Siyasət

MTN generalı Türkiyədən çağrılaraq həbs olunub

23 Sentyabr, 2021
990

Açıq mənbələrdən götürülüb

Uzun illər Milli Təhlükəsizlik Nazirliyinin (MTN) Hərbi əks-Kəşfiyyat Baş İdarəsinin rəisi olmuş general Nizami Şirinov və onun rəhbərlik etdiyi qurumun tabeliyindəki idarələrin keçmiş rəisləri Elcan Abdullayev, Elman Tahirov, əməliyyat müvəkkili Nadir Nəzirovun məhkəməsi başlayıb. 
 
"Meydan TV"-nin məlumatına görə, general da daxil olmaqla, keçmiş MTN-çilər hədə-qorxu ilə vətəndaşların pullarını, əmlaklarını ələ keçirməkdə, külli miqdarda rüşvət almaqda ittiham olunur. 
 
Adıçəkilən şəxslərdən yalnız Nizami Şirinov həbsdədir. Digərlərinin haqqında başqa yerə getməməyə dair iltizam qətimkan tədbiri seçilib. 
 
Sentyabrın 22-də Bakı Hərbi Məhkəməsində hakim Camal Ramazanov hazırlıq iclasında təqsirləndirilən şəxslərin anket məlumatlarını dəqiqləşdirəndə general deyib ki, 5 ildir təqaüddədir. 
 
MTN-in keçmiş idarə rəisi Elman Tahirov isə hazırda “Azərsu”da məxfi şöbəyə rəhbərlik edir. 
 
Generalın vəkili onun məhkəmənin hökmü çıxarılana qədər ev dustaqlığına buraxılması barədə vəsatət qaldırıb. 
 
Vəkil bildirib ki, Nizami Şirinov Türkiyədə ürək əməliyyatı keçirəndə istintaq onu dindirməyə çağırıb. O da çağırışa əməl edərək, dərhal ölkəyə qayıdıb. Bundan sonra da məhkəmədən yayınmaq niyyəti yoxdur, lakin hakimlər onun həbsdən buraxılmasına razılıq verməyib. 
 
Zərərçəkmiş qismində tanınan şəxslərdən Mirzəli Yusifov vaxtilə MTN əməkdaşlarının hədə-qorxu ilə ondan 315 min dollar aldıqlarını bildirərək, həmin məbləğin ödənilməsi tələbilə mülki iddia qaldırıb. 
 
O, mülki iddiada həmçinin mənəvi ziyana görə də 300 min manat ödənilməsini tələb edib. 
 
Mirzəli Yusifovun mülki iddiası icraata götürülüb, lakin olun təmin edilib-edilmədiyi hələ məlum deyil. Bu məsələyə məhkəmənin hökmündə aydınlıq gələcək. 
 
Mirzəli Yusifov Heydər Əliyev adına Ali Hərbi Məktəbin rəisi olub. 
 
O, vəzifədən azad ediləndən bir müddət sonra rüşvət alma ittihamıyla cinayət məsuliyyətinə cəlb edilib. 
 
Zərərçəkmişlərdən Rahib Ağayev isə Azərbaycan Ordusunun sabiq korpus komandiri, ehtiyatda olan general-leytenant Yaşar Aydəmirovun sürücüsü olub. 
 
Nizami Şirinov və daha üç işçisinin işi üzrə məhkəmə baxışı oktyabrın 7-nə təyin edilib. 
 
Oktyabrın 11-də həbsdə olan başqa bir MTN generalı - nazirliyin İstintaq Baş İdarəsinə rəhbərlik etmiş Mövlam Şıxəliyev də məhkəmə önünə çıxarılacaq. Bu qurumun tərkibindəki şöbənin rəisi olmuş Vüsal Ələkbərov, İbtidai istintaq idarəsinin sabiq rəis müavini Yasin Məmmədov, şöbə rəisinin keçmiş müavini Sahib Ələkbərov da onunla birlikdə mühakimə olunacaq. 
 
Keçmiş MTN-çilər iş adamlarını, müxtəlif vəzifə sahiblərini ya özlərini, ya da yaxınlarını həbs etməklə hədələyib onların pullarını, əmlaklarını ələ keçirməkdə, milyonlarla manat rüşvət almaqda ittiham olunur. 
 
Mövlam Şixəliyev tabeliyindəki təqsirləndirilən şəxslərlə birləşib ümumilikdə 14 milyon 292 min manat rüşvət almaqda, hədə-qorxu ilə başqalarının 5 milyon 77 min manatını ələ keçirməkdə günahlandırılır. 
 
Sabiq MTN polkovniki Vüsal Ələkbərovun bu, son 5 ildə ikinci mühakiməsidir. 
 
2015-ci ildə MTN-in həbs olunan 20-dən artıq vəzifəlisindən biri də Vüsal Ələkbərov idi. 
 
Uzun illər MTN-də müstəntiq, şöbə rəisi vəzifələrində işləmiş Vüsal Ələkbərov icraatındakı cinayət işlərində adı keçən adamlardan və onların yaxınlarından külli miqdarda pul almaqda təqsirli bilinərək 5 il azadlıqdan məhrum edilmişdi. 
 
Mövlam Şıxəliyevlə birlikdə mühakimə olunacaq Yasin Məmmədov 2004-2011-ci illərdə Mərkəzi Seçki Komissiyasının (MSK) katibi, 2011-2018-ci illərdə isə MSK-nın sədr müavini olmuş Natiq Məmmədovun qardaşıdır.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo