Siyasət

Şəhidlər Xiyabanını ziyarət edərkən saxlanılanların sayı 8 nəfərdir

25 Yanvar, 2023
310

20 Yanvar faciəsinin 33-cü ildönümü ilə əlaqədar müxalif siyasi qüvvələrin Şəhidlər Xiyabanını ziyarətindən sonra həbs olunanların sayı 8 nəfərə çatıb.

Onlardan 6-sı Müsəlman Birliyi Hərəkatının (MBH), ikisi isə Azərbaycan Xalq Cəbhəsi Partiyasının (AXCP) üzvləridir.

Adı çəkilən təşkilatlar bu barədə  “Meydan TV”yə məlumat verib.

AXCP-dən bildirilib ki, partiya üzvü Anar Hüseynovun saxlanmasını elə yanvarın 20-də bilirdilər.

Çünki hadisə bir çoxunun gözü qarşısında baş vermiş, hətta videolentə də alınmışdı. Lakin bir sutka ərzində onun yerini öyrənmək mümkün olmamışdı. Bir sutka sonra isə məlum olmuşdu ki, ona 30 sutka inzibati həbs cəzası verilib.

Partiyanın digər üzvü Rövşən Səfərovun tutulması və ona da 30 sutka inzibati həbs cəzası verilməsini isə yanvarın 24-də Anar Hüseynovun vəkili təcridxanada onunla görüşəndə öyrənib:

“Anar Hüseynov vəkilinə bildirib ki, Rövşən Səfərov da inzibati qaydada həbs olunanların saxlandığı təcridxanaya gətirilib. Ona da 30 sutka həbs cəzası verilib. Yəni o vaxta qədər məlum deyildi ki, onu hansı şəraitdə, niyə tutublar”.

AXCP Xətai Təşkilatının üzvü Rövşən Səfərov İnzibati Xətalar Məcəlləsinin 510 (xırda xuliqanlıq) və 535.1 (polisin qanuni tələbinə tabe olmama) maddələrilə ittiham olunaraq, barəsində 30 sutka inzibati həbs qərarı çıxarılıb.

AXCP-dən onu da bildiriblər ki, Rövşən Səfərovun atası Yavər Səfərov 90-cı illərin əvvəllərində Qarabağ döyüşlərində həlak olub. Bakının Nizami rayonundakı küçələrdən biri onun adını daşıyır.

“Rövşən Səfərov Tofiq Yaqubluya dəstək üçün 10 gündən çox aclıq aksiyasında iştirak etmişdi”, – AXCP-dən bildirilib.

Müsəlman Birliyi Hərəkatından bildirilib ki, Şəhidlər Xiyabanını ziyarət etdikdən sonra həbs olunan 6 nəfər təşkilat üzvləri bunlardır: Həsən Abbaszadə, Nizami Əhməd, İmran Məmmədli, Tərlan Seyidov, Rövşən Əliyev və Telman Rəşidov.

Daxili İşlər Nazirliyinin Mətbuat Xidmətindən Meydan TV-nin həbslərlə bağlı sorğusuna cavab olaraq bildirilib ki, yanvarın 20-də Şəhidlər Xiyabanında bir qrup şəxs ziyarətçilər üçün əvvəlcədən təşkil olunmuş növbəlilik prinsipini pozub, orada qarışıqlıq yaratmağa cəhd göstərib. Lakin cəhdin qarşısı alınıb. Tabesizlik göstərənlər isə saxlanılıb.

Yanvarın 20-də Müxalifət nümayəndələrinin 20 Yanvar şəhidlərini ziyarət üçün Xiyabana girişi yubadılmışdı.

Amma Polis günorta saatlarından Şəhidlər Xiyabanında dezenfeksiya aparıldığını əsas gətirərək həm sadə vətəndaşları, həm də müxalifət üzvlərini saatlarla gözlətmişdi.

Azərbaycan Xalq Cəbhəsi Partiyasının sədri Əli Kərimli “Toplum TV” yə açıqlamasında hökumətin qəsdən belə etdiyini bildirmişdi.

“Hakimiyyət insanları burada gözlətməklə bir mesaj vermək istəyir: gəlməyin, biz xoşlanmırıq bu ziyarəti”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Azərbaycan və Ermənistan XİN rəsmiləri Berlində görüşüb

28 Fevral 2024

Rəsmi səhifə

Berlində Azərbaycan və Ermənistan xarici işlər nazirləri Ceyhun Bayramov və Ararat Mirzoyanın rəhbərlik etdiyi nümayəndə heyətlərinin görüşü keçirilib. Toplum TV xəbər verir ki, bu barədə fevralın 28-də Azərbaycan Xarici İşlər Nazirliyinin mətbuat xidməti “X” sosial şəbəkə hesabında məlumat yayıb. “Sülh sazişi layihəsini müzakirə etmək üçün Azərbaycanın xarici işlər naziri Ceyhun Bayramov və Ermənistanın xarici işlər naziri Ararat Mirzoyan arasında görüş  Berlində Federal Xarici İşlər Nazirliyinin Villa Borsiq evində başlayıb”, - məlumatda qeyd olunub. https://toplum.tv/siyaset/pilham-eliyev-makron-ve-borreli-tenqid-edibp Görüş barədə əlavə təfərrüat verilməyib.  Qeyd edək ki, fevralın 17-də Münhen Təhlükəsizlik Konfransında Almaniya kansleri Olaf Şolz, Azərbaycan prezidenti İlham Əliyev və Ermənistanın baş naziri Nikol...
Siyasət

Putin Azərbaycanla müttəfiqlik əlaqələrinin əhəmiyyətindən danışıb

28 Fevral 2024

Rəsmi səhifə

"Rusiya-Azərbaycan əməkdaşlığı xalqlar arasında etimadın və qarşılıqlı anlaşmanın möhkəmlənməsinə böyük töhfə verir".  Toplum TV xəbər verir ki, bunu Rusiya Prezidenti Vladimir Putin 12-ci Rusiya-Azərbaycan regionlararası forumunun iştirakçılarına ünvanladığı təbrik məktubunda deyib. “Regional əməkdaşlıq Rusiya-Azərbaycan strateji tərəfdaşlıq və müttəfiqliyin mühüm tərkib hissəsidir, bu, xalqlarımız arasında etimadın və qarşılıqlı anlaşmanın möhkəmlənməsinə böyük töhfə verir, hər iki ölkə vətəndaşlarının rifahı üçün qarşılıqlı faydalı ticarət, investisiya və humanitar əlaqələrin təşviqi imkanlarını genişləndirir, əməkdaşlığın yaxşılaşdırılmasına şərait yaradır”, - mesajda deyilir. https://toplum.tv/siyaset/pazerbaycan-avropa-surasindan-tamamile-ccedilixa-biler-prezidentp Putinin sözlərinə görə, müntəzəm görüşlər hökumət orqanları, ictimaiyyət, biznes və elmi dairələr arasında ikitərəfli qarşılıqlı fəaliyyətin aktual məsələləri üzrə birbaşa dialoqu təmin edir.  Prezident,...

Seçilmiş Videolar

Toplum TV loqo