Siyasət

Məhkəmə hüquq müdafiəçisinin cəzasını yumşaltmaqdan imtina etdi

9 Oktyabr, 2021
690

Açıq mənbələrdən götürülüb

Suraxanı rayon məhkəməsi həbsdə olan hüquq müdafiəçisi və jurnalist Elçin Məmmədin cəzasının çəkilməmiş hissəsinin daha yüngül cəza növü ilə əvəzlənməsinə dair ərizəsinə baxıb.

Sumqayıt Gənclərinin Hüquqi Maarifləndirilməsi Cəmiyyətinin mətbuat xidmətinin məlumatına görə, hakim Elnur Nuriyevin sədrlik etdiyi məhkəmə hüquq müdafiəçisinin müraciətini təmin etməyib.

Elçin Məmməd iki ilə yaxındır həbsdədir və artıq cəzasının 1/3-ni çəkib.

O, məhkəmədən qalan həbs müddətini şərti cəza ilə əvəz etməyi və ya onu məntəqə tipli cəzaçəkmə müəssisəsinə köçürməyi xahiş edib.

"Turan"-ın məlumatına görə, vəkil Fariz Namazlı qeyd edib ki, Məmməd cəzaçəkmə müəssisəsində tətbiq olunan rejim qaydalarına əməl edib və barəsində hər hansı tənbeh tədbiri tətbiq edilməyib. Bundan başqa, onun anasının 68 yaşı var və ağır xəstədir, oğul qayğısına möhtacdır. Hüquq müdafiəçisinin 2 azyaşlı övladı da ata qayğısından kənarda qalıb.

Amma Suraxanı rayon məhkəməsi Penitensiar Müəssisənin mülahizəsinə əsasən cəzanı yumşaltmaqdan imtina edib.

Cəzaçəkmə müəssisəsi mülahizəsində qeyd edib ki, Elçin Məmməd “bu dövr ərzində hər hansı qayda pozuntusuna yol verməsə də, ittiham olunduğu cinayətdə təqsirini etiraf etməyib”.

Amma müdafiə tərəfinin fikrincə, məhkəmənində bunu əsas götürməsi qanunvericiliyin tələbinə və Ali Məhkəmənin Plenumunun bu məsələ ilə bağlı hüquqi mövqeyinə ziddir. Elçin Məmməd yerli məhkəmənin qərarından apellyasiya şikayəti verəcək.

Məmməd hüquqi ayrı-seçkiliyə məruz qaldığını hesab edir, belə ki, son üç ayda onun cəzasını çəkdiyi 16 saylı cəzaçəkmə müəssisəsindən 80-dən çox məhbus vaxtından əvvəl azad edilib.

2020-ci il oktyabrın 17-də Sumqayıt şəhər məhkəməsi Sumqayıt Gənclərin Hüquqi Maarifləndirilməsi QHT-nin rəhbəri və “Yüksəliş naminə” saytının redaktoru Elçin Məmmədi “oğurluq” və “qanunsuz silah və döyüş sursatı saxlamaqda” təqsirli bilərək, 4 il azadlıqdan məhrum edib.

Hüquq müdafiəçisi 2020-ci ilin martında həbs edilib. Ondan hüquqi yardım göstərdiyi qadın şikayət edib. Bir müddət əvvəl həmin qadın "criminal.az" saytının redaktoru Anar Məmmədovdan da şikayət etmişdi.

Məmməd cinayət işini hüquq müdafiə fəaliyyəti ilə əlaqələndirir.  

"Amnesty International", PEN,  FİACAT, OMCT, FİDH, CJFE və digər nüfuzlu beynəlxalq təşkilatlar Elçin Məmmədin həbsini pisləyiblər. Yerli hüquq müdafiəçiləri onu siyasi məhbus kimi tanıyıb.

Siyasət

“Məhsul” stadionunu "satışa çıxaran"  vəzifəli şəxslər həbs olunub

17 Avqust 2022

Rəsmi səhifə

“Məhsul” stadionunu "satışa çıxaran" Azərbaycan Həmkarlar İttifaqlarının İdman Təşkilatları Assosiasiyasının sədri və digər vəzifəli şəxslər barəsində cinayət işi başlanıb. Bu barədə avqustun 17-də Baş Prokurorluqdan məlumat verilib. Bildirilir ki, Azərbaycan Həmkarlar İttifaqlarının İdman Təşkilatları Assosiasiyasının sədri Nadir Əliyev və “Yasamal” idman-sağlamlıq klubunun direktoru Alik Həsənov  həmin klubun istifadəsində olan keçmiş “Məhsul” stadionun satışa çıxarıldığını bildirərək sahibkarlara qarşı dələduzluq ediblər. Onların sahibkarların pul vəsaitlərini ələ keçirdiyi müəyyən olunub. Nəticədə Baş prokuror yanında Korrupsiyaya qarşı Mübarizə Baş İdarəsində cinayət işi başladılıb. https://toplum.tv/mehkeme/dovlete-xeyanetde-teqsirlendirilen-dini-inancli-israilin-bayragini-oz-heyetimde-yandirmali-oldum "Aparılan istintaqla Nadir Əliyevin Alik Həsənovla qabaqcadan əlbir olaraq Bakı şəhəri, Yasamal rayonu, Həsən bəy Zərdabi prospekti 69D ünvanında 1,26...
Siyasət

İsrailin Azərbaycandakı səfiri İran barədə: Bu qatil rejimin hədələrini ciddi qəbul edin

16 Avqust 2022

Sosial mediadan skrinşot

İsrailin Azərbaycandakı səfiri Corc Dik bu gün, avqustun 16-da "tvitter"də britaniyalı yazıçı Salman Rüşdinin bıçaqlanmasıyla bağlı video müraciət yayıb.  Corc Dik müraciətində deyib:  "İranın Azərbaycandakı səfiri yaxınlarda məni ölümlə təhdid etdi. O, "tvitter"də yazdı ki, mən qırmızı xətti keçmişəm, ona görə də İran xalqı məni dəfn edəcək. İndi siz Salman Rüşdinin bıçaqlandığını eşidərkən mənim nə düşündüyümü təsəvvür edə bilərsiniz. Çünki İran həm də demişdi ki, o, [Salman Rüşdi] qırmızı xətti keçib və onu da ölümlə hədələmişdi. Və terrorçu onu günün günorta çağl öldürməyə cəhd etdi. Ona görə də indi siz mənim müəyyən qədər şəxsi hisslərimi təsəvvür edə bilərsiniz.  https://toplum.tv/siyaset/iranin-azerbaycandaki-sefiri-israilli-hemkarini-tehdid-etdi Həftələr...

Seçilmiş Videolar

Toplum TV loqo