Siyasət

KTMT Ermənistana missiya göndərir

14 Sentyabr, 2022
990

Kollektiv Təhlükəsizlik Müqaviləsi Təşkilatı (KTMT) Ermənistan-Azərbaycan sərhədindəki vəziyyəti qiymətləndirmək üçün baş katib Stanislav Zasın rəhbərliyi ilə Ermənistana missiya göndərəcək. 

TASS xəbər verir ki, bu barədə KTMT-nin mətbuat katibi Vladimir Zaynetdinov məlumat verib. 

“KTMT-nin məsuliyyət zonasında vəziyyətin daimi monitorinqi üçün katibliyin əməkdaşları və birgə qərargahın hərbi qulluqçuları arasından işçi qrupunun yaradılması barədə təklif razılaşdırılıb”, - deyə Zaynetdinov KTMT Kollektiv Təhlükəsizlik Şurasının dünən baş tutan növbədənkənar iclasından sonra  bildirib. 

https://toplum.tv/multimedia/sehidler-defn-olunur

Zaynetdinov baş katibi KTMT-nin Birləşmiş Qərargah rəisi, general-polkovnik Anatoli Sidorovun və təşkilata üzv dövlətlərin nümayəndələrinin müşayiət edəcəyini qeyd edib.

Həmçinin, Zaynetdinovun sözlərinə görə, missiya regiondakı vəziyyətlə bağlı hesabat hazırlayacaq və yaranmış gərginliyin azaldılması variantlarını təklif edəcək. Hesabat KTMT-nin Təhlükəsizlik Şurasının payızda Yerevanda keçirilməsi planlaşdırılan növbəti sessiyasında dövlət başçılarına təqdim olunacaq.

Sentyabrın 12-si gecə saatlarında Azərbaycan-Ermənistan sərhədində vəziyyət gərginləşib. Ermənistan Müdafiə Nazirliyi ölkənin sərhədyanı ərazilərinin atəşə tutulması barədə məlumat yayıb. Bakı da öz növbəsində bəyan edib ki, onlar yalnız Yerevanın regionda vəziyyəti qəsdən gərginləşdirən təxribatlarına cavab verirlər. Toqquşmalar nəticəsində hər iki tərəfdən onlarla hərbçi həlak olub. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Azərbaycan və Ermənistan XİN başçılarının görüş tarixi açıqlandı

26 Fevral 2024

Açıq mənbələrdən götürülüb

Azərbaycan və Ermənistan xarici işlər nazirlərinin görüşü fevralın 28-29-da Berlində baş tutacaq. Toplum TV xəbər verir ki, bu barədə fevralın 26-da Ermənistan Xarici İşlər Nazirliyinin mətbuat katibi Ani Badalyan bildirib. Onun sözlərinə görə, görüş bir müddət əvvəl Münhen Təhlükəsizlik Konfransında keçirilən üçtərəfli görüşdə əldə olunan razılaşmaya əsasən təşkil olunacaq.  Qeyd edək ki, bundan əvvəl xarici işlər naziri Ceyhun Bayramov Ermənistan nümayəndə heyəti ilə sülh müqaviləsi ilə bağlı təkbətək danışıqların aparılacağını bildirmişdi. 
Siyasət

Həbs olunmuş fəalın səhhətində problemlər yaranıb

26 Fevral 2024

Sosial Media

Azərbaycanın alternativ həmkarlar ittifaqı konfederasiyası olan "İşçi Masası"nın həbsdə olan üzvü Möhyəddin Orucovun səhhətində problemlər yaranıb.  Toplum TV xəbər verir ki, bu barədə fevralın 26-da "Turan" agentliyinə onun anası Təranə Orucova bildirib. O qeyd edib ki, 2023-cü ilin oktyabrında inzibati qaydada həbs edildikdən sonra Möhyəddini uzun müddət açıq havada saxlayıblar və onun böyrəklərinə soyuq dəyib. Həbs dövründə onu müayinə etməyiblər, sadəcə olaraq ağrıkəsicilər veriblər. Azad edildikdən sonra fəal müalicə olunub, lakin 2023-cü ildə yenidən həbs edildiyinə görə müalicəsi yarımçıq qalıb. https://toplum.tv/siyaset/pbahar-muradova-quotabzas-isiquot-ile-bagli-hebs-olunan-jurnalistlerden-danisibp Orucovun anasının sözlərinə görə, hazırda onun böyrəklərində ağrılar artıb. Onu xəstəxanaya yerləşdirməkdən imtina edirlər. Vəkil sabah yenidən onun xəstəxanaya...

Seçilmiş Videolar

Toplum TV loqo