Siyasət

Mətbuat nümayəndələri "Media haqqında" qanun layihəsi ilə bağlı İlham Əliyevə çağırış edib

15 Yanvar, 2022
381

Açıq mənbələrdən götürülüb

"Milli Məclisdə 3-cü oxunuşda qəbul edilmiş "Media haqqında" qanun layihəsinin qanuna çevrilməməsi üçün ölkə Prezidentinə müraciət etdik".

Bu barədə KİV rəhbərləri, jurnalist təşkilatları və ekspertlərdən ibarət qrup adından "Facebook"-da yayılan açıqlamada bildirilir.  

"Bu qanun layihəsinin Azərbaycanda media və ifadə azadlığı hüququnun inkişafına xidmət etmədiyini, əksinə, indiyədək bu sahədə əldə olunmuş kövrək nailiyyətləri belə kölgə altına aldığını vurğuladıq. Ölkə başçısından “Media haqqında” qanunu imzalamamasını, onu yenidən işlənmək üçün parlamentə geri qaytarmasını xahiş etdik. Müraciətimizin diqqətə alınacağına ümidvarıq", - deyə açıqlamada qeyd olunub. 

Müraciətin müəllifləri sözügedən qanunun məzmunu ilə bağlı qeyd ediblər ki, bu, ictimai müzakirələr olmadan, müstəqil KİV və hüquqşünasların rəyləri nəzərə alınmadan hazırlanıb və  parlamentə təqdim edilib.

“Qanun layihəsinin mətni açıqlandıqdan sonra dar zaman kəsiyində layihənin mürtəce, media və ifadə azadlığı standartları ilə üst-üstə düşməyən məzmununun yaxşılaşdırlmasına xidmət edən təkliflər paketini hazırlayıb, təqdim etmişik. Ancaq təəssüflər olsun ki, irəli sürdüyümüz vacib təkliflər də diqqətsiz qalıb. Milli Məclis yekunda texniki məzmunlu bir neçə dəyişiklik etməklə layihəni qəbul edib.

Məzmunu media qanunları standartlarına uyğun gəlməyən, mətni mücərrəd, anlayışları dolaşıq olan qanun layihəsi jurnalistika fəaliyyətini tamamilə dövlət tənzimləməsinə tabe etdirir. O, kimin qanuni jurnalistika fəaliyyətilə məşğul ola biləcəyini müəyyənləşdirməkdən tutmuş, onlayn mediaların icra orqanından lisenziya və ya rəy almalı olması şərtinə qədər, bütün həlledici tənzimləmələrin açarını dövlətə təslim edir. Qanun layihəsinin hazırlanması prosesi, layihənin məzmunu həm “İnformasiya əldə etmək haqqında” qanuna, həm də Azərbaycan Respublikası Konstitusiyasının və Azərbaycanın tərəfdaş çıxdığı beynəlxalq müqavilələrin media azadlığı ilə bağlı müddəalarına uyğun deyil”, - deyə müraciətdə bildirilib. 

Müraciətə aşağıdakı şəxslər imza atıb: 

Arif Əliyev - Yeni Nəsil Jurnalistlər Birliyinin sədri 
Osman Gündüz - Azərbaycanda İnternetin İnkişafı Forumunun sədri 
Elçin Şıxlı - “Ayna-Zerkalo” qəzetinin baş redaktoru 
Ələsgər Məmmədli - media hüququ üzrə mütəxəssis 
Mehman Əliyev - "Turan" İnformasiya Agentliyinin direktoru 
Qulu Məhərrəmli - “Jurnalistika və İnkişaf Mərkəzi” İctimai Birliyinin sədri 
Xalid Ağaliyev - media eksperti, media hüququ üzrə mütəxəssis 

Siyasət

“Məhsul” stadionunu "satışa çıxaran"  vəzifəli şəxslər həbs olunub

17 Avqust 2022

Rəsmi səhifə

“Məhsul” stadionunu "satışa çıxaran" Azərbaycan Həmkarlar İttifaqlarının İdman Təşkilatları Assosiasiyasının sədri və digər vəzifəli şəxslər barəsində cinayət işi başlanıb. Bu barədə avqustun 17-də Baş Prokurorluqdan məlumat verilib. Bildirilir ki, Azərbaycan Həmkarlar İttifaqlarının İdman Təşkilatları Assosiasiyasının sədri Nadir Əliyev və “Yasamal” idman-sağlamlıq klubunun direktoru Alik Həsənov  həmin klubun istifadəsində olan keçmiş “Məhsul” stadionun satışa çıxarıldığını bildirərək sahibkarlara qarşı dələduzluq ediblər. Onların sahibkarların pul vəsaitlərini ələ keçirdiyi müəyyən olunub. Nəticədə Baş prokuror yanında Korrupsiyaya qarşı Mübarizə Baş İdarəsində cinayət işi başladılıb. https://toplum.tv/mehkeme/dovlete-xeyanetde-teqsirlendirilen-dini-inancli-israilin-bayragini-oz-heyetimde-yandirmali-oldum "Aparılan istintaqla Nadir Əliyevin Alik Həsənovla qabaqcadan əlbir olaraq Bakı şəhəri, Yasamal rayonu, Həsən bəy Zərdabi prospekti 69D ünvanında 1,26...
Siyasət

İsrailin Azərbaycandakı səfiri İran barədə: Bu qatil rejimin hədələrini ciddi qəbul edin

16 Avqust 2022

Sosial mediadan skrinşot

İsrailin Azərbaycandakı səfiri Corc Dik bu gün, avqustun 16-da "tvitter"də britaniyalı yazıçı Salman Rüşdinin bıçaqlanmasıyla bağlı video müraciət yayıb.  Corc Dik müraciətində deyib:  "İranın Azərbaycandakı səfiri yaxınlarda məni ölümlə təhdid etdi. O, "tvitter"də yazdı ki, mən qırmızı xətti keçmişəm, ona görə də İran xalqı məni dəfn edəcək. İndi siz Salman Rüşdinin bıçaqlandığını eşidərkən mənim nə düşündüyümü təsəvvür edə bilərsiniz. Çünki İran həm də demişdi ki, o, [Salman Rüşdi] qırmızı xətti keçib və onu da ölümlə hədələmişdi. Və terrorçu onu günün günorta çağl öldürməyə cəhd etdi. Ona görə də indi siz mənim müəyyən qədər şəxsi hisslərimi təsəvvür edə bilərsiniz.  https://toplum.tv/siyaset/iranin-azerbaycandaki-sefiri-israilli-hemkarini-tehdid-etdi Həftələr...

Seçilmiş Videolar

Toplum TV loqo