Siyasət

AXCP-nin aksiyasında 52 nəfərin saxlanıldığı bildirilir

31 Mart, 2023
278

Açıq mənbələrdən götürülüb

AXCP-nin aksiyası

Həbsdə olan AXCP üzvü Əlizamin Salayevə azadlıq tələbi ilə martın 30-da Ədliyyə Nazirliyinin binası qarşısında keçirilən etiraz aksiyasında 52 nəfər saxlanılıb. 

Toplum TV xəbər verir ki, bu barədə AXCP Rəyasət Heyətinin üzvü İlham Hüseyn məlumat verib. 

Onun sözlərinə görə, saxlanılan aksiya iştirakçılarından Elvin Əliyev, Kənan İbrahimli və Cavid Zülfüqarlı 50 manat məbləğində cərimə olunaraq sərbəst buraxılıb. 

İnzibati Xətalar Məcəlləsinin 510 və 535.1-ci maddələrinə əsasən məhkəmə qarşısına çıxarılan AXCP üzvləri Şəhladar İsgəndərli 25, Ceyhun Novruzov isə 30 sutka inzibati həbs cəzası alıb. 

"Müdafiə Xətti"-nin hüquq müdafiəçilərindən Zəfər Əhmədovun sözlərinə görə, aksiya iştirakçıları arasında xəsarət alanlar da var. 

O bildirib ki, polis əməkdaşları da aksiyanı işıqlandıran jurnalistlərin peşə fəaliyyətini yerinə yetirməsinə mane olub.

Jurnalist Nurlan Cəfəri də aksiyada saxlanılanlar arasındadır. 

Daxili İşlər Nazirliyinin sözçüsü Elşad Hacıyev Toplum Tv-yə bildirib ki, jurnalist polis əməkdaşına əl qaldırıb və onların öz xidməti vəzifələrini yerinə yetirməsinə mane olub. 

İnzibati Xətalar Məcəlləsinin 535-ci maddəsilə məhkəmə qarşısına çıxarılan Cəfəri 15 sutka müddətinə həbs edilib.

https://toplum.tv/multimedia/paxcp-nin-aksiyasinda-polis-muumldaxilesip-1

Xatırlatma

Fevralın 8-də Qaradağ Rayon Məhkəməsi Əlizamin Salayevi xuliqanlıq ittihamı ilə həbs edib. Onu 5 ilədək həbs cəzası gözləyir.

Martın 30-da Qaradağ Rayon Məhkəməsi Əlizamin Salayevin ev dustaqlığına buraxılması barədə vəsatəti təmin etməyib. Salayev azad edilməsi tələbilə 52 gündür ki, aclıq aksiyası keçirir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo