Siyasət

Allahşükür Paşazadə: Biz İran üçün ögey qardaş imişik

20 Yanvar, 2023
110

Açıq mənbələrdən götürülüb

Allahşükür Paşazadə

Qafqaz Müsəlmanları İdarəsinin sədri şeyxülislam Allahşükür Paşazadə Tehran və Yerevan şəhərlərinin qardaşlaşmasından narazı qalıb. 

Toplum TV xəbər verir ki, bu barədə o, yanvarın 20-də jurnalistlərə açıqlamasında deyib. 

Şeyxülislamın sözlərinə görə, o, bir din xadimi kimi bütün dövlətlərlə münasibətlərin yaxşı olmasını istəyir və buraya İran da daxildir. 

https://toplum.tv/dunya/piran-etirazccedililarinin-dar-agacina-geden-yolup

Bununla belə, Paşazadə İranın tarixi səhv etdiyini vurğulayıb:

"İrandan öz qardaşınız kimi belə bir şeyi gözləmirdik. Söhbət Tehranla Yerevanın qardaşlaşmasından gedir. Bu çox mənfi haldır. Biz onlara qardaş deyirdik, sonradan gördük ki, onların başqa qardaşları varmış, biz ögey qardaş imişik".

Paşazadə bildirib ki, bu, İslam tarixi üçün də bağışlanmaz səhvdir. 

"İran belə addımlar atmamalıdır. İran da bizə qarşı həqiqi addımlar atmalıdır. Və bizə qardaş deyəndə yalançı qardaş deməməlidir”, - deyə o bildirib. 

Tehran və Yerevan şəhərləri yanvarın 18-də qardaşlaşıb. Müqaviləni Yerevan meri Qraçya Sarkisyan və Tehran meri Əlirza Zakani imzalayıb.
 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Gültəkin Hacıbəyliyə bəraət verildi

1 Fevral 2023

Sosial Media

Bu gün, fevralın 1-də Gültəkin Hacıbəyliyə qarşı qaldırılan xüsusi ittiham üzrə cinayət təqibinə bəraət verilib.  Toplum TV xəbər verir ki, bu barədə vəkil Aqil Layic sosial media hesabında məlumat verib.  Bəraət qərarını Nəsimi Rayon Məhkəməsi çıxarıb.  https://toplum.tv/siyaset/gultekin-hacibeylinin-oglunun-olkeden-cixisina-qadaga-goturulub Keçmiş deputat, Milli Şuranın Koordinasiya Mərkəzinin üzvü Gültəkin Hacıbəyli ötən ilin noyabrında xüsusi ittiham qaydasında məhkəməyə verilmişdi.  Leyla Arif adlı şəxs Nəsimi Rayon Məhkəməsinə müraciət edərək Gültəkin Hacıbəylinin sosial şəbəkə ona böhtan atdığını bildirmişdi.   Bundan sonra Gültəkin Hacıbəyli barəsində Cinayət Məcəlləsinin 147.2-ci (Ağır və ya xüsusilə ağır cinayətdə ittiham etməklə böhtan atma) maddəsi ilə cinayət işi başlanılmışdı. 
Siyasət

KİV: Türkiyə-Naxçıvan sərhədi açılıb

1 Fevral 2023

Açıq mənbələrdən götürülüb

Türkiyə-Naxçıvan sərhədindəki “Dilucu” buraxılış məntəqəsi açılıb. Toplum TV xəbər verir ki, bu barədə fevralın 1-də APA məlumat yayıb.  Qeyd olunub ki, Türkiyənin Naxçıvandakı Baş Konsulluğu faktı təsdiqləyib. Konsulluğun nümayəndəsi Dursun Gülün sözlərinə görə, Naxçıvan qeydiyyatında olan şəxslər ayda 2 dəfə olmaqla öz avtomobilləri ilə gömrüyü keçə bilərlər. https://toplum.tv/multimedia/hokumetin-demir-serhed-siyaseti-quru-serhedler-niye-acilmir Xatırlatma Azərbaycan 2020-ci ilin martında Covid-19 virusu yayılarkən pandemiyanın qarşısının alınması məqsədilə ölkə sərhədlərini gediş-gəliş üçün bağlamışdı.  Pandemiya davam edən zaman Azərbaycan hökuməti Naxçıvan üzərindən sərhədin açılmasına qərar vermiş, lakin bir müddət sonra sərhəd yenidən bağlanmışdı.  Hazırda Türkiyə istisna olmaqla, Azərbaycanın digər qonşu ölkələrlə quru sərhədləri bağlıdır.  

Seçilmiş Videolar

Toplum TV loqo