İctimai-siyasi xəbərlər
“Mehdinin Nökərləri Birliyi” Azərbaycan səfirliyinə hücumun səbəbini açıqladı
Açıq mənbələrdən götürülüb
Avqustun 4-də Azərbaycanın Londondakı səfirliyinə hücum təşkil edən “Mehdinin Nökərləri Birliyi” (MNB) aksiyanın səbəblərini açıqlayıb.
Bu barədə avqustun 7-də təşkilat press-reliz yayıb.
Radikal şiə təşkilatı hücumun “Azərbaycan Prezidenti İlham Əliyev və onun hökumətinə qarşı həyata keçirildiyini” bildirib.
“Mehdinin Nökərləri Birliyi” iddia edir ki,
Azərbaycan hakimiyyəti əhalinin təqib edilməsinə, dindarların azadlıqlarının və şəxsi həyatının pozulmasına görə məsuliyyət daşıyır.
https://toplum.tv/siyaset/xin-azerbaycanin-londondaki-sefirliyine-hucumla-bagli-melumat-yaydi
“Son günlərdə müqəddəs şəxsiyyət və azadlıq simvolu İmam Hüseynin adını yazdığına görə təhqir və təqiblərə məruz qalan bir qadının təqibi son damla oldu. “Mehdinin Nökərləri Birliyi” dünya ictimaiyyətindən şiə xalqlarının müdafiəsi üçün təcili tədbirlər görməyi və onların fundamental dini etiqad azadlığının təmin edilməsini tələb edir", - deyə press-relizdə qeyd olunub.
Rəhbəri Yasir Əl Həbib olan MNB Londonda yerləşən təşkilatdır və internet səhifəsində elan edir ki, məqsədi sivilizasiya üzərində hökmranlığı təmin etməkdir. Təşkilat həm də İran hökumətini tənqid edir. Təşkilatın hazırladığı "Cənnətin Xanımı" filmi bu ilin əvvəlində Londonda sünni müsəlmanların etirazlarına səbəb olduğu üçün kinoteatrlarda yayımdan çıxarılmışdı.
Bu təşkilat 2010-da xeyriyyə təşkilatı olaraq qeydiyyatdan keçib. 2012-ci ildə özünü ləğv edəndən sonra adından istifadə edərək insanlardan pul yığırmış. Üstəlik, 3 maliyyə hesabatını da 25 min funt-sterlinq gəlir, 25 min funt sterlinq xərcləmə olaraq təqdim edib. Sonra rəsmi qurumlar araşdırma başladıb, onun xeyriyyə təşkilatı statusunu ləğv ediblər.
https://toplum.tv/siyaset/londondaki-azerbaycan-sefirliyine-hucum-edenler-kimlerdir
Təşkilatın Azərbaycan səfirliyinə təşkil etdiyi hücumla bağlı Azərbaycan Baş Prokurorluğunda cinayət işi başladılıb. Rəsmi Bakı həmçinin Böyük Britaniya hökümətinə öz etirazını bildirib.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Almaniya XİN: Qarabağa təcili beynəlxalq missiya göndərilməlidir
Açıq mənbələrdən götürülüb
Qarabağdakı hərbi əməliyyatlar nəticəsində həlak olanların sayı açıqlandı
Açıq mənbələrdən götürülüb
