Siyasət

Jurnalist İlqar Atayev və “Xəbər kanalı”nın yaradıcısı həbs olunub

12 Avqust, 2021
1440

Rəsmi səhifə

Onlar vəzifəli şəxsdən hədə-qorxu ilə pul tələb etməkdə ittiham olunurlar

“Xəbər kanalı” səhifəsinin yaradıcısı Sənan Abdullayevlə jurnalist İlqar Atayev saxlanılıb. Onların birlikdə çəkiliş apardığı bildirilir. 

Baş Prokurorluğun mətbuat xidmətinin yaydığı məlumatda bildirilir ki, adları çəkilən şəxslər avqustun 10-da saxlanılıblar.

Sənan Abdullayev və İlqar Atayev haqqında Baş prokuror yanında Korrupsiyaya Qarşı Mübarizə İdarəsində cinayət işi başlanıb. Onlar Cinayət Məcəlləsinin 182.2.1 (qabaqcadan əlbir olan bir qrup şəxs tərəfindən hədə-qorxu ilə tələb-etmə) maddəsilə şübhəli şəxs qismində tutulublar.

Məlumata görə, Sənan Abdullayev “Yutub” platformasında 2012-ci ildə yaratdığı “Xəbər kanalı” səhifəsində birgə çəkiliş apardığı İlqar Atayevlə 2021-ci ilin əvvəllərindən Goranboy Rayon İcra Hakimiyyətinin vəzifəli şəxslərinin qanunsuz əməllərə yol vermələri barədə video-materiallar yayıb. İddia olunur ki, sonradan həmin materialların səhifədən silinməsi üçün icra hakimiyyətinin vəzifəli şəxsindən hədə-qorxu ilə 4 min manat pul tələb edib və alanda da saxlanılıblar.

“Sənan Abdullayev və İlqar Atayev 10 avqust 2021-ci il tarixdə cinayət əməlini törədərkən keçirilmiş əməliyyat tədbiri nəticəsində saxlanılıb”, - prokurorluğun məlumatında bildirilir.

İlqar Atayev və Sənan Abdullayevin, həmçinin onların yaxınlarının bu ittihamlara münasibəti məlum deyil.

Siyasət

Gözlənilən əfv sərəncamı

Vüsalə Mikayıl
19 May 2022

açıq mənbədən götürülüb

Novella Cəfəroğlu və Rüfət Səfərov prezidentə müraciət etdiklərini deyir – Komissiya üzvləri isə ad açıqlamır Mayın 19-da Prezident yanında Əfv Məsələləri Komissiyasının iclası keçirilib. İclasda komissiyaya daxil olan digər müraciətlərə baxılıb. İndiyədək Komissiyanın iclaslarında ümumilikdə əfvlə bağlı 500-dən çox müraciət nəzərdən keçirilib. Hüquq müdafiəçisi Novella Cəfəroğlu 39 nəfərlik siyahını komissiyaya göndərdiklərini deyir. “Cəbhəçilər, redaktorlar, blogerlər, jurnalistlər, vicdan məhbusları və ömürlük cəzaya məhkum olunmuş bir-neçə adamın adını qeyd etmişdik. Biz istəyərdik siyahıda olan şəxslərin hamısına sərəncam şamil olunsun. Nəticəsi olacağını gözləyirik. Hər dəfə bizim siyahıdan 10-15 nəfər əfv siyahısına düşür. Bu dəfə də ən azından o qədər gözləyirik”. “Müdafiə xətti” təşkilatının...
Siyasət

AMEA-nın Hüquq və İnsan Haqları İnstitutu ləğv edildi

19 May 2022

AMEA

Azərbaycan Milli Elmlər Akademiyasının strukturuna daxil olan Hüquq və İnsan Haqları İnstitutu ləğv edilib. “president.az”ın məlumatına görə, bu barədə Prezident İlham Əliyev mayın 19-da fərman imzalayıb. Fərmana əsasən, Hüquqi Ekspertiza və Qanunvericilik Təşəbbüsləri Mərkəzi yaradılıb. Bildirilib ki, “Hüquqi Ekspertiza və Qanunvericilik Təşəbbüsləri Mərkəzi” publik hüquqi şəxsin tabeliyində “Hüquq və İnsan Haqları İnstitutu” publik hüquqi şəxsə çevrilməklə yenidən təşkil ediləcək. Hüquq və İnsan Haqları İnstitutunun direktoru deputat, Milli Məclisin İnsan hüquqları komitəsinin üzvü Aytən Mustafayevadır. Qurum 1999-cu ildə yaradılmışdı. İlham Əliyev Prezident Administrasiyasının (PA) Hüquq ekspertizası şöbəsini də ləğv edib. Ləğv edilən şöbənin müdiri Şahin Əliyev bu gün prezidentin Sərəncamı ilə...

Seçilmiş Videolar

Toplum TV loqo