Siyasət

Nazirlikdən Rəsulzadənin xatirə muzeyi ilə bağlı açıqlama

Nigar Səmədli
11 İyun, 2021
1741

Açıq mənbələrdən götürülüb

"Rəsulzadənin xatirə muzeyinin yaradılması ilə bağlı məsələyə baxılacaq". 

Bunu Mədəniyyət Nazirliyi “Toplum TV” mayın 27-də Rəsulzadənin ev muzeyinin açılıb-açılamaması ilə bağlı sorğusuna 2 həftə sonra göndərdiyi cavabda bildirib.
“Hazırda Azərbaycan Respublikası Mədəniyyət Nazirliyinin strukturunun və idarə edilməsinin təkmilləşdirilməsi ilə bağlı kompleks islahatlar həyata keçirilməkdədir. Nazirliyin tabeliyindəki muzeylərin fəaliyyətinin optimallaşdırılması və daha təkmil muzey fəaliyyətinin təşkili istiqamətində aparılan islahatlar çərçivəsində qaldırılan məsələyə də baxılacaq. 

Eyni zamanda qeyd etməliyik ki, xatirə muzeyinin yerləşməli olduğu ünvanda hazırda mövcud olan evlər şəxsi mülkiyyətdədir”, - nazirliyin açıqlamasında qeyd olunub. 

Təşəbbüs qrupunun üzvü professor Qulu Məhərrəmli isə deyir ki, Rəsulzadənin ev muzeyinin yaradılması ilə bağlı ziyalılardan təşəbbüs qrupu 2019-cu ildə ölkə başçısına müraciət etsə də, bu məsələ hələ də həllini tapmayıb. 

O deyib ki, Rəsulzadənin vaxtilə yaşadığı binada indi Mədəniyyət Nazirliyinin strukturlarından biri yerləşir: “Taleyin iztehzasıdır ki, həmin qurum mədəniyyət obyektlərinin bərpası işlərinə baxan bir strukturdur. Biz yaşadığı həmin evin ünvanını dəqiqləşdirərək Bakı Şəhər İcra Hakimiyyətinə, daha sonra Mədəniyyət Nazirliyinə, ölkə başçısına və vitse-prezidentə müraciət etmişdik. Amma heç bir nəticə əldə edə bilmədik və mən belə güman edirəm ki, bundan sonra da mümkün olmayacaq. Anlaşılan odur ki, Rəsulzadənin ev muzeyini yaratmaq üçün lazimi iradə yoxdur”. 

M.Ə.Rəsulzadənin nəvəsi Rais Rəsulzadə isə muzeyin yaradılmasının pandemiyaya görə yubandığını deyir: "Əslində, hələ məlum da deyil ki, muzey harada yaradılacaq".

Məhəmməd Əmin Rəsulzadənin ev muzeyinin yaradılması ilə bağlı ziyalılardan təşəbbüs qrupu 2019-cu ilin sonlarında yaradılıb. Həmin vaxt təşəbbüs qrupunun üzvü Q.Məhərrəmli "modern.az"a Rəsulzadənin yaşadığı ev haqqında məlumat  verib.

“Məhəmməd Əmin Rəsulzadə doğulduğu və uşaqlıq illərini keçirdiyi Novxanı kəndindən yeniyetmə vaxtı çıxıb, vətəndəki bütün sonrakı həyatını – həbsinə və mühacirətinə qədər – Bakıda yaşayıb. Jurnalist, siyasi xadim, dövlət adamı kimi “Azərbaycan” qəzeti redaksiyasına, “Müsavat” partiyasının qərargahına, Azərbaycan Parlamentinə indiki “Nizami küçəsi 59” ünvanlı mənzilindən gedib-gəlib. 1920-ci ilin məşum payızında Bakını həmişəlik tərk edərkən də ailəsi ilə sonuncu dəfə həmin ünvanda vidalaşıb”, - deyə o bildirib. 

Azərbaycan Cümhuriyyətinin banisi Məhəmməd Əmin Rəsulzadə 1955-ci ildə mühacirətdə - Ankarada vəfat edib və "Əsri" qəbiristanlığında dəfn olunub. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Ermənistanla sərhəddə və Qarabağda atəşkəs pozulub

30 May 2023

Rəsmi səhifə

Mayın 29-u saat 19:00-dan mayın 30-u saat 03:55-dək Azərbaycan Ordusunun mövqeləri fasilələrlə atəşə tutulub. Toplum TV xəbər verir ki, bu barədə Müdafiə Nazirliyi məlumat yayıb.  Bildirilir ki, Ermənistan bölmələri Azərbaycanın Tovuz, Kəlbəcər və İstisu yaşayış məntəqələri istiqamətlərində yerləşən mövqelərini atıcı silahlardan atəşə tutub. https://toplum.tv/siyaset/pqarabag-seperatccedililari-eliyeve-cavab-verdip Həmçinin Qarabağdakı qeyri-qanuni erməni silahlı dəstələri tərəfindən Azərbaycan Ordusunun Ağdam, Şuşa və Kəlbəcər rayonları istiqamətlərində yerləşən mövqelərinin atəşə tutulduğu xəbər verilib.  "Qeyd olunan bütün istiqamətlərdə adekvat cavab tədbirləri görülüb", - deyə Müdafiə Nazirliyindən bildirilib. 
Siyasət

İsrail Prezidenti Azərbaycana rəsmi səfərə gəlib

30 May 2023

Açıq mənbələrdən götürülüb

İsrail Prezidenti İsxaq Hersoq mayın 30-da Azərbaycana rəsmi səfərə gəlib. Toplum TV xəbər verir ki, İsxaq Hersoqu və xanımı Mixal Hersoqu hava limanında Azərbaycanın Baş nazirinin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər qarşılayıblar. İsxaqın Azərbaycan Prezidenti İlham Əliyev və digər rəsmi şəxslərlə görüşü gözlənilir. Ötən ay İsrailin xarici işlər naziri Eli Kohenin Azərbaycana səfəri baş tutmuşdu.  Martın 28-də isə Azərbaycanın İsraildəki səfirliyinin rəsmi açılış mərasimi olub. Azərbaycanın bu ölkədəki səfiri vəzifəsini Muxtar Məmmədov icra edir.  Azərbaycanın İsrail Tel-Əviv şəhərində səfirliyinin təsis edilməsi ilə bağlı sərəncamı Prezident İlham Əliyev ötən il noyabrın 26-da imzalayıb.

Seçilmiş Videolar

Toplum TV loqo