Siyasət

Müxalifətdən Baydenin açıqlamasına münasibət

25 Aprel, 2021
1117

Sosial media

Əli Kərimli: "Bu çıxış Baydenin proritet elan etdiyi demokratikləşmə prosesinə zərər verəcək"

"ABŞ prezidenti Co Baydenin uydurma erməni genosidini tanıması qərarı bir əsrdən artıq zamanda erməni terrorundan və işğalından zərər çəkmiş Azərbaycan xalqı tərəfindən böyük təəssüf hissilə qarşılanıb".

Azərbaycan Xalq Cəbhəsi Partiyasının (AXCP) sədri Əli Kərimli ABŞ prezidenti Co Baydenin "erməni soyqırımı" ilə bağlı açıqlamasını "Feysbuk" səhifəsində şərh edərkən belə yazıb.

Əli Kərimli - Sosial media

O bildirib ki, bu çıxış Baydenin proritet elan etdiyi demokratikləşmə prosesinə zərər verəcək: "Erməni diasporu və lobbisinin nail olduğu bu qərar ABŞ-ın milli maraqlarına da, prezident Baydenin prioritet elan etdiyi dünyada insan hüquqları və demokratikləşmə prosesini dəstəkləmək siyasətinə də zərər verəcək”.

Ə.Kərimli həmçinin qeyd edib ki, bu addım son illərdə xeyli zəifləmiş ABŞ və Türkiyə arasındakı müttəfiqlik münasibətlərinin daha da zəifləməsinə səbəb olacaq: "Xüsusi olaraq vurğulamaq istəyirəm ki, 106 il bundan öncə baş vermiş hadisələri kimin necə qiymətləndirməsinin Azərbaycanın Qarabağ bölgəsində və ətrafında hazırda baş verənlərə heç bir aidiyyatı yoxdur və ola bilməz”.

Arif Hacılı: "Şiddətlə qınayıram"

"ABŞ prezidenti Co Baydenin 1905-ci il hadisələrini "soyqırım” olaraq qiymətləndirən, heç bir tarixi və hüquqi əsası olmayan açıqlaması regionda sülhün və əmin-amanlığın bərpa olunması ilə bağlı ümidlərə vurulan ciddi zərbədir”.

Bunu isə Müsavat Partiyasının başqanı Arif Hacılı deyib.

Arif Hacılı - Sosial media

"Bu iyrənc yalanın ABŞ prezidenti tərəfindən həqiqət kimi təqdim olunmasına acı təəssüf hissimi bildirir, şiddətlə qınayıram", - A.Hacılı bildirib.

Aprelin 24-də ABŞ prezidenti Cozef Bayden rəsmi açıqlamasında XX əsrin əvvəllərində Osmanlıda ermənilərin kütləvi qətliamını "soyqırımı" adlandırıb.

Bayden həmin ifadəni "1915-ci il hadisələri”nin ildönümü ilə əlaqədar çıxışında səsləndirib. O, 1915-ci il hadisələrini "soyqırımı" adlandıran ilk ABŞ prezidentidir.

“Erməni soyqırımı”nı bugünədək Almaniya, Argentina, Avstriya, Belçika, Boliviya, Braziliya, Bolqarıstan, Kanada, Çili, Kipr, Çexiya, Ermənistan, Fransa, Yunanıstan, İtaliya, Liviya, Litva, Livan, Lüksemburq, Hollandiya, Paraqvay, Polşa, Portuqaliya, Rusiya, Slovakiya, İsveç, İsveçrə, Suriya, Vatikan, Venesuela, Uruqvay rəsmi şəkildə tanıyıb.

Siyasət

Müsəlman Birliyi Hərəkatının üzvünə hökm oxundu

20 May 2022

Razi Hümbətov - sosial media

Bu gün, mayın 20-də Bakı Ağır Cinayətlər Məhkəməsinin qərarı ilə Müsəlman Birliyi Hərəkatının üzvü Razi Hümbətova hökm oxunub. Azadlıq Radiosunun məlumatına görə, hərəkatın üzvü 6 il azadlıqdan məhrum edilib. R.Hümbətov Cinayət Məcəlləsinin 234.4.3 (satış məqsədilə külli miqdarda narkotik əldə etmə, saxlama, daşıma) maddəsi ilə günahkar sayılıb. Atası məhkəmə qərarını qərəzli adlandırıb və qeyd edib ki, R.Hümbətovun qonşuları, digər şəxslər Prezident Administrasiyasına, Daxili İşlər Nazirliyinə onlarla məktub yazaraq onun bu işdə günahsız olduğunu və narkomaniya ilə mübarizə apardığını bildiriblər. Xəbərdə o da bildirilir ki, məhkəmə prosesinə gələnlərdən Ağaəli Yahyayev, Süleyman Ələkbərov və daha bir neçə şəxsin saxlanılıb. R.Hümbətov ötən il iyulunda saxlanıb....
Siyasət

Almaniyadan qaytarılan daha bir fəal həbs edilib

Roza Məmmədova
20 May 2022

açıq mənbədən götürülüb

Tənqidçi mövqeyi ilə tanınan ictimai fəal Ziya İbrahimlinin Bakı Hava limanında həbs edildiyi deyilir. Bu barədə məlumatı mayın 20-də jurnalist Əfqan Muxtarlı “feysbuk” hesabında yazıb: “Bu dəqiqələrdə Biləsuvar məhkəməsində Ziya İbrahimlinin məhkəməsi gedir. Ona vəkil tutmağa belə imkan verilməyib. Ziya bəy 2019-cu ildən Almaniyada yaşayıb. Onun eyni il axtarışa verilməsi siyasi fəaliyyəti ilə bağlıdır. Azərbaycanda yaşamayan adamı Biləsuvar polisi niyə axtarışa versin?” Əfqan Muxtarlı - sosial media Ə.Muxtarlı fəalın həbsində Almaniya Hökumətinin də məsuliyyət daşıdığını bildirib: “Əvvəl-əvvəl 2-3 ay gözləyib həbs edirdilər. İndi elə aeroportda həbs edirlər. Vətənə döndükdən sonra həbs edilən mühacirlərin hər biri üçün Almaniya höküməti məsuliyyət daşıyır”....

Seçilmiş Videolar

Toplum TV loqo