Siyasət

“Müdafiə Xətti”: “Qarabağ qazilərinin azadlığa buraxılmasını gözləyirik”

16 Mart, 2021
2077

Deko

“Müdafə Xətti” İnsan Haqları Təşkilatı Azərbaycan Prezidenti İlham Əliyevə müraciət ünvanlayıb. 

Qurumun həmtəsisçisi Rüfət Səfərov bu barədə “Toplum TV”-yə danışıb. 

O bildirir ki, müraciətin məqsədi Novruz bayramı ərəfəsində imzalanması gözlənilən əfv sərəncamında siyasi və dini görüşlərinə görə həbs olunanların da azadlığa buraxılmasıdır. 
 
“Təəssüflər olsun ki, 1993-cü ildən etibarən Azərbaycanda siyasi və vicdan məhbuslarının olmadığı dönəm yoxdur. Zaman-zaman yerli və beynəlxalq hüquq müdafiəçilərinin, beynəlxalq məhkəmələrin tələbi ilə siyasi məhbusların bir qismi azadlığa buraxılsa da, yenidən siyasi və dini görüşlərinə görə, həbs halları olub. Bu gün ölkədəki cəzaçəkmə müəssisələrində müxtəlif kateqoriyalar üzrə 150-ə yaxın siyasi məhbus var. Bu kateqoriyalara ömürlük məhbuslar, jurnalistlər, inanclı, ictimai-siyasi şəxslər, sosial etirazlarda iştirak edən şəxslər daxildir”. 

O, “Müdafiə Xətti”nin Novruz bayramı ilə əlaqədar geniş əfv sərəncamının imzalanmasını gözləyir.

Rüfət Səfərov - Sosial Media

“Siyasi məhbusların tam tərkibdə, bu mümkün olmazsa, 2019-cu ilin mart ayında imzalanmış, özüm də daxil olmaqla 51 siyasi məhbusun azadlığı ilə nəticələnən əfv sərəncamı ilə müqayisə oluna biləcək sərəncamın imzalanmasını gözləyirik. “Müdafiə Xətti” olaraq hesab edirik ki, ölkədə demokratik və hüquqi açılımlar olmalıdır, bunu da siyasi məhbusların azadlığı olmadan təsəvvür etmək çətindir. Amma ümidliyik ki, bir neçə gün ərzində Prezident müvafiq sərəncamı imzalasın və müraciətimizdə adları yer alan şəxslər də siyahıda olsun”. 

R.Səfərov xüsusən də ötən ilin iyulunda Qarabağa və Orduya dəstək məqsədilə keçirilən yürüşdən sonra həbs edilənlərin azadlığa buraxılması üçün müraciət etdiklərini söyləyir: 

#Azadlıq Radiosu
*Orduya dəstək yürüşündən kadr


“Müdafiə Xətti” məhz 14-15 iyulda dinc şəkildə təşkil olunan yürüşə görə, həbs olunanların müdafiəsini həyata keçirmək üçün təsis edildi. Müraciətin son hissəsində bu gün cəzaçəkmə müəssisələrində azadlıqdan məhrum olunan xeyli sayda qazimizin də azadlığa qovuşacağı ilə bağlı ümidlər ifadə olunub. Vətən müharibəsi dövründə ölkəmizdə milli həmrəylik ifadə olundu. Düşünürəm ki, bu həmrəyliyin daha geniş vüsət alması və inkişaf etməsi üçün dövlət başçısı İlham Əliyev öz iradəsini nümayiş etdirməlidir. Bunun da ən optimal variantı odur ki, günahsız şəkildə həbs olunan vicdan məhbusları azadlığa qovuşsun”. 

2020-ci il iyulun 14-də Bakıda orduya dəstək yürüşü keçirilib. Hüquq-mühafizə orqanlarının məlumatına görə, yürüş zamanı polis əməkdaşlarına xəsarət yetirilib, xidməti avtomobilləri aşırılıb, Milli Məclisə ziyan dəyib. Bundan sonra cinayət işi açılıb. 

Hüquq müdafiəçiləri bu zaman 70 nəfərin saxlanıldığını, 25 nəfər haqda cinayət işi açıldığını bəyan ediblər. Orduya dəstək yürüşündən sonra Xalq Cəbhəsi Partiyası 40-dan çox fəalının həbs edildiyi, onlardan 16 nəfərinin yürüşlə bağlı cinayət işi üzrə məsuliyyətə cəlb edildiyi bildirilib.

Yürüşdən sonra həbs edilən bir neçə şəxs isə koronavirus infeksiyasını yaymaqda ittiham edilib. Bu şəxsləri Cinayət Məcəlləsinin 139-1.1 maddəsinə uyğun olaraq 5000 manata qədər cərimə və ya 3 ilə qədər həbs cəzası gözləyir. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Azərbaycan və Ermənistan XİN başçılarının görüş tarixi açıqlandı

26 Fevral 2024

Açıq mənbələrdən götürülüb

Azərbaycan və Ermənistan xarici işlər nazirlərinin görüşü fevralın 28-29-da Berlində baş tutacaq. Toplum TV xəbər verir ki, bu barədə fevralın 26-da Ermənistan Xarici İşlər Nazirliyinin mətbuat katibi Ani Badalyan bildirib. Onun sözlərinə görə, görüş bir müddət əvvəl Münhen Təhlükəsizlik Konfransında keçirilən üçtərəfli görüşdə əldə olunan razılaşmaya əsasən təşkil olunacaq.  Qeyd edək ki, bundan əvvəl xarici işlər naziri Ceyhun Bayramov Ermənistan nümayəndə heyəti ilə sülh müqaviləsi ilə bağlı təkbətək danışıqların aparılacağını bildirmişdi. 
Siyasət

Həbs olunmuş fəalın səhhətində problemlər yaranıb

26 Fevral 2024

Sosial Media

Azərbaycanın alternativ həmkarlar ittifaqı konfederasiyası olan "İşçi Masası"nın həbsdə olan üzvü Möhyəddin Orucovun səhhətində problemlər yaranıb.  Toplum TV xəbər verir ki, bu barədə fevralın 26-da "Turan" agentliyinə onun anası Təranə Orucova bildirib. O qeyd edib ki, 2023-cü ilin oktyabrında inzibati qaydada həbs edildikdən sonra Möhyəddini uzun müddət açıq havada saxlayıblar və onun böyrəklərinə soyuq dəyib. Həbs dövründə onu müayinə etməyiblər, sadəcə olaraq ağrıkəsicilər veriblər. Azad edildikdən sonra fəal müalicə olunub, lakin 2023-cü ildə yenidən həbs edildiyinə görə müalicəsi yarımçıq qalıb. https://toplum.tv/siyaset/pbahar-muradova-quotabzas-isiquot-ile-bagli-hebs-olunan-jurnalistlerden-danisibp Orucovun anasının sözlərinə görə, hazırda onun böyrəklərində ağrılar artıb. Onu xəstəxanaya yerləşdirməkdən imtina edirlər. Vəkil sabah yenidən onun xəstəxanaya...

Seçilmiş Videolar

Toplum TV loqo