Siyasət
Məntəqə sədri: "Gedin Məzahir Pənahovdan soruşun"
23 Dekabr, 2019
1024
Məntəqədə kamera yoxdur

Nizami Rayon 24 saylı Seçki Dairəsinin 13 saylı məntəqəsində müşahidəçilərə çəkiliş aparmağa icazə verilmir. 

Bu barədə həmin məntəqədən olan müşahidəçilər məlumat veriblər. 

Onların sözlərinə görə, məntəqədə İTV-yə çəkiliş aparmağa icazə versələr də, müşahidəçiyə icazə verilməyib. 

O, məntəqə sədri Mütəllimova Şəhlaya müraciət etsə də, sərt qarşılanıb: "Məntəqəmdə kamera yoxdur, çəkiliş də yoxdur. Mən çəkilişə icazə vermirəm. Kamera niyə yoxdursa, bilmirəm. Gedin Məzahir Pənahovdan soruşun", - deyə bildirib.

Müşahidəçi MSK "Qaynar-xətti"nə zəng edib. 

MSK-dan bildiriblər ki, müahidəçilər məntəqə sədri ilə razılaşdırılmış şəkildə çəkilişlər edə bilərlər.

Şəbnəm Adil 
Siyasət

Diaspor Komitəsi Gürcüstan azərbaycanlılarına çağırış etdi

17 May 2021

Sosial Media

Diasporla İş üzrə Dövlət Komitəsi Gürcüstanın Dmanisi şəhərindəki hadisələrlə əlaqədar olaraq bu ölkədə yaşayan azərbaycanlılara çağırış edib. Komitədən mayın 17-də verilən məlumatda bildirilir:  "Mayın 16-da saat 17.00 radələrində Gürcüstanın Dmanisi rayonunun “9 aprel” küçəsində bir qrup şəxsin azərbaycanlı sahibkar Qəşəm Şamilova məxsus mağazanın qarşısına gələrək, ona, eləcə də mağazanın qarşısındakı azərbaycanlı gənclərə hücum etmələri nəticəsində kütləvi dava baş verib. Hadisə zamanı bir neçə nəfər ciddi xəsarət alıb, insident iştirakçılarından 8 nəfəri Gürcüstanın hüquq-mühafizə orqanlarıtərəfindən saxlanılıb. Dövlət Komitəsi insidentdən dərhal sonra hadisəyə reaksiya verərək, soydaşlarımızla əlaqə saxlayıb. Hadisənin hücum edən qrupdan olan bir neçə şəxsin mağazadan aldıqları məhsulun pulunu ödəmək istəməməsi...
Siyasət

Ermənistan-Azərbaycan sərhədində nə baş verir?

Nigar Səmədli
17 May 2021

Sosial Media

Hərbi ekspert: “Azərbaycan Zəngəzurda əvvəlki xəritəyə əsasən irəliləyib” “Qaragöl ərazisi ilə bağlı 1960 və 1980-ci illərdə qərar qəbul olunan qərara görə, buradakı göl susuzluq səbəbilə Ermənistana verilib. Düşünürəm ki, Azərbaycan ordusu bu qərar verilmədən öncəki xəritəyə əsasən, irəliləyib”. Bunu “Toplum TV”-yə hərbi ekspert Telman Əbilov deyib.  Ermənistan Müdafiə Nazirliyinin mayın 16-da yaydığı məlumata görə, Azərbaycan Silahlı Qüvvələrinin bölmələri hələ də Ermənistan-Azərbaycan sərhədindəki Syunik və Geqarkunik bölgələrindədir.  Eyni zamanda bildirilir ki, mayın 15-də Azərbaycan tərəfi həmin ərazidə mühəndis işləri keçirməyə çalışsa da, qarşısı alınıb. Ermənistan tərəfi mayın 12-də 240-250 nəfərlik Azərbaycan hərbçilərinin sərhədi pozaraq Syunik bölgəsinə 3,5 km irəlilədiyini, daha sonra...
Seçilmiş Videolar