Siyasət

"Pandora sənədləri": Prezident ailəsinin ofşorlardakı məlumatları açıqlanıb

4 Oktyabr, 2021
1047

Rəsmi səhifə

Beynəlxalq jurnalistlər konsorsiumunun (ISIJ) "Pandora sənədləri" (Pandora papers) adlı genişmiqyaslı araşdırmasında Azərbaycan Prezidenti İlham Əliyev ailəsinin və yaxınlarının ofşorlarda məlumatlarının olduğu açıqlanıb. 

Bu barədə Mütəşəkkil Cinayətkarlıq və Korrupsiya Hesabatı Layihəsinin (OCCRP)  yaydığı məlumatda bildirilir. 

Mərkəzin iddialarına görə, Əliyevlər və yaxınları 2006-cı ildən etibarən Böyük Britaniyanın Virciniya adalarında qeydiyyatda olan 84 ofşora malik olublar. 

"Onların ən azı 8 şirkəti ofşor sistemlərində pulların yuyulması və köçürmələr hesabına milyonlarla dollar əldə edib", - deyə Mərkəzin məlumatında vurğulanır. 

Həmçinin qeyd olunub ki, son illərdə bu ofşor şirkətlərindən bəziləri bağlanıb, Əliyevlərə aid olan hissə isə satılıb. "The Guardian" satılan Britaniya daşınmaz əmlakının dəyərinin 400 milyon funt sterlinq olduğunu iddia edir, mülklərdən birinin də Britaniya taxt-tacına satıldığı bildirilir. 

Oktyabrın 3-də Beynəlxalq jurnalistlər konsorsiumu dünya liderlərinin ofşor sistemləri ilə güman olunan əlaqələrini əks etdirən "Pandora sənədləri"ni yayımlayıb. Sənədlərdə 100-dən çox milyarderin, 35 dünya liderinin və 400 dövlət rəsmisinin sövdələşmələri göstərilir. Jurnalistlər bunu ofşor hesablarının sızması tarixində ən böyük hadisə adlandırırlar. Sənədlərdə 117 ölkədən olan 600 jurnalistin reportajı yayımlanıb. Burada sızmalardan əldə olunan 11,9 milyon sənədin analiz olunduğu bildirilib. 

ISIJ-ın nümayəndəsi mətbuata açıqlamasında deyib ki, konsorsiumun əlinə 12 milyondan çox sənəd keçib. O, dünya miqyasında dövlət liderləri və ali mənsəb sahibləri barəsində yeni "səs-küylü" materialların yayımlanacağını istisna etməyib. 
 

Siyasət

ABŞ səfirliyi 14 may aksiyası barədə

Roza Məmmədova
17 May 2022

Toplum Tv

Birləşmiş Ştatların səfirliyi "Toplum TV"yə açıqlamasında Azərbaycan hökumətini vətəndaşların konstitusion hüquqlarına hörmət etməyə çağırıb Birləşmiş Ştatlarının Səfirliyi Azərbaycan hökumətini insan hüquqlarına və əsas azadlıqlarına hörmətlə yanaşmağa, o cümlədən bütün vətəndaşların öz fikirlərini dinc şəkildə ifadə etməsinə, azad toplaşma hüququndan istifadəsinə imkan verməyə çağırıb. Mayın 14-də Bakıda dinc etiraz aksiyasının iştirakçılarına qarşı zorakılıq və jurnalistlərlə ictimai fəallara təzyiqlə bağlı “Toplum TV”nin sorğusuna Birləşmiş Ştatlar səfirliyindən verilən cavabda belə deyilir.  “Biz bütün dünyada etdiyimiz kimi, Azərbaycanda da hökuməti medianın təhlükəsizliyini təmin etməyə və jurnalistlərin zorakılıq, təhdid və ya ədalətsiz həbsdən qorxmadan öz vəzifəsini yerinə yetirmək imkanlarını qorumağa çağırırıq”,- deyə açıqlamda qeyd olunub....
Siyasət

Putin niyə MDB ölkələrinin KTMT-yə üzv olmasını istəyir?

Roza Məmmədova
17 May 2022

Reuters

"Putinin dediklərini dinləməliyik, amma əhəmiyyət verməməliyik” Azərbaycanın sabiq xarici İşlər naziri Tofiq Zülfüqarov “Toplum TV”yə Kollektiv Təhlükəsizlik Müqaviləsi Təşkilatının (KTMT) mayın 16-da Moskvada keçirilən sammitində Rusiya Prezidentinin çıxışını şərh edərkən belə deyib. Rusiya Prezidenti Vladimir Putin məlum nitqi zamanı Müstəqil Dövlətlər Birliyinə (MDB) KTMT-də müşahidəçi statusunun verilməsi təklifi ilə çıxış edib. Bir gün əvvəlsə Belarusun müdafiə naziri Viktor Xrenin bir neçə ildən sonra onlarla ölkənin KTMT-yə qoşulacağını bəyan etmişdi. Hazırda təşkilatın üzvləri Rusiya, Belarus, Qazaxıstan, Ermənistan, Qırğızıstan və Tacikistandır. Putin saamitdəki çıxışında KTMT-nin payızda birgə hərbi təlimlər planlaşdırdığını da deyib. Onun sözlərinə görə, təlimlərin sayı getdikcə artacaq və onlar Qazaxıstan,...

Seçilmiş Videolar

Toplum TV loqo