Siyasət

“Müdafiə Nazirliyi bir günə necə müəyyənləşdirdi ki, orduda korrupsiya yoxdur?”

Roza Məmmədova
31 Mart, 2022
1544

AzərTac

“Azərbaycan ordusu haqqında deyilənlər həqiqətin çox az hissəsidir”

Hərbi ekspert Telman Əbilov sosial mediada hərbi qulluqçu Fərid İsmayılovun Azərbaycan Ordusu ilə bağlı səsləndirdiyi fikirlərə belə münasibət bildirib.

 "Xidmət etdiyim hərbi hissə Silahlı Qüvvələrin Nizamnaməsi ilə yox, meşə qanunları ilə idarə olunur",- fevralın 30-da jurnalist Fərid İsmayılov xidmət etdiyi hərbi hissədə baş verən özbaşınalıqlar barədə belə yazıb.

“Bir generator, içməli su, qida problemi aylardır həll olunmur. Rəhbərlik rahat kreslolarda, əsgər isə zülm içində yaşayır. Başları rüşvət, korrupsiyaya qarışıb. Pul almadıqları əsgərlər postlarda, pul verməyən əsgərlər ac-susuz, problemlərlə düşmənlə üz-üzə dayanır. 3 gün bundan öncə kartof oğrusunu hərbi polis özü tutur, amma posta 1 kq kartofu hərbi hissə rəhbərliyi günlərlə göndərmir”,  - deyə jurnalist qeyd edib.

Onun dediyinə görə, bu barədə nə qədər şikayət etsə də, problemlər həll olunmur: “Təsəvvür edin, çavuş heyəti öz maaşından əsgərlər üçün qida alıb gətirir ki, xəstəlik yaranmasın. Hərbi hissə rəhbərliyi də gəlib utanmaz-utanmaz əsgərə ağıl öyrədir. Odun göndərmir, ona görə də əsgər, çavuş heyəti minalanmış ərazidən odun toplayır. Bölmə komandiri yuxarı komandanlığa problemləri, onların həll yollarını çatdırır, fayda isə yoxdur!”

Müdafiə Nazirliyi belə addımları pisləyir, səsləndirilən fikri yolverilməz sayır

 Müdafiə Nazirliyinin Mətbuat Xidmətinin sözçüsü Anar Eyvazov “Toplum TV”yə açıqlamasında deyib ki, hərbi qulluqçunun səsləndirdiyi fikirlər yalan və əsassızdır.

Anar Eyvazov- oxu.az

 Onun sözlərinə görə, belə qeyri-adekvat çıxışlar ordunun nüfuzuna xələl gətirmək istəyən qüvvələrin məqsədlərinə xidmət edir:

 “Hərbi xidmətdə olan hər bir hərbi qulluqçunun ailə vəziyyəti, sosial statusu, cəmiyyətdə tutduğu mövqeyi və digər amillərdən asılı olmayaraq onlar nizamnamələrin tələblərinə uyğun olaraq xidmət keçir və komandanlıq tərəfindən eyni diqqət və qayğı ilə əhatə olunurlar”.

Hərbi ekspert Telman Əbilov orduda ciddi problemlər olduğunu, baş verənlərin gizlədildiyini söyləyir:

 “Müdafiə Nazirliyi deyilənləri araşdırmaq əvəzinə bir gün içində bəyanat verir ki, bizdə belə hal yoxdur. İddia olunanları yoxlamaq üçün ən az bir-iki həftə vaxt lazımdır. Nazirlik bir neçə saat içində qanunsuzluğun, rüşvətin, korrupsiyanın olmadığını necə müəyyənləşdirdi?”

Hərbi ekspert Telman Əbilov - sosial media

 Öz təcrübəsini misal çəkən hərbi ekspert 1990-cı illərin əvvəllərində hərbi xidmət keçdiyini söyləyir və bildirir ki, o illərdə rüşvət indikindən az idi:

“1994-cü ildə müharibə bitdi, atəşkəs imzalandı. Bundan sonra sanki rüşvətxorluq rəhbərlik səviyyəsində həyata keçirilməyə başladı. Vəzifəyə gələnlərin əksəriyyəti rüşvətə bulaşdığından onlar təbii olaraq verdikləri pulları çıxarmaq üçün ordunu soyurdular. Nəticədə belə mənzərə yarandı”.

Telman Əbilov deyir ki, Müdafiə Nazirliyindəki təyinatlar bilik və bacarığa əsasən həyata keçirilməyəcəksə, problemlər həmişə mövcud olacaq.

Siyasət

ABŞ səfirliyi 14 may aksiyası barədə

Roza Məmmədova
17 May 2022

Toplum Tv

Birləşmiş Ştatların səfirliyi "Toplum TV"yə açıqlamasında Azərbaycan hökumətini vətəndaşların konstitusion hüquqlarına hörmət etməyə çağırıb Birləşmiş Ştatlarının Səfirliyi Azərbaycan hökumətini insan hüquqlarına və əsas azadlıqlarına hörmətlə yanaşmağa, o cümlədən bütün vətəndaşların öz fikirlərini dinc şəkildə ifadə etməsinə, azad toplaşma hüququndan istifadəsinə imkan verməyə çağırıb. Mayın 14-də Bakıda dinc etiraz aksiyasının iştirakçılarına qarşı zorakılıq və jurnalistlərlə ictimai fəallara təzyiqlə bağlı “Toplum TV”nin sorğusuna Birləşmiş Ştatlar səfirliyindən verilən cavabda belə deyilir.  “Biz bütün dünyada etdiyimiz kimi, Azərbaycanda da hökuməti medianın təhlükəsizliyini təmin etməyə və jurnalistlərin zorakılıq, təhdid və ya ədalətsiz həbsdən qorxmadan öz vəzifəsini yerinə yetirmək imkanlarını qorumağa çağırırıq”,- deyə açıqlamda qeyd olunub....
Siyasət

Putin niyə MDB ölkələrinin KTMT-yə üzv olmasını istəyir?

Roza Məmmədova
17 May 2022

Reuters

"Putinin dediklərini dinləməliyik, amma əhəmiyyət verməməliyik” Azərbaycanın sabiq xarici İşlər naziri Tofiq Zülfüqarov “Toplum TV”yə Kollektiv Təhlükəsizlik Müqaviləsi Təşkilatının (KTMT) mayın 16-da Moskvada keçirilən sammitində Rusiya Prezidentinin çıxışını şərh edərkən belə deyib. Rusiya Prezidenti Vladimir Putin məlum nitqi zamanı Müstəqil Dövlətlər Birliyinə (MDB) KTMT-də müşahidəçi statusunun verilməsi təklifi ilə çıxış edib. Bir gün əvvəlsə Belarusun müdafiə naziri Viktor Xrenin bir neçə ildən sonra onlarla ölkənin KTMT-yə qoşulacağını bəyan etmişdi. Hazırda təşkilatın üzvləri Rusiya, Belarus, Qazaxıstan, Ermənistan, Qırğızıstan və Tacikistandır. Putin saamitdəki çıxışında KTMT-nin payızda birgə hərbi təlimlər planlaşdırdığını da deyib. Onun sözlərinə görə, təlimlərin sayı getdikcə artacaq və onlar Qazaxıstan,...

Seçilmiş Videolar

Toplum TV loqo