Siyasət

Paşinyandan Azərbaycanla bağlı açıqlamalar: Bu, bizim üçün qırmızı xətdir

14 İyun, 2022
3077

Açıq mənbələrdən götürülüb

Ermənistanın Baş naziri Nikol Paşinyan Qətərə rəsmi səfəri zamanı "Əl-Cəzirə" telekanalına müsahibə verib. 

Jurnalistin Ermənistan ərazisindən keçən və Azərbaycanı Türkiyə ilə birləşdirməli olan “dəhliz”lə bağlı Ermənistanın yanaşmaları və mövqeyi necədir sualına Paşinyan belə cavab verib:

“Bilirsiniz, dəhliz adı verilən formul  bizim üçün qəbuledilməzdir, bu, bizim üçün qırmızı xəttdir, çünki üçtərəfli bəyanata əsasən, yalnız bir dəhliz var, Dağlıq Qarabağı Ermənistanla birləşdirən Laçın dəhlizi. Amma üçtərəfli bəyanatda kommunikasiyaların açılması ilə bağlı daha bir müddəa da var. Mən dəmir yollarını, avtomobil yollarını nəzərdə tuturam və biz hazırıq, əslində biz artıq qarşılıqlı suverenlik və sərhədlərin toxunulmazlığına hörmət prinsipi əsasında regional kommunikasiyaların açılması məsələsini müzakirə edirik”.

"Ümid edirəm ki, biz Dağlıq Qarabağ mövzusuna qayıda biləcəyik"

"Əl-Cəzirə"yə müsahibəsində Paşinyan deyib ki, bu gün Ermənistanla Azərbaycan arasında ən aktual və vacib məsələ Dağlıq Qarabağ məsələsidir. 

Baş nazirin sözlərinə görə, hazırda Azərbaycanla Ermənistan arasında təmaslar var, "mən ümid edirəm ki, yaxın müddətdə biz Dağlıq Qarabağ mövzusuna qayıda biləcəyik". 

Paşinyan bu yaxınlarda Ermənistan və Azərbaycan arasında demarkasiya komissiyasının yaradıldığını xatırladıb: "Bu işin davam etdirilməsi çox vacibdir. Cəmi bir görüş olub, amma biz artıq razılaşmışıq ki, ikinci görüş Rusiyanın paytaxtı Moskvada, üçüncü görüş isə Brüsseldə keçirilsin. Ümidvarıq, beynəlxalq tərəfdaşlarımızın köməyi ilə və əlbəttə,davamlı iş nəticəsində biz sərhədlərimizin delimitasiyasına nail olacağıq”.

https://toplum.tv/siyaset/brusselde-mehsuldar-gorus-yoxsa-evvelki-muddealarin-deqiqlesdirilmesi

Jurnalistin komissiya Dağlıq Qarabağın ərazisinin bütünlüklə Azərbaycana keçməsi barədə qərar qəbul edərsə, Ermənistan tərəfinin mövqeyi necə olacaq sualına isə o, belə cavab verib: “Demarkasiya komissiyasının Dağlıq Qarabağ münaqişəsi ilə heç bir əlaqəsi yoxdur, çünki, dediyim kimi, bizim Azərbaycanla müxtəlif təmas formatlarımız var. Onlardan biri demarkasiya işlərinə aiddir. Sərhəd təhlükəsizliyi məsələsi də çox vacibdir, bu komissiyanın mandatına daxildir, biz bütün sərhəd boyu sabitliyi, təhlükəsizliyi qorumalıyıq. İkinci məsələ Ermənistanla Azərbaycan arasında münasibətlərin normallaşmasıdır. Regional, nəqliyyat və iqtisadi kommunikasiyaların açılması ilə bağlı daha bir kommunikasiya platforması var. Amma təbii ki, regional sülh baxımından da Ermənistanla Azərbaycan arasında ən aktual və vacib məsələ Dağlıq Qarabağ məsələsidir”.

Paşinyan burada Rusiyanın üçtərəfli bəyanatın müddəalarının təminatçısı kimi rolunun vacibliyini vurğulayıb, Rusiya Federasiyasının Ermənistanın strateji tərəfdaşı və müttəfiqi olduğunu, eyni zamanda Azərbaycana çox yaxın olduğunu qeyd edib.

Ermənistan-Türkiyə münasibətləri

Baş nazir Ermənistan-Türkiyə münasibətlərinin normallaşması prosesinə toxunaraq, diplomatik münasibətlər qurmağa və Ermənistanla Türkiyə arasında sərhədi açmağa nail olacaqlarına ümid etdiyini bildirib.

https://toplum.tv/siyaset/avropa-birliyi-azerbaycan-da-ermenistan-da-ohdelik-goturub

“Ankara ilə Yerevan arasında münasibətləri necə həll etmək olar” sualına Paşinyan belə cavab verib: “Biz Ermənistan və Türkiyənin xüsusi nümayəndələri vasitəsilə dialoqa başlamışıq. Dialoqun özü artıq müsbət faktdır, amma biz real nəticələr əldə etməyə ümid edirik”.

Türkiyə ilə qarşılıqlı səfərlər barədə söhbətin olub-olmadığı sualına isə Paşinyan cavab verib ki, Ermənistanla Türkiyə arasında dialoq başlayandan sonra birbaşa aviareyslər açılıb, amma bu, əvvəllər də olub. O, diplomatik münasibətlər qurmağa və Ermənistanla Türkiyə arasında 30 ildir bağlı olan sərhədi açmağa nail olacaqlarına ümid etdiyini bildirib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Naxçıvanın iqtisadiyyat naziri vəzifəsindən azad olunub 

8 Dekabr 2023

Açıq mənbələrdən götürülüb

Naxçıvan Muxtar Respublikasının iqtisadiyyat naziri Tapdıq Vaqif oğlu Əliyev vəzifəsindən azad edilib. Toplum TV APA-ya istinadən xəbər verir ki, bu barədə dekabrın 8-də Naxçıvan Muxtar Respublikası Ali Məclisi sədrinin müavini Anar İbrahimov sərəncam imzalayıb. https://toplum.tv/sosial/pprezidentin-serencami-naxccedilivanda-neyi-deyisecek-nbspp Tapdıq Əliyev 2019-cü ilin mayın 14-də NMR Ali Məclisinin keçmiş sədri Vasif Talıbovun Fərmanı ilə bu vəzifəyə təyin edilmişdi.
Siyasət

İlham Əliyev Ermənistanla verilmiş birgə bəyanatdan danışıb

Toplum TV
8 Dekabr 2023

President.az

Dekabrın 8-də Prezident İlham Əliyev Avropa Şurasının Baş katibi Mariya Peyçinoviç Buriçi qəbul edib. Toplum TV xəbər verir ki, görüşdə bir sıra məsələlərə, həmçinin Azərbaycanla Ermənistan arasında sülh quruculuğu prosesinə toxunulub.  Buriç xüsusilə Azərbaycan Prezidentinin Administrasiyası və Ermənistan Respublikası baş nazirinin Aparatı arasında qəbul olunmuş birgə bəyanatı alqışladıqlarını bildirib, Avropa Şurasının iki ölkə arasında etimad quruculuğu proseslərinə töhfə verməyə hazır olduğunu vurğulayıb. https://toplum.tv/siyaset/presmi-moskva-azerbaycanla-ermenistan-arasindaki-razilasmaya-muumlnasibet-bildiribp Öz növbəsində İlham Əliyev qeyd edib ki, sözügedən birgə bəyanat qarşılıqlı sülh gündəliyinin irəli aparılması və iki ölkə arasında münasibətlərin normallaşdırılması üçün qarşılıqlı siyasi iradənin bir daha nümayişidir. Prezident həmçinin vurğulayıb ki, Avropa Şurası da iki ölkə...

Seçilmiş Videolar

Toplum TV loqo