Siyasət

KİV: İranın "Səhər" kanalı səfirliyə hücum edən şəxsdən müsahibə alıb

27 Yanvar, 2023
304

Sosial Media

Toplum TV - Səhər telekanalı

İranın "Səhər" telekanalı Azərbaycanın Tehrandakı səfirliyinə hücum etmiş şəxsdən müsahibə alıb. 

Toplum TV xəbər verir ki, bu barədə Azərbaycan və İranın teleqram kanallarında məlumat  yayılıb. 

Müsahibənin nə vaxt baş tutduğu açıqlanmayıb. 

İranın Azərbaycan dilində fəaliyyət göstərən "Səhər" telekanalı Azərbaycan Respublikası əleyhinə fəaliyyəti ilə tanınır. Vaxtaşırı bu telekanal rəsmi Bakını kəskin tənqid edən sujetləriylə gündəmə gəlir. 

Mətbuatda yayılan iddialara görə, Azərbaycan səfirliyinə hücum edən şəxsin adı Yasin Hüseynzadədir. 

https://toplum.tv/siyaset/ptehran-israr-edir-sefirliye-huumlcum-quotsexsi-zemindequot-bas-veribp

Azərbaycanın Tehrandakı səfirliyinə hücum yanvarın 27-si səhər saat 8.30 radələrində baş verib.

Silahlı şəxs mühafizə postunu yararaq səfirliyə daxil olub. O, səfirliyin mühafizə xidmətinin rəhbərini qətlə yetirib, daha iki nəfəri isə yaralayıb. 

İranın xarici işlər naziri Hüseyn Əmir Abdullahiyan və daxili işlər naziri Əhməd Vahidi Azərbaycan səfirliyinə hücumun şəxsi zəmində baş verdiyini açıqlayıb. 

Tehran polisininin məlumatına görə, səfirliyə hücum edən şəxs iki azyaşlı uşağı ilə səfirliyə girib.

“İlkin araşdırmalar göstərir ki, sui-qəsdçinin motivi şəxsi və ailə problemləri ilə əlaqədar olub", - deyə polis rəisi bildirib.

Bununla belə, Azərbaycan səfirliyinin müşahidə kamerasındakı video görüntülər sui-qəsdçinin səfirliyə iki uşaqla deyil, tək gəldiyini göstərib. Azərbaycan XİN də hücumun şəxsi zəmində baş verdiyi barədə iddiaları əsassız adlandırıb və hücumla bağlı bütün məsuliyyətin İran tərəfinin üzərinə düşdüyünü bildirib. 

Prezident İlham Əliyev səfirliyə edilən hücumu terror adlandırıb və bunu qəbuledilməz adlandırıb. "Terrorçuların cəzalandırılmasını tələb edirik", - deyə o, açıqlamasında vurğulayıb. 

Hadisə barəsində Azərbaycan Dövlət Təhlükəsizliyi Xidmətində cinayət işi başlanılıb. 

ABŞ, Böyük Britaniya, İsrail, Ukrayna, Rusiya, Türkiyə və digər ölkələr Azərbaycanın İrandakı səfirliyinə hücumu pisləyiblər.  


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo