"Azərbaycan Bakı-Xankəndi dialoqunu pozmaq üçün hər şeyi edir". 

Toplum TV "Novosti-Armeniya"-ya istinadən xəbər verir ki, bunu Ermənistanın Baş naziri Nikol Paşinyan martın 16-da hökumətin iclasında deyib.

Onun sözlərinə görə, rəsmi Bakı beynəlxalq səviyyədə əldə olunmuş razılaşmalara zidd olaraq, iki görüşdən sonra Qarabağ erməniləri ilə reinteqrasiya mövzusunu müzakirə edəcəyini bildirib:

"Beynəlxalq razılaşmalarda isə müzakirənin Dağlıq Qarabağ xalqının hüquqları və təhlükəsizliyi barədə aparılması nəzərdə tutulub.  Bu minvalla Xankəndi-Bakı dialoqu üçün beynəlxalq mexanizminin işə salınması daha da vacib əhəmiyyət kəsb etmiş olur, çünki indi belə mexanizm olmazsa, gündəmin iflasa uğrayacağı  göz qabağındadır”.

https://toplum.tv/siyaset/pai-ermenistan-ve-azerbaycani-ldquotarixi-fuumlrsetdenrdquo-yararlanmaga-ccedilagiribp

Paşinyan çıxışında bildirib ki, bununla belə, "müdafiə ordusu Dağlıq Qarabağ xalqının soyqırımının qarşısını alan yeganə mexanizm deyil". Onun sözlərinə görə, Rusiya sülhməramlı kontingentinin də belə funksionallığı var. 

“Rusiya Dağlıq Qarabağın mülki əhalisinin qətliamının mümkünlüyünü rəsmən nəzərə alıb, əhalinin və mülki infrastrukturun təhlükəsizliyinin təminatçısı rolunu öz üzərinə götürüb.

Ümidvarıq, Rusiya Federasiyası yuxarıda göstərilən funksiyanı tam şəkildə yerinə yetirəcək, amma əgər bizim dostumuz və müttəfiqimiz Rusiya Federasiyası bu rolu hər hansı obyektiv səbəbə görə yerinə yetirə bilmirsə, fikrimcə, o, BMT Təhlükəsizlik Şurasına müraciət etməli və kütləvi qırğın təhlükəsi barədə məlumat verməlidir. Dağlıq Qarabağda mülki əhalinin və mülki infrastrukturun dağıdılması və bunun qarşısını almaq üçün Dağlıq Qarabağda, həmçinin Laçın dəhlizində əlavə beynəlxalq mexanizmlərin tətbiqi üçün zərurət var”, - deyə Nikol Paşinyan bildirib.

Paşinyan çıxışında həmçinin qeyd edib ki, Ermənistan Azərbaycandan sülh müqaviləsi ilə bağlı yeni təkliflər alıb. 

“Bununla biz sülh müqavilə layihəsi üzrə müzakirələrin dördüncü mərhələsinə keçdik. Yaxın vaxtlarda hər şeyi müzakirə edib şərhlərimizi təqdim edəcəyik. Biz sülh gündəminə sadiqik və ondan kənara çıxmayacağıq”, - deyə Paşinyan vurğulayıb.