Siyasət

MHQ Baş Prokurorluğu qınayan bəyanat yayıb

Roza Məmmədova
31 İyul, 2022
139

Rəsmi səhifə

“Jurnalistlərin və sosial şəbəkə istifadəçilərinin yazdıqları yazı, mülahizə və tənqidlərə görə çək-çevirə salınmasından dərin narahatlıq keçiririk” 
 
Media Hüququ Qrupunun (MHQ) iyulun 30-da yaydığı bəyanatda belə deyilir. 
 
İyulda jurnalistlər Fikrət Fərəməzoğlu, Səxavət Məmmədov, Aqil Alışov, bloqer Tofiq Şahmuradov və bir qrup sosial şəbəkə istifadəçisi Baş Prokurorluğa çağırılıb.

Yazılarına, sosial şəbəkələrdəki paylaşımlarına görə sorğu-sual ediliblər. 
 
Onlardan T. Şahmuradov sosial şəbəkədə “qanunla yayılması qadağan edilən” informasiya yerləşdirməkdə günahlandırılaraq 1 aylıq inzibati həbs cəzasına məhkum olunub.  
 
Digər jurnalistlərə isə yazılarına görə rəsmi qaydada xəbərdarlıq edilib. Eyni zamanda adı çəkilən jurnalistlər əvvəlki aylarda da oxşarlıq xəbərdarlıq almışdı.  
 
Baş Prokurorluq sözügedən şəxslərin hansı qadağan edilmiş informasiyanı yaydığını, yaxud da pozuntuya yol verdiklərini dəqiq olaraq açıqlamayıb. 
 
Qurumun açıqlamasında yalnız onların "Media haqqında” qanunu pozduğu, faktları və hadisələri qərəzsiz və obyektiv təqdim etmədiyi, birtərəfliliyə yol verildiyi bildirilib. 
 
MHQ təşkilatı  Baş Prokororlıuğun istinad etdiyi “Media haqqında” qanunun tələblərini belə şərh edib: 

“Sözügedən qanunun 14 maddəsinin tələbləri, şəxslərə yox, media subyektlrinə yönəlik tələbdir və fərdlərə münasibətdə tətbiq edilməməlidir. Jurnalistlər, ümumiyyətlə hər kəs öz rəyində qalmaq kimi mütləq azadlığa, öz düşüncələrini ifadə etmək hüququna sahibdir, qanunvericilik fərdlərin üzərində öz düşüncələrini, mülahizələrini, tənqidlərini ifadə edərkən balanslı informasiya yayma öhdəliyi qoya bilməz”.  
 
Bəyanatda bildirilir ki, jurnalist fəaliyyəti, məlumat toplama, ötürmə təkcə onlara dövlət qurumlarının, rəsmilərinin, ayrı-ayrı şəxslərin könüllü verdikləri məlumatları yaymaqla, sadəcə gözlə müşahidə etməklə məhdudlaşdırıla bilməz: 
 
“Demokratik toplumda jurnalistin üzərinə düşən vəzifə, jurnalist fəaliyyətinin cəmiyyətə gətirdiyi fayda ayrı-ayrı dövlət qurumlarının yerinə yetirdikləri vəzifələrdən az önəmli sayıla bilməz. Media Hüququ Qrupu bütün dövlət qurumlarının vəzifəli şəxslərini jurnalistlərlə, sosial şəbəkə istifadəçiləri ilə belə davranışlardan çəkinməyə, bu yanlış praktikanı dəyişməyə çağırır”.

Siyasət

İlham Əliyev: “Qisas” əməliyyatı cəza tədbiri idi

12 Avqust 2022

Rəsmi səhifə

"Ermənistan tərəfi növbəti dəfə silahlı təxribata əl atdı və bu hərbi təxribat nəticəsində bir hərbçimiz şəhid olmuşdur. Ancaq hər kəs gördü və görməlidir ki, şəhidimizin qanı yerdə qalmadı. Biz dərhal “Qisas” əməliyyatı keçirərək şəhidimizin qanını aldıq və qarşı tərəfi ciddi cəzalandırdıq". Bunu Prezident İlham Əliyev avqustun 12-də Basqal qəsəbəsində Azərbaycan Televiziyasına müsahibəsində bildirib. İlham Əliyev bir neçə saat ərzində davam edən “Qisas” əməliyyatının cəza tədbiri olduğunu deyib.  "Əgər yenə də buna oxşar təxribat törədilərsə, cavab da eyni olacaq. Heç kim bizə mane ola bilməz, heç kim bizi durdura bilməz", - deyə o qeyd edib.  https://toplum.tv/siyaset/mudafie-nazirliyinden-qarabagdaki-emeliyyatlarla-bagli-aciqlama Prezident həmçinin bildirib ki, Azərbaycan...
Siyasət

Şəmkirdə əməliyyat, vəzifəli şəxs saxlanıldı

12 Avqust 2022

Rəsmi səhifə

Baş Prokuror yanında Korrupsiyaya qarşı Mübarizə Baş İdarəsi Şəmkir rayonunda əməliyyat keçirib. Bu barədə avqustun 12-də Baş Prokurorluqdan məlumat verilib.  Bildirilir ki, Şəmkir Rayon İcra Hakimiyyəti (RİH) başçısının Çinarlı qəsəbəsi üzrə icra nümayəndəsi Elçin Abbasov saxlanılıb. Hazırda araşdırma aparıldığı qeyd olunub.   

Seçilmiş Videolar

Toplum TV loqo