Siyasət

"Meydan" TV: "YAP yalan deyir"

26 May, 2021
3193

Meydan.tv


"Meydan" TV-nin redaktoru, jurnalist Aynur Elgünəş Yeni Azərbaycan Partiyasının (YAP) saytla bağlı ittihamlarına cavab verib.

Jurnalist "Toplum TV"-yə verdiyi açıqlamada bildirib ki, bu ittihamlar tamamilə əsassızdır.

YAP mayın 25-də "Meydan" TV-nin "Yutub" kanalında yayımlanan videoda partiyanın "Feysbuk"da saxta səhifələr yaratmasına dair ittihamlarının əsassız olduğunu bildirib. 

YAP-dan verilən açıqlamada qeyd olunur ki, "Meydan" TV materialı hazırlayan zaman partiyanın Mətbuat Xidmətinə müraciət etməyib, iddialarına cavab istəməyib. Bundan başqa, bildirilib ki, videomaterialda ictimai fəal "Bəxtiyar Hacıyevin əsassız olaraq Yeni Azərbaycan Partiyasının rəhbərliyini ittiham etməsi onun məsuliyyətsiz və qərəzli münasibətinin göstəricisidir".

"Tam məsuliyyətlə bəyan edirik ki, Yeni Azərbaycan Partiyası nəinki “Feysbuk”da, hətta bütün sosial şəbəkə seqmentlərində saxta hesablardan istifadə etmir, üzvləri, fəalları bu işə təşviq olunmur. Bu məsələ ilə əlaqədar “The Guardian” qəzetinin araşdırmasında da “Feysbuk” şirkətinin məsul əməkdaşı bildirmişdir ki, “Feysbuk”un Azərbaycan platformasında silinən 300-dən artıq saxta səhifənin Yeni Azərbaycan Partiyası ilə hər hansı əlaqəsi tapılmayıb. Bu da sübut edir ki, Yeni Azərbaycan Partiyası sosial şəbəkələrdə saxta hesablardan, eləcə də siyasi rəqiblərinə qarşı “trol xidməti”ndən istifadə etmir.

Saxta səhifələrlə yazılan rəylərin YAP-a aid olmasını sübut edən hər hansı fakt da yoxdur. Ehtimal oluna bilər ki, saxta profil və səhifələrlə yazılan rəylər YAP-ın nüfuzuna zərbə vurmaq üçün hansısa maraqlı qruplar tərəfindən hazırlanır. Bu baxımdan hesab edirik ki, "Meydan" TV-nin yaydığı böhtan xarakterli video da YAP-a qarşı aparılan qara piar kampaniyasının tərkib hissəsidir.

“Meydan" TV-nin Yeni Azərbaycan Partiyası haqqında təhrif olunmuş, əsassız məlumatları yoxlamadan, dəqiqləşdirmədən yayması məhkəmə predmetinə də çevrilə bilər. Bu səbəbdən də, “Meydan” TV-dən tələbimiz ondan ibarətdir ki, Yeni Azərbaycan Partiyası haqqında yayılan birtərəfli, böhtan xarakterli videomateriala görə jurnalistikanın etik qaydalarına və qanunların tələblərinə uyğun olaraq rəsmi üzrxahlıq edilsin, təkzib materialı yayılsın.

Əgər “Meydan" TV sosial şəbəkələrdə saxta hesablarla rəylər yazan, siyasi rəqiblərini təhqir edənlər barədə obyektiv araşdırma aparmaq fikrinə düşərsə, müvafiq məlumat və faktları təqdim edə bilərik", - deyə məlumatda qeyd edilib.

Aynur Elgünəş - Meydan TV

"Biz onlarla 3 gün ərzində əlaqə saxlamağa çalışdıq", - Aynur Elgünəş isə Partiyanın yalan informasiya yaydığını bildirir. 

Onun sözlərinə görə, "Feysbuk"un data analizi ilə bağlı araşdırmasında qeyd olunur ki, saxta səhifələr  YAP tərəfindən idarə olunur.

"Eyni zamanda ictimai fəal Bəxtiyar Hacıyevin də AZƏRTAC-la bağlı belə bir iddiası vardı. Hazırladığımız məqalə bu ittihamlarla bağlıydı. YAP-dan fərqli olaraq, AZƏRTAC-dan haqqında deyilənlərlə bağlı münasibətin  öyrənə bildik. YAP-a zəng vurduqda isə, əvvəlcə səlahiyyətli şəxs kimi bizi Xatirə adlı xanımla calaşdırdılar. O, suala qulaq asdıqdan sonra dedi ki, məsul şəxs olmadığı üçün sual cavab verə bilməz. O hətta danışıq zamanı belə bir gülməli ifadə də işlətdi: "Sizi mənə kim yönləndirdi?"

Obyektivlik naminə, şəxsən mən özüm 3 gün ərzində bu adamla əlaqə saxlamağa çalışmışam, ancaq o məni sözün əsl mənasında doladı. Nə vaxt zəng vururdum, deyirdi ki, tədbirimiz var". 

A.Elgünəş deyir ki, əlaqə saxlamaq mümkün olmadığından, bu dəfə də partiyanın mətbuat nümayəndəsinin "Feysbuk" hesabına yazsalar da, nəticə yenə eyni olub, sualları cavabsız qalıb:

"Neyləməliydik, materialı verməməliydik? Hətta həmin yazıda partiyanın suallara cavab vermədiyi açıqca qeyd olunub. 

Onlar sevinsinlər ki, Xatirə adlı şəxsin bizdə olan səs yazısını yaymamışıq. Amma görünür, səhv etmişik, öz səhifəmdən səsyazısını paylaşaram, onda camaat görər ki, YAP boş yerə şivən salır".
 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo