Məhkəməsi Azərbaycanda İnzibati Xətalar Xəcəlləsində bu cür qaydaların nəzərdə tutulmasının problemli olduğunu qeyd edir. Yəni, normalda iddiaçı tərəf də məhkəmədə iştirak etməldir. Amma qarşı tərəf sadəcə protokolu göndərir, məhkəmə də buna uyğun qərar çıxarır”.

Media eksperti Ələsgər Məmmədli də məsələyə münasibət bildirib.

Ekspertin sözlərinə görə, Səxavət Məmmədin araşdırma yazısına görə Prokurorluğa çağırılması və sonra məhkəməyə aparılıb İnzibati Xətalar Məcəlləsinin 388-1- ci maddəsi ilə cazalandırılması ifadə azadlığını zorlamaqdır.

Ələsgər Məmmədli - Sosial Media

“Yeni Media Qanunu layihəsini tərifləyənlər nəzərə alın ki, bu 388-ci maddə təriflədiyiniz Layihənin 15-ci maddəsinə məhz jurnalistləri cəzalandırmaq üçün "bəh-bəhlə" yerləşdirilib. (15.1.7. Azərbaycan Respublikası İnzibati Xətalar Məcəlləsinin 388-ci maddəsində nəzərdə tutulmuş sui-istifadə hallarına). Media Qanunu layihəsi qəbul olunmadan Prokurorluq artıq bunu əlində bayraq edib, heç bir məhkəmə araşdırması aparmadan, jurnalisti cəzalandırmaq üçün məhkəməyə zəruri "göstərişini" verib və dərhal yazının analizi aparılmadan, onun hansı hüquqa zidd olduğu, hansı sirri yaydığı müəyyən olunmadan cəza kəsilib. Budur, Yeni Media Qanunun ilk tətbiqi - qüvvəyə minməmiş, imzalanmamış. Əsərinizlə fəxr edin!”.

Jurnalist Səxavət Məmməd vəkillərlə, jurnalistlərlə məsləhətləşib növbəti addımlarını buna uyğun atacağını söyləyir.

Siyasət

İlham Əliyev Tokayevə məktub göndərdi

28 Yanvar 2022

Rəsmi səhifə

Azərbaycan Prezidenti İlham Əliyev Qazaxıstanın dövlət başçısı Kasım-Jomart Tokayevə təbrik məktubu göndərib. Bu barədə "president.az" saytı məlumat yayıb.  Məktubda deyilir: “Hörmətli Kasım-Jomart Kemeleviç. “Nur Otan” Partiyasının sədri seçilməyiniz münasibətilə səmimi təbriklərimi qəbul edin. Bizim dost ölkələrimiz arasında münasibətlər bu gün uğurla inkişaf edir, birgə layihələr fəal surətdə həyata keçirilir. Biz Azərbaycan ilə Qazaxıstan arasında qarşılıqlı maraq doğuran bütün istiqamətlər üzrə əməkdaşlığı bundan sonra da dərinləşdirmək əzmindəyik. Azərbaycanın və Qazaxıstanın hakim partiyaları – Yeni Azərbaycan Partiyası və “Nur Otan” partiyası arasında əməkdaşlığın müsbət dinamikasını və fəal dialoqu məmnuniyyətlə qeyd etmək istərdim. Partiyalararası əlaqələr ölkələrimiz arasında ikitərəfli münasibətlərin mühüm tərkib hissəsidir. Əminəm...
Siyasət

Müdafiə Nazirliyi: "Ermənistan mövqelərimizi atəşə tutub"

28 Yanvar 2022

Rəsmi səhifə

Ermənistan silahlı qüvvələrinin bölmələri yanvarın 27-si saat 20:58-dən 23:00-dək dövlət sərhədinin Tovuzqala rayonunun Çinarlı yaşayış məntəqəsində yerləşən mövqelərindən Azərbaycan Ordusunun Tovuz rayonunun Koxanəbi yaşayış məntəqəsi istiqamətində yerləşən mövqelərini atıcı silahlardan fasilələrlə atəşə tutub. Bu barədə yanvarın 28-də Azərbaycan Müdafiə Nazirliyindən məlumat verilib. "Ordumuzun qeyd olunan istiqamətdə yerləşən bölmələri tərəfindən müvafiq tədbirlər görülüb. Azərbaycan Ordusunun sıralarında şəxsi heyət və hərbi texnika baxımdan itki yoxdur. Əməliyyat şəraiti Azərbaycan Ordusunun tam nəzarəti altındadır" - deyə məlumatda bildirilib.
Seçilmiş Videolar