Bəxtiyar Hacıyevə görə elan olunan aksiyada saxlanılanlar var. 

Bu gün “Müdafiə Xətti” hüquq müdafiə təşkilatı ictimai fəal Bəxtiyar Hacıyevin azadlığa buraxılması tələbi ilə aksiya keçirib. 

Aksiyada və aksiyadan bir neçə saat əvvəl Azərbaycan Xalq Cəbhəsi (AXCP), Azərbaycan Demokratiya və Rifah (ADR), "Müsavat" Partiyası, D18 Hərəkatının üzvlərindən bir neçəsinin, bəzi ictimai fəalların və hüquq müdafiəçilərinin saxlanıldığı bildirilir. 

İndiyədək saxlanılanların siyahısını təqdim edirik: 

1. Faiq Nağıyev (AXCP üzvü)
2. Tofiq Məmmədov (AXCP üzvü )
3. Emil Manıyev (Reportyor)
4. Hüseyn Məlik (ADR üzvü)
5. Afiəddin Məmmədov (D18 Hərəkatının üzvü)
6. Samir Sultanov  (D18 Hərəkatının üzvü )
7. Gülnarə Rahimova (AXCP üzvü )
8. Elşən Məmmədov (AXCP üzvü )
9. Ceyhun Novruzov (AXCP üzvü)
10. Saqif Qurbanov (AXCP üzvü )
11. Elxan Əliyev (AXCP üzvü )
12. Zamin Salayev (AXCP üzvü)
13. Babək Həsənov (AXCP üzvü)
14. Arifə Cəfərova (AXCP üzvü) 
15. Bəhram Bəhram (AXCP üzvü)
16. Mehman Həbibov (AXCP üzvü)
17. Rövşən Məmmədov (AXCP üzvü)
18. Dilarə Miriyeva (ADR üzvü )
19. Zəfər Əhmədov (hüquq müdafiəçisi)
20. Asif Yusifli (AXCP üzvü)
21. Rüfət Səfərov (hüquq müdafiəçisi)
22. Zaur Əkbər (hüquq müdafiəçisi)
23. Anar Ərkivan (AXCP üzvü)
24. Rail Abbasov (ictimai fəal)
25. Arzulla Bulud  (Müsavat Partiyasının üzvü)
26. Ayxan Hacıbəyli  (Müsavat Partiyasının üzvü)
27. Nata Katamadze  (AXCP üzvü)
28. Tünzalə Əmirova (AXCP üzvü)
30. Mətanət Turan  (AXCP üzvü)
31. Fariz Əlizadə (AXCP üzvü)
32. Səyyad Quliyev ( AXCP üzvü)
33.  Ağababa Cəfərov (AXCP üzvü)
34. Tofiq Yaqublu (Müsavat, Milli Şura üzvü)
35. İlkin Rüstəmzadə (ictimai fəal)
36. Elmira Ehtibarova (AXCP üzvü)
37. Almaz Səfərova (AXCP üzvü)
38. Farid Imanov (ictimai fəal)
39. Afaq Cəfərova (AXCP üzvü)
40. Ramiz Cəfərov (AXCP üzvü)
41. Elnur Quliyev (AXCP üzvü)
42. Rövşən Səfərov (AXCP üzvü)
43. Hikmət İsayev (AXCP üzvü)
44. Müşfiq İmamquliyev (AXCP üzvü)

Bir neçə gün əvvəl “Müdafiə Xətti” hüquq müdafiə təşkilatı B. Hacıyevin azadlığa buraxılması tələbi ilə aksiya keçirəcəklərini bildirmişdi.

Təşkilatın aksiya ilə bağlı elanına Bakı Şəhər İcra Hakimiyyəti Aparatından müsbət cavab verilməmişdi.

Dekabrın 22-də Daxili İşlər Nazirliyinin (DİN) Mətbuat Xidmətinin rəisi Ehsan Zahidov jurnalistlərə bildirmişdi ki, aidiyyəti dövlət qurumları ilə razılaşdırılmamış hər hansı aksiyanın keçirilməsinə cəhd edilərsə, bu, qanunsuz hesab olunacaq və qarşısının alınması üçün müvafiq tədbirlər görüləcək.

https://toplum.tv/multimedia/pbextiyar-haciyevin-apellyasiya-sikayeti-uumlccediluumlncuuml-defe-de-temin-olunmadip

Dekabrın 9-da ictimai fəal Bəxtiyar Hacıyev barəsində 1 ay 20 gün həbs qətimkan tədbiri seçilib. 

O, Cinayət Məcəlləsinin 221-ci (Xuliqanlıq) və 289-cu (Məhkəməyə hörmətsizlik etmə) maddələri ilə ittiham olunur.

Bəxtiyar Hacıyev məhkəmədə çıxışında irəli sürülən ittihamları qəbul etməyib, siyasi fəaliyyətinə, o cümlədən beynəlxalq forumlarda hakimiyyəti tənqid etdiyinə görə təqib olunduğunu bildirib.

İctimai fəal qanunsuz həbsinə etiraz olaraq, 9 gündür ki, aclıq aksiyası keçirir.