Siyasət

Lukaşenkoyla Əliyev 5 saat nədən danışıblar?

14 Aprel, 2021
1754

Prezident.az

Azərbaycanda işgüzar səfərdə olan Belarus prezidenti Aleksandr Lukaşenkonun Azərbaycan Prezidenti İlham Əliyevlə aprelin 13-də baş tutan görüşünün 5 saat davam etdiyi bildirilir.

“Görüşdə Belarusun düşdüyü ağır vəziyyətdən çıxış yollarının axtarılması müzakirə edilə bilərdi”. 

Politoloq Şahin Cəfərli “Toplum TV”-yə açıqlamasında belə deyib.

Şahin Cəfərli Foto: Sosial media

O, ötən ilin avqustunda keçirilən prezident seçkilərindən sonra Belarusda siyasi və iqtisadi böhranın dərinləşdiyini xatırladıb. 

“Əlbəttə, etiraz aksiyalarının yatırılmasında Rusiya amilinin böyük rolu oldu. Rusiya bu ölkədə hadisələrin inqilabi ssenari üzrə getməsində və hakimiyyət dəyişikliyinin baş verməsində maraqlı olmadığından Lukaşenkoya dəstək verir. Buna baxmayaraq Moskvada Lukaşenkoya münasibət heç də birmənalı deyil”. 

Politoloqun fikrincə, Belarusda hakimiyyət dəyişikliyinin və ya inqilabın Rusiyadaxili proseslərə təsirli qaçılmazdır, bu baxımdan Putin Lukaşenko hakimiyyətinə dəstək verir: 

“Digər tərəfdən Moskvanın Lukaşenkodan ciddi gözləntiləri var, tələb edir ki, Rusiya-Belarus ittifaq dövləti çərçivəsində inteqrasiya daha da dərinləşsin. Yəni faktiki olaraq söhbət Belarusun öz müstəqilliyindən, suverenliyindən imtina edərək de-fakto Rusiyanın tərkibinə keçməsindən gedir. 

Minsk hər nə qədər Moskvanın siyasi-maddi dəstəyinə ehtiyac duysa da, Putinin indiyə qədər bu tələblərinə razılıq verməyib. Lukaşenko dəfələrlə bəyan edib ki, müstəqil Belarus dövlətini dəfn etmək istəmir. Bu baxımdan çətin bir vəziyyət yaranıb”. 

Şahin Cəfərli hesab edir ki, siyasi-iqtisadı böhranla üzləşən Belarus prezidentinin həm öz hakimiyyətini, həm də ölkəsinin müstəqilliyini qoruyub saxlamaq üçün ciddi maddi dəstəyə ehtiyacı var. 

“Ötənilki etiraz aksiyalarından sonra Lukaşenko iki dəfə Rusiyaya səfər edib. Nəticədə Rusiya Belarusa cəmi 1,5 milyard dollar kredit xətti açıb. Bu, çox cüzi məbləğdir. Ona görə də Lukaşenko başqa mənbələr axtarır. Düşünürəm ki, onun səfərinin əsas məqsədi məhz budur. Biz bilirik ki, yaxın keçmişdə Azərbaycan Belarusa kredit vermişdi. Buna görə də əminəm ki, beş saatlıq görüşdə də əsas müzakirə mövzusu maddi məsələlər olub”. 

Şahin Cəfərli rəsmi Minskin Azərbaycana yeni silahlar satmasını da istisna etmir. 

“Yaxın keçmişdə belə bir sövdələşmə olub. Azərbaycan Belarusdan “Polonez” reaktiv atəş sistemi satın alıb. Lukaşenko alış-verişi daha da genişləndirməkdə və yeni silahlar satmaqda maraqlıdır. Bu da öz növbəsində ona iqtisadi dəstək ola bilər”. 

Hələlik rəsmi qurumlar görüş haqda heç bir açıqlama verməyiblər. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Ermənistan tərəfi Azərbaycana cavab verib: "Konstitusiya daxili işimizdir"

1 Mart 2024

Açıq mənbələrdən götürülüb

“Sülh müqaviləsi layihəsinin razılaşdırılmış bəndlərində göstərilir ki, tərəflər sazişin müddəalarına əməl etməmək üçün daxili qanunvericiliyə istinad edə bilməzlər”. Toplum TV xəbər verir ki, bunu martın 1-də Türkiyənin Antalya şəhərində keçirilən III Diplomatik Forumundakı panel müzakirələrində Ermənistan Parlamentinin vitse-spikeri Ruben Rubinyan deyib.  Panel əsnasında Prezident İlham Əliyevin köməkçisi Hikmət Hacıyev Ermənistan Konstitusiyasında Azərbaycana qarşı ərazi iddialarının olduğunu və Bakının bununla bağlı qarşı tərəfdən açıqlama gözlədiyini bildirib.  Rubinyan isə Hacıyevə cavabında bildirib ki, Konstitusiya və hüquqi bazası Ermənistanın daxili işidir: "Bunun qətiyyən sülhməramlı proseslərlə əlaqəsi yoxdur. Ermənistanın Azərbaycana qarşı ərazi iddiası yoxdur".  Onun sözlərinə görə, saziş layihəsinin razılaşdırılmış bəndlərində Ermənistan və Azərbaycanın...
Siyasət

Aİ nümayəndəsi: Azərbaycanla Ermənistan yaxın zamanda sülh sazişi imzalaya bilər

1 Mart 2024

Açıq mənbələrdən götürülüb

"Azərbaycanla Ermənistan arasında sülh müqaviləsinin yaxın zamanda imzalanması realdır".  Toplum TV APA-ya istinadən xəbər verir ki, bunu martın 1-də Avropa İttifaqının Cənubi Qafqaz və Gürcüstan böhranı üzrə Xüsusi Nümayəndəsi Toivo Klaar bildirib. Onun sözlərinə görə, müqavilənin bütün elementlər masadadır: "Bu, vacib kompromislərə getməklə bağlı siyasi iradə məsələsidir, kompromislərə nail olaraq sülh müqaviləsini imzalamağın zamanı gəlib çatıb". Klaar həmçinin qeyd edib ki, Azərbaycanla Ermənistan arasındakı sülh müqaviləsi təbii ki, iki ölkə arasında imzalanacaq. "Kənardakı hər hansı vasitəçi (tərəfdaş) sadəcə bu məsələni dəstəkləyə bilər. Bu bizim etməyə çalışdığımız işdir. Razıyam ki, bu məsələ iki tərəf arasındadır, lakin ona da inanıram ki, kənardakı...

Seçilmiş Videolar

Toplum TV loqo