Siyasət

Mübariz Mənsimovun hüquqlarının müdafiə komitəsi müraciət yaydı

23 Mart, 2020
590
Dünyanın müxtəlif ölkələrində yaşayan azərbaycanlıların yaratdığı Mübariz Mənsimovun Hüquqlarının Beynəlxalq Müdafiə Komitəsi Türkiyənin prezidenti Rəcəb Tayyip Ərdoğana və Ədalət Nazirliyinə bəyanatla müraciət edib.

Bununla bağlı Toplum TV-yə Mübariz Məsimovun Hüquqlarının Beynəlxalq Müdafiə Komitəsi məlumat verib.

Bəyanatda deyilir: "Hörmətli Rəcəb Tayyib Ərdoğan! Türkiyə Respublikasının Adalet Bakanlığı! Öncə çox təəssüflə bildirmək istəyirik ki, tanınmış azərbaycanlı iş adamı, xeyriyyəçi, gənc nəslin maarifləndirilməsi üçün daim təhsil proqramlarını maliyyələşdirən "Palmali" Şirkətlər Qrupunun təsisçisi Mübariz Mənsimov artıq neçə gündür ki, Türkiyə Respublikasında həbs edilib. Məhz bu, dünyanın müxtəlif ölkələrində yaşayan azərbaycanlıların bir araya gəlməsinə səbəb olub və biz Mübariz Mənsimovun Hüquqlarının Beynəlxalq Müdafiə Komitəsini yaratmaq məcburiyyətində qalmışıq. Komitə müstəqil qurumdur və heç bir dövlət, qurum, şəxs qarşısında siyasi, hüquqi, mənəvi öhdəliyi yoxdur. Bizim məqsədimiz ən qısa zaman ərzində Mübariz Mənsimovun azadlığına nail olmaq və onun öz fəaliyyətini bərpa etməsidir”.

Bəyanatda daha sonra deyilir: "Bildiririk ki, azərbaycanlı iş adamı Mübariz Mənsimov çirkin bir yalana məruz qalmışdır. Türkiyə Cümhuriyyətinə böyük yatırımlar etmiş bu iş adamı bütün fəaliyyəti boyunca xeyriyyəçiliyi təbliğ etmiş, Türkiyə və Azərbaycan qardaşlığının inkişafına çalışmışdır. Habelə o, yüzlərlə tələbəyə, saysız-hesabsız Azərbaycan və Türkiyə vətandaşına maddi-mənəvi yardım etmişdir”.

Sənəddə həmçinin Türkiyə rəhbərliyinə müraciətlə vurğulanır: "Biz, bu bəyanata imza atan şəxslər dünyanın ən müxtəlif ölkələrində yaşayan siyasi xadimlər, jurnalistlər, yazarlar, ictimai fəallar, sadə vətəndaşlarıq. Hesab edirik ki, bu bəyanata dünyanın bütün vicdanlı Azərbaycan vətəndaşları imza atarlar. Biz Sizdən Mübariz Mənsimova atılan çirkin yalanların ədalətlə araşdırılmasını, millət və dövlətlər qarşısında xidmətlərini nəzərə alaraq, onun istintaq zamanı azadlıqda qalmasını təmin etməyinizi xahiş edirik”.

Şəmsiyyə İbişova
Siyasət

Müxalifət  "Pandora sənədləri" ilə bağlı Baş Prokurorluğa müraciət etdi

18 Oktyabr 2021

Turan

Demokratik Qüvvələrin Milli Şurasının və Azərbaycan Xalq Cəbhəsi Partiyasının rəhbərləri Cəmil Həsənli və Əli Kərimli  "Pandora sənədləri" beynəlxalq jurnalist araşdırması ilə bağlı ölkənin baş prokuroru Kamran Əliyevə müraciət ediblər. "Turan"ın məlumatına əsasən, müxalifət təmsilçiləri Baş Prokurorluqdan hərtərəfli və obyektiv araşdırma tələb edir. "Pandora sənədləri"nə əsasən, Azərbaycan Prezidentinin ailəsi Böyük Britaniyada 429 milyon funt-sterlinq (694 milyon dollar) dəyərində daşınmaz əmlak alıb. Cəmil Həsənli və Əli Kərimli xatırladırlar ki, əvvəllər də Azərbaycanın yüksək vəzifəli məmurlarının adları "pulların yuyulması", vəsaitlərin offşorlara köçürülməsi ilə bağlı beynəlxalq qalmaqallarda adları keçib. 2017 - ci ildə Demokratik Qüvvələrin Milli Şurası digər qalmaqallı araşdırma - "Azərbaycan landromatı" ilə...
Siyasət

Azərbaycanlılar daha bir ölkəyə vizasız səfər edə biləcək

18 Oktyabr 2021

Açıq mənbələrdən götürülüb

Oktyabrın 18-də “Azərbaycan Respublikası Hökuməti ilə Qətər Dövləti Hökuməti arasında ümumvətəndaş pasportlara malik şəxslər üçün viza tələbinin qarşılıqlı aradan qaldırılması haqqında saziş” imzalanıb. Bu barədə Azərbaycanın xarici işlər naziri Ceyhun Bayramovun Qətərin xarici işlər naziri Şeyx Məhəmməd bin əbdülrəhman əl-Tani ilə birgə keçirdiyi mətbuat konfransında məlumat verilib. Sənədi Azərbaycan və Qətərin Xarici İşlər nazirliklərinin rəhbərləri imzalayıblar. 
Seçilmiş Videolar