Siyasət

Lavrov Ermənistan və Azərbaycana sülh müqaviləsi üçün kömək təklif edir

9 İyun, 2022

206

RIA Novosti

Rusiyanın xarici işlər naziri Sergey Lavrov Ermənistana səfəri çərçivəsində həmkarı Ararat Mirzoyanla iyunun 9-da birgə mətbuat konfransı keçirib.

Lavrov açıqlamaları zamanı deyib ki, Rusiya sülh müqaviləsinin bağlanması üçün Bakı və Yerevana kömək etməyə hazır olduğunu bir daha təsdiq edir.

O həmçinin bildirib ki, Qarabağla bağlı üçtərəfli bəyanatlar “yol xəritəsi”dir və hamı bunları əldə rəhbər tutmalıdır.

Lavrov iki ölkə arasında delimitasiya danışıqlarına da toxunub: "Moskvada Ermənistan-Azərbaycan sərhədinin delimitasiyası üzrə komissiyaların növbəti iclası planlaşdırılır, biz kartoqrafik materialların təqdimatı daxil olmaqla, məsləhətçi kimi yardım göstərməyə hazırıq".

Onun sözlərinə görə, Ermənistanla Azərbaycan arasında avtomobil marşrutunun razılaşdırılması məsələsi tamamlanmaq üzrədir: "Dəmir yolu marşrutu isə artıq razılaşdırılıb. Rejim sadə formatda fəaliyyət göstərəcək, amma bu, mütləq Ermənistan ərazisinin suverenliyinin tanınmasına əsaslanacaq".

Diplomat Rusiya Federasiyasının Ermənistan-Türkiyə münasibətlərinin normallaşması prosesini alqışladığını və bunun regionda vəziyyətin yaxşılaşmasına töhfə verə biləcəyini vurğulayıb.

Rusiya XİN başçısının Ermənistana rəsmi səfəri iyunun 8-də başlayıb. İyunun 10-da o, Yerevanda Kollektiv Təhlükəsizlik Müqaviləsi Təşkilatının Xarici İşlər Nazirləri Şurasının iclasında iştirak edəcək.

Oxşar Xəbərlər

Vladimir Solovyov Azərbaycandan üzr istəyib

Suriya "DNR" və "LNR"-nin müstəqilliyini tanıdı

Altı erməni hərbçi casusluğa görə həbs olunub

Putin Baydenin qızını Rusiyaya buraxmayacaq

İlham Əliyev Sergey Lavrovla görüşdə: Sülh müqaviləsi üzərində işə başlamaq barədə təklifimiz cavabsız qalır

Vladimir Putinin populyarlığı aşağı düşüb

Redaktorun Tövsiyələri

Vətəndaşın 500 min dollarını kim qaytaracaq?

Bakı ilə Quba arasında batan 550 milyon dollar

Dəli Arazın şor suyunun ümidinə qalanlar

Bərdə sakini uşağının pensiyasının kəsilməsindən şikayətçidir

Əvəz Hafizlinin işi üzrə məhkəmə hakim məzuniyyətə çıxdığına görə keçirilməyib

İşıqsız, qazsız, susuz qalan Şəki ziyalısı

Siyasət

Azərbaycandan Ukraynaya növbəti humanitar yardım göndərilib

5 İyul 2022

Açıq mənbələrdən götürülüb

Humanitar yardımı Sumqayıt Şəhər İcra Hakimiyyəti təşkil edib. Buraya ərzaq məhsulları, məişət və tibbi sərfiyyat malları, həmçinin saxlama müddəti uzun olan məhsullar (konservlər, dənli bitkilər, quru yemək payı və s.), eləcə də uşaq qidaları, dərman vasitələri və geyimlər aiddir. Ümumi çəkisi 50 ton miqdarında olan humanitar yardım tərəfdaş şəhərlər xətti ilə Ukraynanın Çerkassı vilayət administrasıyasından Sumqayıt ŞİH-ə edilmiş rəsmi müraciətə cavab olaraq hazırlanıb və Çerkassı şəhəri əhalisinin ehtiyacları üçün nəzərdə tutulub. “Rusiya-Ukrayna müharibəsinin başlanğıcından indiyədək Azərbaycan tərəfindən Ukraynaya 20 milyon ABŞ dolları dəyərində 1,5 min ton vacib humanitar yük çatdırılıb", - bunu huanitar yardımın hava limanından göndərilməsində iştirak edən Ukraynanın...

Davamını oxu

Siyasət

İlham Əliyev Baydenə: Sülh sazişinin imzalanmasına töhfə verə bilərsiniz

4 İyul 2022

"president.az"

"Otuz ildir ki, Azərbaycan Respublikası ilə Amerika Birləşmiş Ştatlarını dostluq və tərəfdaşlıq münasibətləri birləşdirir. Biz ilk gündən ölkəmizin müstəqilliyinə, suverenliyinə və ərazi bütövlüyünə ABŞ-ın dəstəyini yüksək qiymətləndiririk". Bu fikirlər Prezident İlham Əliyevin 4 İyul – Müstəqillik Günü münasibətilə ABŞ Prezidenti Cozef Baydenə ünvanlandığı təbrik məktubunda yer alıb. Məlumatı Azərbaycan Prezidentinin rəsmi saytı - "president.az" yayıb. Məktubda ikitərəfli əməkdaşlığın uğurla davam etdiyi vurğulanır: "Ölkələrimiz arasında qarşılıqlı faydalı əməkdaşlıq ikitərəfli və çoxtərəfli müstəvidə uğurla davam edir. Beynəlxalq təhlükəsizliyin təmin olunması və terrorizmə qarşı mübarizədə uzun müddətdən bəri davam edən birgə fəaliyyətimiz məmnunluq doğurur. Enerji təhlükəsizliyi məsələlərində ölkələrimizin sıx əməkdaşlığı, həyata keçirdiyimiz irimiqyaslı...

Davamını oxu