""Artsaxda" yollar açıq deyil, söhbət sadəcə humanitar yardım daşıyan iki yük maşınının keçidindən gedir".

Toplum TV "Novosti-Armeniya"ya istinadən xəbər verir ki, bunu sentyabrın 18-də qondarma "Dağlıq Qarabağ Respublikası prezidentinin müşaviri" David Babayan mətbuata açıqlamasında deyib. 

Azərbaycan rəsmilərinin Ağdam-Xankəndi və Laçın-Xankəndi yolunun humanitar yüklər üçün eyni vaxtda açılması xəbərlərinə münasibət bildirərkən Babayan deyib ki, yolun açılmasından danışmaq düzgün deyil. 

https://toplum.tv/siyaset/phikmet-haciyev-agdam-yolunun-accedililmasi-goumlsterdir-ki-blokada-deyilen-bir-sey-yox-idip

“Biz həm Azərbaycan, həm də Ermənistanın yerli media orqanlarında “yolların açılması” barədə müəyyən spekulyasiyaların başladığını görürük. Yollar açıq deyil. Sadəcə olaraq, Laçın dəhlizində külli miqdarda humanitar yük yığılıb. "Artsax" əhalisi, sözün hərfi mənasında, aclıqdan ölür. "Artsax"a heç olmasa, bir damcı yardım,  ilk növbədə un gətirmək lazım idi. Bərdədə Beynəlxalq Qızıl Xaç Komitəsinin humanitar yükü  dayanmışdı. Maşına İsveçrə, İspan və Rusiya malları, əsasən gigiyena vasitələri və dərmanlar yüklənib. Bu maşının Ağdamdan keçirilməsi ilə bağlı razılıq əldə olunub - sürücü azərbaycanlı deyil, maşın Azərbaycana məxsus deyil, nömrə Azərbaycana məxsus deyil, mal Azərbaycana məxsus deyil. Bu, Qorisdən aclıq çəkən "Artsax"a 20 ton unun daşınmasına icazə verilsin deyə edilib", - Babayan açıqlamasında deyil.

O həmçinin qeyd edib ki, Azərbaycan istehsalı olan heç bir malı qəbul etmirlər. 

"Yol açıq deyil - bir yük maşını Əsgərana Ağdamdan  digəri isə Qorisdən gəlib. Əslində olan budur”, - David Babayan açıqlamasında bildirib.

Xatırladaq ki, sentyabrın 17-də Qarabağın erməni əsilli sakinlərinə humanitar yüklərin çatdırılması üçün Laçın yolu ilə yanaşı, Ağdam-Xankəndi yolundan da istifadə edilməsi barədə razılığın əldə olunduğu barədə məlumat yayılıb.

Bundan sonra BQXK-nın Xankəndi ofisi və Rusiyanın Qarabağdakı sülhməramlı qüvvələrinin komandanlığı arasında humanitar yüklərin Laçın yolu ilə yanaşı, Ağdam-Xankəndi yolu vasitəsilə də çatdırılacağı qeyd olunmuşdu.