Siyasət

Jurnalistə hücumla bağlı prezidentə müraciət olundu

9 May, 2022
604

Toplum Tv

Bir qrup jurnalist, hüquq müdafiəçisi və vətəndaş cəmiyyəti nümayəndəsi jurnalist Aytən Məmmədovaya edilən hücumla bağlı prezident İlham Əliyevə, Daxili İşlər Naziri Vilayət Eyvazova, Dövlət Təhlükəsizlik Xidmətinin rəhbəri Əli Nağıyevə, Baş prokuroru Kamran Əliyevə açıq müraciət ünvanlayıb.

Müraciətdə deyilir ki, 8 may 2022-ci il, gecə saat 23.45 radələrində jurnalist Aytən Məmmədova evinə gedərkən liftdə naməlum şəxs tərəfindən hücuma məruz qalıb: “Bıçağı jurnalistin boğazına dirəyən şəxs ondan fəaliyyətini dayandırmağı tələb edib və azyaşlı övladı ilə hədələyib.

Aytən Məmmədovanın boğazında gözlə görülə biləcək şəkildə xəsarət izləri var”.

Müraciəti imzalayanlar hadisənin düzgün araşdırılsını və işin arxasında dayanmış şəxslərin tapılıb cəzalandırılmasını tələb ediblər.

“Azərbaycan üzvü olduğu beynəlxalq təşkilatlar və beynəlxalq hüquq qarşısında öhdəliklər götürüb. İnsan hüquları və ifadə azadlığı ilə bağlı təzyiqlər bu öhdəlikləri kobud surətdə pozur.

Halbuki hüquq tələb edir ki, heç bir jurnalist peşə fəaliyyətinə görə təzyiq və təhdidə məruz qalmamalıdır”, - müraciətdə deyilir.

Müraciətdə vurğulanır ki, jurnalist Aytən Məmmədovaya edilən hücum, söz və mətbuat azadlığına edilən hücumdur: “Onun boğazına dirənən bıçaq bütün jurnalistlərin boğazına dirənən bıçaqdır. Bu səbəbdən ölkə başçısından və hüquq mühafizə orqanlarından tələb edirik ki, bütün jurnalistlərin təhlükəsizliyi və güvənli olaraq öz peşə fəaliyyətlərini yerinə yetirə bilmələri üçün cinayətkar və bu cinayətin arxasında dayanan şəxslər tez bir zamanda tapılaraq cəzalandırılsın!”.

Jurnalist Aytən Məmmədova hücumla əlaqədar Cinayət Məcəlləsinin 134-cü maddəsi (qətl və ya sağlamlığa ağır ziyan vurulması təhlükəsi) ilə cinayət işi başlanıb. İstintaq Binəqədi rayon Polis İdarəsində aparılır.

Bu barədə "Turan"a DİN-in mətbuat xidməti şöbəsinin rəisi Elşad Hacıyev deyib.

Onun sözlərinə görə, A.Məmmədova Bakı şəhər Baş Polis İdarəsinə dəvət olunub və məlumat verilib ki, bütün zəruri istintaq hərəkətləri aparılır.

Mayın 8-i gecə saatlarında jurnalist Aytən Məmmədovaya bıçaqla hücum olub. Jurnalist bildirib ki, ona hücum edən şəxs bıçağı boğazına dirəyib və adını çəkmədiyi məhkəmə işinə görə hədələyib, yazmamasını tələb edib. Jurnalist A.Məmmədova məhkəmələrdən hazırladığı reportajları ilə tanınır. Onun son zamanlar ən çox ictimailəşdirdiyi iş İlkin Süleymanovla bağlı məhkəmə işidir.

İ.Süleymanov Tovuzun Dondarquşçu kənd sakini 10 yaşlı Nərmin Quliyevanı öldürməkdə ittiham olunur. Məhkəmə prosesi 2 ildir davam edir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Rəsmi Bakı İranın izahat tələbinə cavab verib

31 Mart 2023

Rəsmi səhifə

Azərbaycan Xarici İşlər Nazirliyinin (XİN) sözçüsü Ayxan Hacızadə İran XİN-in mətbuat katibi Nasir Kənani tərəfindən səslənmiş iddialara cavab verib. Toplum Tv xəbər verir ki, bu barədə martın 31-də Azərbaycan XİN-dən məlumat verilib.  Ayxan Hacızadə Kənaniyə nazir Ceyhun Bayramovun İsraildə səfərdə ikən səsləndirdiyi fikirlərə diqqətlə qulaq asmağı tövsiyə edib. Onun sözlərinə görə, Bayramov İsrail xarici işlər naziri ilə mətbuat brifinqi zamanı İrana qarşı hər hansı bir mövqe səsləndirməyib. Buna görə də o, İran XİN-i tərəfindən verilən bu açıqlamanı növbəti anti-Azərbaycan addım kimi qiymətləndirib. https://toplum.tv/siyaset/piran-azerbaycandan-izahat-teleb-edirp "Azərbaycan öz ərazisindən üçüncü dövlətlərə qarşı istifadəyə heç zaman imkan verməyib. Bunun əksinə, son zamanlar İran ərazisindən...
Siyasət

İran Azərbaycandan izahat tələb edir

Toplum TV
31 Mart 2023

Rəsmi səhifə

Tehran İsrailin Azərbaycan ərazisindən İrana hücum hazırladığını bildirir və Bakıdan izahat tələb edir.  Toplum TV "Fars" agentliyinə istinadən xəbər verir ki, bu barədə martın 31-də İran Xarici İşlər Nazirliyinin (XİN) sözçüsü Nasser Kənani gündəlik brifinq zamanı  danışıb.  Kənani açıqlamasında deyib ki, İran "sionist rejimin Azərbaycan Respublikası ərazisindən İrana qarşı sui-qəsd hazırlamasına biganə qala bilməz" və o, Azərbaycan hökumətindən İsraillə əldə olunan razılaşmalarla bağlı izahat tələb edib. XİN sözçüsü xüsusilə İsrailin xarici işlər naziri Eli Koenin azərbaycanlı həmkarı Ceyhun Bayramovla birgə keçirdiyi mətbuat konfransında işlətdiyi "Azərbaycan və İsrail İranın təhdidini bölüşür" ifadəsinə aydınlıq gətirilməsini tələb edib.  "Bu, sionist rejimin Azərbaycan Respublikası...

Seçilmiş Videolar

Toplum TV loqo