Siyasət

Paşinyan Dağlıq Qarabağ münaqişəsinin ərazi problemi olmadığını deyir

24 Noyabr, 2021
100

Rəsmi səhifə

Azərbaycan və Ermənistan bir-birlərinin ərazi bütövlüyünü 1991-ci ildə, Müstəqil Dövlətlər Birliyinin təşkili zamanı qarşılıqlı surətdə tanıyıblar. 

Bunu Ermənistanın Baş naziri Nikol Paşinyan noyabrın 23-də "Feysbuk"dakı canlı yayımında deyib. 

Onun sözlərinə görə, sərhədlərin müəyyən olunması və Dağlıq Qarabağ problemi – müxtəlif müzakirə metodları tələb edən ayrı-ayrı mövzulardır. 

Ərazi bütövlüyü məsələsinə gəldikdə, Paşinyan bildirib ki, Azərbaycan və Ermənistan 1991-ci ildə MDB-nin yaradılması prosesində iştirak edərkən bəyannamə və dövlətlərarası razılaşma imzalamaqla ölkələrin ərazi bütövlüyünü qarşılıqlı surətdə tanıyıblar.

“Konkret terminlər altında nəyi nəzərdə tutduğumuzu bilmək lazımdır. Həmin vaxt Artsax (Dağlıq Qarabağın ermənicə adı - red.) məsələsi var idi? Var idi. Amma məsələ belədir: Artsax problemi - ərazi problemidirmi? Bizim yanaşmamızda ərazi problemi deyil. Artsax məsələsi – hüquqi məsələsidir və əraziyə aidiyyatı yoxdur”, - Paşinyan bildirib.

“MDB-nin 1991-ci il sənədlərinə görə, Azərbaycan və Ermənistan qarşılıqlı surətdə ərazi bütövlüklərini tanıyıblar. Məgər bu, Qarabağ məsələsi yoxdur mənasına  gəlir?” - deyə sual verən Baş nazir indiki Ermənistan hökumətinin Dağlıq Qarabağ probleminin təhrif olunduğunu iddia edərkən, həm də bunu nəzərdə tutduğunu söyləyib.

Ermənistan cəmiyyətinin müəyyən hissəsi və müxalifət Azərbaycanla sərhədlərin demarkasiyası və delimitasiyası prosesinə mənfi yanaşır, bunu Azərbaycanın ərazi bütövlüyünün faktiki olaraq tanınması və Dağlıq Qarabağ məsələsinin sonu kimi dəyərləndirirlər.

Siyasət

Tofiq Yaqublunun döyülməsinə ziyalılar necə reaksiya verdi?

Aytac Məmmədli
2 Dekabr 2021

Açıq mənbələrdən götürülüb

“Tofiqin döyülməsini qınayıram, amma onun aksiyaya çıxması da doğru deyildi” “Toplum TV”-yə danışan hüquq müdafiəçisi Novella Cəfəroğlu Milli Şura üzvü Tofiq Yaqublunun döyülməsinə münasibət bildirərkən belə deyib. Dekabrın 1-də "Saleh Rüstəmliyə azadlıq!" şüarı ilə keçirilən etiraz aksiyası zamanı polis tərəfindən saxlanılan Milli Şuranın və Müsavat Partiyasının funksioneri, keçmiş siyasi məhbus Tofiq Yaqublunun üz nahiyəsində çoxsaylı qançırlar olan fotosu yayılıb. Fotoda T. Yaqublunun göz, üz nahiyəsi və göz qapaqlarında zədələrin olduğu görünür. Tofiq Yaqublu saxlanılarkən onun sifətində həmin izlər olmayıb. Tofiq Yaqublu aksiyada N. Cəfəroğlu hesab edir ki, T. Yaqublu aksiyaya çıxmaqla Saleh Rüstəmlinin işini təzədən əngəlləyib: “Polis Tofiqə bunu etməməli...
Siyasət

Ceyhun Bayramov Entoni Blinken ilə görüşdü

2 Dekabr 2021

Rəsmi səhifə

Azərbaycanın xarici işlər naziri Ceyhun Bayramov ATƏT-in Nazirlər Şurasının Stokholmda keçirilən 28-ci iclası çərçivəsində ABŞ Dövlət katibi Entoni Blinken ilə görüşüb. Bu barədə XİN-dən məlumat verilib. Bildirilir ki, görüşdə tərəflər, ikitərəfli əməkdaşlıq gündəliyi üzrə, o cümlədən iqtisadi, energetika, təhlükəsizlik və digər sahələrdə əməkdaşlığın inkişafı məsələlərini müzakirə ediblər. Görüş zamanı nazir Ceyhun Bayramov qarşı tərəfə 10 noyabr 2020-ci il üçtərəfli bəyanatının imzalanmasından sonra bölgədə mövcud olan vəziyyət, işğaldan azad olunmuş ərazilərdəki dağıntıların miqyası, mina təhlükəsi, sərhəd məntəqəsində gərginliyin səbəbləri, azad olunmuş ərazilərdə həyata keçirilən bərpa və yenidən quruculuq işləri barədə ətraflı məlumat verib. Söhbət zamanı Azərbaycanın enerji sahəsində verdiyi töhfə, həm...
Seçilmiş Videolar