Siyasət

Müxalifət sülh sazişi haqqında: “İlham Əliyev buna razıdırsa,  ictimaiyyətə çox ciddi əsaslar təqdim etməlidir”

Roza Məmmədova
23 May, 2021
1690

BBC

İlqar Məmmədov

“Hökumət saytlarında Azərbaycan və Ermənistan arasında yeni sazişin imzalanacağı, həmin sazişə görə Qazaxın işğal altında olan 7 kəndinin və Kərkinin Azərbaycana qaytarılacağı, habelə Zəngəzur yolunun açılacağı haqqında "şad xəbərlər" paylaşırlar.

Məgər Qazağın 7 kəndinin azad olunacağı xəbərini 10 noyabr gecəsi, bədnam, antimilli Bəyanat imzalanan gecə prezident İlham Əliyev özü bu xalqa müjdə verməmişdimi?! 

Məgər Laçın dəhlizinin qarşılığında Zəngəzur yolunun (dəhlizinin deyil) açılması bədnam bəyanatın şərti deyildimi?!” - Milli Şuranın üzvü, keçmiş deputat Gültəkin Hacıbəyli “Feysbuk” səhifəsində belə yazır.  

Gültəkin Hacıbəyli - Human Rights Club

Mayın 21-də prezident İlham Əliyev Ermənistana sülh sazişi təklif etdiyini açıqlayıb. 

O, sazişin detallarını açıqlamasa da, qarşı tərəfin Dağlıq Qarabağın statusu barədə danışmaq cəhdlərindən əl çəkməli olduğunu söyləyərək “Bu, müzakirə mövzusu deyil” deyib.

Bu təklif ölkədə birmənalı qarşılanmayıb.

Milli Şuranın üzvü Gültəkin Hacıbəyli qeyd edir ki, bəyanatın imzalanmasından 7 ay keçsə də, ortada Azərbaycanın xeyrinə  heç bir nəticə yoxdur. 

“Erməni silahlıları Qarabağdan nəinki çıxarılmayıb, əksinə, yeni, müasir ordu qurulur. Laçın dəhlizi ilk gündən ermənilərin istifadəsinə verilsə də, Zəngəzur istiqamətdə bir azərbaycanlının bircə addım atdığını görən olmayıb. 
İndi isə eyni saqqızı yenə dövriyyəyə buraxıblar. Bəs ikitərəfli müqavilə imzalanacaq, Zəngəzur yolu açılacaq. Qorxuram ki, ermənilərlə ruslar Zəngəzur söhbətləri ilə başımızı qatıb müzəffər hökumətimizdən yenə milli maraqlarımıza zidd güzəştlər qoparsınlar”.

G.Hacıbəyli bir məqamdan narahatlığını da bölüşür: “...10 noyabrda olduğu kimi yenə başımız üstündə oynanılan qorxunc oyunlardan ən sonda biz xəbər tutacağıq...”

Real Partiyasının sədri İlqar Məmmədovsa diqqəti 2 məsələyə çəkir: “Birincisi, 10 noyabr bəyanatı Türkiyənin adını birbaşa çəkməsə də, regionda sabitləşmə işinin iştirakçısı kimi onu tanıyırdı (imzalanma zamanı 5-ci bəndin məhz Türkiyə üçün nəzərdə tutulduğu şifahi elan edilmişdi). Yeni sənəddəsə Türkiyənin iştirakını mümkün edəcək heç nə görünmür. Ermənistandakı parlament seçkisinin nəticəsi hələ bəlli olmadan İlham Əliyev buna razıdırsa, yerli ictimaiyyətə çox ciddi əsaslar təqdim etməlidir. İrəvanda Köçəryanın dəstəsi hakimiyyətə gələrsə, sərhədin dəqiqləşdirilməsi işində Moskvanın tərəf tutmayacağına biz inana bilərikmi?”
Partiya sədri yazır ki, sənədi sızdıranlar sərhədlərin üç əsasa söykənərək dəqiqləşdiriləcəyini iddia edirlər: SSRİ xəritələri, coğrafi məqsədəuyğunluq və yerdəki gerçək vəziyyət.

İ.Məmmədov ikinci diqqət çəkən məqam kimi bu əsasların hər birinin istənilən məqsədə xidmət edə biləcəyini ehtimal edir: “Ermənistan “coğrafi məqsədəuyğunluq” deyib var-gücü ilə Gorus-Qafan yolunun Azərbaycanda olan hissəsini tam öz nəzarətinə almağa çalışacaq. Buna rəsmi Bakı ya imkan verməməlidir, ya da imkan verirsə, əvəzində olduqca böyük, strateji əhəmiyyətli, hətta anlaşmaların gələcəkdə pozulması təqdirində istifadəsində fasilə yaranmayacaq coğrafi güzəşt əldə etməlidir. Əlbəttə, Ermənistan o yoldan imtina edib təmirsiz qalmış alternativ yolu bərpa edə bilər, amma o alternativ yol yüksək dağ ərazisindən keçir deyə qarlı havada strateji vəzifələri yerinə yetirməyə bilər”.

Noyabrın 10-da Qarabağda hərbi əməliyyatların bitməsi və atəşkəs barədə Azərbaycan, Ermənistan və Rusiya liderlərinin birgə bəyanatı imzalanıb. Bu bəyanat bölgədə müharibəyə son qoysa da, münaqişə tərəfləri arasında münasibətləri tam tənzimləyib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Müdafiə və azad edilmiş ərazilərin bərpası xərcləri artırılır

30 May 2023

Açıq mənbələrdən götürülüb

Müdafiə qabiliyyətinin və milli təhlükəsizliyinin daha da gücləndirilməsi üçün xərclər artırılır. Toplum TV xəbər verir ki, bu, Milli Məclisin “Azərbaycan Respublikasının 2023-cü il dövlət büdcəsi haqqında” Azərbaycan Respublikasının Qanununda dəyişikliklər edilməsi barədə” Qanun layihəsində öz əksini tapıb.  Qanuna əsasən, ölkənin müdafiə qabiliyyətinin və milli təhlükəsizliyinin daha da artırılması üçün 1105,0 milyon manat, o cümlədən xüsusi müdafiə təyinatlı layihələr və tədbirlər üzrə xərclər üçün 1000,0 milyon manat artırılması nəzərdə tutulur. https://toplum.tv/siyaset/pilham-eliyev-azad-olunmus-torpaqlarda-en-ccedilox-tuumlrkiye-ve-italiya-sirketleri-is-goumlruumlrp Artımdan sonra xüsusi müdafiə təyinatlı layihələr və tədbirlər üzrə xərclər 2070,0 milyon manat təşkil edəcək. Qarabağ və Şərqi Zəngəzurda həyata keçirilən tikinti, bərpa və yenidənqurma işlərinin sürətləndirilməsi ilə bağlı xərclər...
Siyasət

İsxaq Hersoq: Azərbaycan və İsrail strateji əlaqələri bütün regiona təsir edir

30 May 2023

President.az

İsxaq Hersoqun bu gün, mayın 30-da Azərbaycan Prezidenti İlham Əliyevlə geniş tərkibdə görüşü baş tutub.  Görüş zamanı o, Azərbaycanda olmaqdan məmnunluq duyduğunu bildirib:  "Azərbaycan və İsrail arasındakı əlaqələr müsəlmanlarla yəhudilərin sülh içində birgəyaşayışına, açıq dialoq apara biləcəyinə, birlikdə gözəl işlər görə biləcəyinə və dünyanı daha yaxşı edə biləcəklərinə dair mesaj verir". https://toplum.tv/multimedia/pbakida-israil-sefirliyi-oumlnuumlnde-aksiyap Hersoq Azərbaycan və İsrailin strateji əlaqələrinin sülh, firavanlıq və inkişaf istiqamətində bütün regiona təsir etdiyini vurğulayıb. “Sizi İsraildə qonaq etməyi səbirsizliklə gözləyirəm”, - deyə İsrailin dövlət başçısı İlham Əliyevi ölkəsinə səfərə dəvət edib.  Azərbaycan Prezidenti isə öz növbəsində qeyd edib ki, bu səfər iki ölkə arasında dostluq münasibətlərinin...

Seçilmiş Videolar

Toplum TV loqo