Siyasət

Polad Həşimovun qardaşı İranın medalını niyə istəmədiklərinə aydınlıq gətirdi

Nigar Səmədli
4 May, 2021
205

Sosial Media

Sosial şəbəkədə İran İslam Respublikasının Azərbaycandakı səlahiyyətli səfiri Seyid Abbas Musəvi və Ayətullah Seyid Əli Xameneyinin Bakıdakı rəsmi nümayəndəsi Seyyid Əli Əkbər Ocaqnejatın general Polad Həşimovun ailəsini ziyarət edərək həyat yoldaşı və övladlarına Qasim Süleymani adına lövhə və medal təqdim etməsi ilə bağlı məlumatlar yayılıb.
 
Daha sonra isə generalın ailəsinin bu medalı qəbul etmədiyi ilə bağlı xəbərlər paylaşılıb. Polad Həşimovun bacısı Kəmalə Həşimova “Feysbuk”un şərh bölməsində medalı şəhidin həyat yoldaşının aldığını, onların isə qəbul etmədiyini yazıb. 

Sosial Media

ABŞ-ın Virciniya ştatında yaşayan güney azərbaycanlı mühacir Elyaz Yekənli məsələ ilə bağlı Polad Həşimovun anası və qardaşı ilə video-söhbət edib.

Söhbət zamanı Polad Həşimovun qardaşı İlham Həşimov baş verən hadisənin təxribat olduğunu deyib: “Bizim xəbərimiz olmadan bu medalı uşaqlara təqdim ediblər. Mənim, anamın və bacımın məsələdən xəbərimiz olmayıb. Bu, qurma işdir. Bir neçə ay öncə bənzər bir hadisə olmuşdu. Mən onunla bağlı müvafiq qurumlara şikayət etmişdim ki, bu hadisənin qarşısını alsınlar. Lakin qurum belə bir səlahiyyətinin olmadığını bildirmişdi. Hazırda isə bunun fəsadlarını yaşayırıq. Bu, İran kəşfiyyatının buradakı səfirliyinin əli ilə törədilmiş təxribatdır”.

İlham Həşimov medalı qəbul etməməsinin səbəbini İranın Qarabağ müharibələrində tutduğu mövqe ilə izah edib: "Biz həm 90-cı illərdə, həm də indiki müharibədə İranın hansı mövqedə olduğunu bilirik. Onsuz da aidiyyatı qurumlara bir gün vaxt vermişik ki, məsələni aydınlaşdırsınlar".

Siyasət

Diaspor Komitəsi Gürcüstan azərbaycanlılarına çağırış etdi

17 May 2021

Sosial Media

Diasporla İş üzrə Dövlət Komitəsi Gürcüstanın Dmanisi şəhərindəki hadisələrlə əlaqədar olaraq bu ölkədə yaşayan azərbaycanlılara çağırış edib. Komitədən mayın 17-də verilən məlumatda bildirilir:  "Mayın 16-da saat 17.00 radələrində Gürcüstanın Dmanisi rayonunun “9 aprel” küçəsində bir qrup şəxsin azərbaycanlı sahibkar Qəşəm Şamilova məxsus mağazanın qarşısına gələrək, ona, eləcə də mağazanın qarşısındakı azərbaycanlı gənclərə hücum etmələri nəticəsində kütləvi dava baş verib. Hadisə zamanı bir neçə nəfər ciddi xəsarət alıb, insident iştirakçılarından 8 nəfəri Gürcüstanın hüquq-mühafizə orqanlarıtərəfindən saxlanılıb. Dövlət Komitəsi insidentdən dərhal sonra hadisəyə reaksiya verərək, soydaşlarımızla əlaqə saxlayıb. Hadisənin hücum edən qrupdan olan bir neçə şəxsin mağazadan aldıqları məhsulun pulunu ödəmək istəməməsi...
Siyasət

Ermənistan-Azərbaycan sərhədində nə baş verir?

Nigar Səmədli
17 May 2021

Sosial Media

Hərbi ekspert: “Azərbaycan Zəngəzurda əvvəlki xəritəyə əsasən irəliləyib” “Qaragöl ərazisi ilə bağlı 1960 və 1980-ci illərdə qərar qəbul olunan qərara görə, buradakı göl susuzluq səbəbilə Ermənistana verilib. Düşünürəm ki, Azərbaycan ordusu bu qərar verilmədən öncəki xəritəyə əsasən, irəliləyib”. Bunu “Toplum TV”-yə hərbi ekspert Telman Əbilov deyib.  Ermənistan Müdafiə Nazirliyinin mayın 16-da yaydığı məlumata görə, Azərbaycan Silahlı Qüvvələrinin bölmələri hələ də Ermənistan-Azərbaycan sərhədindəki Syunik və Geqarkunik bölgələrindədir.  Eyni zamanda bildirilir ki, mayın 15-də Azərbaycan tərəfi həmin ərazidə mühəndis işləri keçirməyə çalışsa da, qarşısı alınıb. Ermənistan tərəfi mayın 12-də 240-250 nəfərlik Azərbaycan hərbçilərinin sərhədi pozaraq Syunik bölgəsinə 3,5 km irəlilədiyini, daha sonra...
Seçilmiş Videolar