Siyasət

Nemət Kərimli: “Bu qədər biabırçı istintaqı əsas götürüb hökm çıxarıblar” 

Şəhla Kərim
22 İyun, 2021
883

Sosial Media

İyunun 21-də “Qarabağ məhbusları”nın daha bir neçəsinə hökm oxunub.  

Səbayel Rayon Məhkəməsi AXCP sədrinin müşaviri Asif Yusifliyə 4,6 il, AXCP üzvləri Elnur Cabbarlı, Müşfiq Quliyev və Elvin Məmmədova 4 il, Seymur Əhmədzadəyə isə 3,6 il şərti cəza kəsib. Digər məhbuslara - Taleh Məmişova 4,6 il, Siyavuş Mustafayev və başqalarına isə 4 il şərti cəza verilib.

Sosial Media


  
Vəkil Nemət Kərimli “Toplum TV”-yə açıqlamasında qərardan apelyasiya şikayəti verəcəklərini bildirib. “Qərar birmənalı şəkildə qanunsuz və əsassızdır. Məhkəmə istintaqı zamanı hüquqlarını müdafiə etdiyim Asif Yusifli və digər cəbhəçilər barədə ortaya hər hansı sübut qoyulmadı. Təqsirləndirilən şəxslərdən biri etiraf etdi ki, polisə təpiklə vurub. Hətta bununla bağlı da sübut təqdim olunmadı. Qanunvericiliyə əsasən, təqsirləndirilən şəxsin etirafı ittiham üçün əsası ola bilməz, digər sübutlarla təsdiq olunmalıdır. Yəni bu qədər biabırçı istintaqı əsas götürüb hökm çıxarıblar. Əlbəttə, tamamilə qanunsuz və əsassızdır. Apelyasiya şikayəti verəcəyik. Bu iş üzrə həbs qətimkan tədbirinin pozulması; həbsxanada görüşlərə, telefon danışıqlarına icazə verilməməsi ilə bağlı Avropa Məhkəməsinə müraciət olunub. Sonda isə Ali Məhkəmənin qərarından Avropa Konvensiyasının 6-cı maddəsi üzrə - məhkəmə hüququnun pozulması ilə bağlı məhkəməyə müraciət olunacaq”.  

Asif Yusifli - Sosial Media

Asif Yusifli qərarın siyasi motivli olduğunu bildirib: 

“İstər cəbhəçilərin, istərsə də digərlərinin heç bir günahı yoxdur. İstintaqda irəli sürülən ittihamlar  məhkəmə zamanı sübut olunmadı. Bizə prokurorluğun quraşdırdığı saxta ittihamlar əsasında cəza verildi. Şübhəsiz ki, bunu qanunsuz hesab edirik. Azərbaycandakı məhkəmə instansiyalarını keçəndən sonra Avropa İnsan Haqqları Məhkəməsinə müraciət edəcəyik. Təkcə cəzanın ləğvi deyil, həm də bizə vurulmuş maddi və mənəvi ziyanın, o cümlədən 4 aylıq həbs müddətinin, 17 aydan artıq ev dustaqlığının, aylarla, illərlə məhkəmələrdə sürünməyimizin də  kompensasiya olunması üçün axıra kimi mübarizə aparacağıq”.  

Ötən ilin 15 iyulunda Tovuz rayonunda Azərbaycan və Ermənistan arasında baş vermiş hərbi münaqişədən sonra Bakıda təqribən 30 min nəfərin iştirakı ilə "Qarabağ yürüşü" keçirilib. Yürüş zamanı bir qrup şəxs parlament binasına daxil olub və qarışıqlıq yaradıb. Hadisə ilə əlaqədar cinayət işi açılıb, onlarla  şəxs cinayət məsuliyyətinə cəlb edilib.  

Təqsirləndirilən şəxslərə qarşı Cinayət Məcəlləsinin 127 (qəsdən sağlamlığa az ağır zərər vurma), 186 (əmlakı qəsdən məhv etmə və ya zədələmə), 233 (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak) və 315 (hakimiyyət nümayəndəsinə qarşı zor tətbiq etmə) maddələrilə ittiham irəli sürülüb. Təqsirləndirilən şəxslər arasında 15 nəfər AXCP fəalı da var. AXCP bu ittihamların saxta olduğunu, üzvlərinin siyasi sifarişlə məsuliyyətə cəlb edildiyini bəyan edib. Partiyadan bildirilib ki, təqsirləndirilən cəbhəçilərdən bir neçəsi o yürüşdə ümumiyyətlə iştirak etməyiblər. 

Hüquq müdafiəçiləri də həbslərin siyasi motivli olduğunu düşünürlər.

Siyasət

ABŞ səfirliyi 14 may aksiyası barədə

Roza Məmmədova
17 May 2022

Toplum Tv

Birləşmiş Ştatların səfirliyi "Toplum TV"yə açıqlamasında Azərbaycan hökumətini vətəndaşların konstitusion hüquqlarına hörmət etməyə çağırıb Birləşmiş Ştatlarının Səfirliyi Azərbaycan hökumətini insan hüquqlarına və əsas azadlıqlarına hörmətlə yanaşmağa, o cümlədən bütün vətəndaşların öz fikirlərini dinc şəkildə ifadə etməsinə, azad toplaşma hüququndan istifadəsinə imkan verməyə çağırıb. Mayın 14-də Bakıda dinc etiraz aksiyasının iştirakçılarına qarşı zorakılıq və jurnalistlərlə ictimai fəallara təzyiqlə bağlı “Toplum TV”nin sorğusuna Birləşmiş Ştatlar səfirliyindən verilən cavabda belə deyilir.  “Biz bütün dünyada etdiyimiz kimi, Azərbaycanda da hökuməti medianın təhlükəsizliyini təmin etməyə və jurnalistlərin zorakılıq, təhdid və ya ədalətsiz həbsdən qorxmadan öz vəzifəsini yerinə yetirmək imkanlarını qorumağa çağırırıq”,- deyə açıqlamda qeyd olunub....
Siyasət

Putin niyə MDB ölkələrinin KTMT-yə üzv olmasını istəyir?

Roza Məmmədova
17 May 2022

Reuters

"Putinin dediklərini dinləməliyik, amma əhəmiyyət verməməliyik” Azərbaycanın sabiq xarici İşlər naziri Tofiq Zülfüqarov “Toplum TV”yə Kollektiv Təhlükəsizlik Müqaviləsi Təşkilatının (KTMT) mayın 16-da Moskvada keçirilən sammitində Rusiya Prezidentinin çıxışını şərh edərkən belə deyib. Rusiya Prezidenti Vladimir Putin məlum nitqi zamanı Müstəqil Dövlətlər Birliyinə (MDB) KTMT-də müşahidəçi statusunun verilməsi təklifi ilə çıxış edib. Bir gün əvvəlsə Belarusun müdafiə naziri Viktor Xrenin bir neçə ildən sonra onlarla ölkənin KTMT-yə qoşulacağını bəyan etmişdi. Hazırda təşkilatın üzvləri Rusiya, Belarus, Qazaxıstan, Ermənistan, Qırğızıstan və Tacikistandır. Putin saamitdəki çıxışında KTMT-nin payızda birgə hərbi təlimlər planlaşdırdığını da deyib. Onun sözlərinə görə, təlimlərin sayı getdikcə artacaq və onlar Qazaxıstan,...

Seçilmiş Videolar

Toplum TV loqo