Siyasət

Pünhan Kərimli: “Dedilər ki, özün yaxşı bilirsən səni niyə tutmuşuq, sən dövlətə, prezidentə qarşı çıxışlar edirsən”

1 İyun, 2022
2212

Pünhan Kərimli - sosial media

İyunun 1-də Bakı Ağır Cinayətlər Məhkəməsində narkotik maddələrin qanunsuz dövriyyəsində ittiham olunan ictimai fəal Pünhan Kərimlinin məhkəməsi davam edib.

Toplum Tv-nin xəbərinə görə, məhkəmə iclasına hakim Samir Əliyev sədrlik edir.

Məhkəmə iclası başlayan kimi vəkil Cavad Cavadov təqsirləndirilən şəxsin atasının şahid qismində dindirilməsinə dair vəsatət qaldırıb. Vəkil vəsatəti onunla əsaslandırıb ki, Pünhan Kərimli atasıyla birlikdə vergi idarəsindən çıxarkən onun gözü qarşısında həbs edilib. Vəsatətdə Pünhan Kərimlinin saxlandığı ərazidəki müşahidə kamerasının qeydə aldığı görüntülərə məhkəmədə baxış keçirilməsi də yer alıb.

Cavad Cavadov eyni vəsatəti istintaq zamanı və məhkəmə başlayarkən də qaldırdığını, ancaq müstəntiqin onu rədd etdiyini, məhkəmənin hazırlıq iclasındasa vəsatətin baxılmamış saxlanıldığını bildirib. Hakim bu gün də vəsatəti baxılmamış saxlayıb.

Sonra Pünhan Kərimli ifadə verib və ona qarşı irəli sürülmüş ittihamları rədd edib.

Pünhan Kərimli universiteti bitirəndən sonra ictimai-siyasi fəaliyyətlə məşğul olduğunu, 2016-cı ildən AXCP üzvü olduğunu, 2018-ci ildə Almaniyaya siyasi mühacirətə getdiyini və siyasi fəaliyyətini orada davam etdirdiyini deyib.

O, 2021-ci ilin noyabrında Azərbaycana deportasiya edilib.

P.Kərimlinin sözlərinə görə, bu il yanvarın 25-də günorta saat 13 radələrində VÖEN almaq üçün atasıyla birlikdə metronun “Nərimanov” stansiyası yaxınlığındakı Vergilər Departamentinə gedib və oradan çıxıb bir neçə metr irəlilədikdən sonra ona hücum ediblər.

“4 nəfər üstümə cumub, zor tətbiq edərək məni maşına mindirdi. Dedilər ki, adın Əlidir. Dedim ki, mən Əli deyiləm. Soruşdular: “Üstündə silah var?”, cavab verdim ki, yoxdur. Sonra sürücünün yanında oturan dedi: “Adın Pünhandır, özün yaxşı bilirsən səni niyə tutmuşuq, bizi incitmə. Sən dövlətə, prezidentə qarşı çıxışlar edirsən”. Maşında öz gödəkçəmi başıma keçirtdilər, məni döydülər. Nərimanov rayon Polis İdarəsində cibimə narkotik atdılar. Sonra da guya ciblərimi yoxladılar və iki bükümü “tapdılar”. Dedilər ki, bu dövlətin yazılmamış qaydaları var. Məndən əvvəl Mütəllimlə Maliki də eyni qaydada həbs etmişdilər. Dedilər: “Səni də onların gününə qoyarıq”. Mənə psixoloji və fiziki güc tətbiq etdilər”, - Pünhan Kərimli məhkəməyə verdiyi ifadəsində belə söyləyib.

Sonra dövlət ittihamçısı deportasiya edilməsi ilə bağlı suallar verib. Məhkəmə iclası davam edir.

Ötən ilin noyabrında Almaniyadan readmissiya üzrə qayıdan Pünhan Kərimli yanvarın 25-də saxlanılıb. Onun barəsində narkotik maddələrin qanunsuz dövriyyəsi ittihamı irəli sürülüb. İttihama görə, Pünhan Kərimlidən 7,5 qram heroin və 2,5 qram metamfetamin tapılıb. Amma ictimai fəal narkotik maddələrin onun üzərinə polisin qoyduğunu deyib.

Pünhan Kərimli həm ibtidai istintaq zamanı, həm də məhkəmədə bildirib ki, onu siyasi motivlərlə, Azərbaycanda insan hüquqlarının pozulmasına etiraz olaraq Almaniyada keçirilən aksiyalarda iştiraka görə həbs ediblər.

Qeyd edək ki, 2021-ci ilin noyabrında Almaniyadan göndərilmiş daha bir fəal Cəfər Mirzəyev də yanvarın 27-də narkotik maddələrin qanunsuz dövriyyəsi ittihamı ilə saxlanılıb.

Bundan əlavə, Almaniyadan qayıdan daha iki fəal - Mütəllim Orucov və Malik Rzayev ötən ilin payızında həbs edilib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Naxçıvanın iqtisadiyyat naziri vəzifəsindən azad olunub 

8 Dekabr 2023

Açıq mənbələrdən götürülüb

Naxçıvan Muxtar Respublikasının iqtisadiyyat naziri Tapdıq Vaqif oğlu Əliyev vəzifəsindən azad edilib. Toplum TV APA-ya istinadən xəbər verir ki, bu barədə dekabrın 8-də Naxçıvan Muxtar Respublikası Ali Məclisi sədrinin müavini Anar İbrahimov sərəncam imzalayıb. https://toplum.tv/sosial/pprezidentin-serencami-naxccedilivanda-neyi-deyisecek-nbspp Tapdıq Əliyev 2019-cü ilin mayın 14-də NMR Ali Məclisinin keçmiş sədri Vasif Talıbovun Fərmanı ilə bu vəzifəyə təyin edilmişdi.
Siyasət

İlham Əliyev Ermənistanla verilmiş birgə bəyanatdan danışıb

Toplum TV
8 Dekabr 2023

President.az

Dekabrın 8-də Prezident İlham Əliyev Avropa Şurasının Baş katibi Mariya Peyçinoviç Buriçi qəbul edib. Toplum TV xəbər verir ki, görüşdə bir sıra məsələlərə, həmçinin Azərbaycanla Ermənistan arasında sülh quruculuğu prosesinə toxunulub.  Buriç xüsusilə Azərbaycan Prezidentinin Administrasiyası və Ermənistan Respublikası baş nazirinin Aparatı arasında qəbul olunmuş birgə bəyanatı alqışladıqlarını bildirib, Avropa Şurasının iki ölkə arasında etimad quruculuğu proseslərinə töhfə verməyə hazır olduğunu vurğulayıb. https://toplum.tv/siyaset/presmi-moskva-azerbaycanla-ermenistan-arasindaki-razilasmaya-muumlnasibet-bildiribp Öz növbəsində İlham Əliyev qeyd edib ki, sözügedən birgə bəyanat qarşılıqlı sülh gündəliyinin irəli aparılması və iki ölkə arasında münasibətlərin normallaşdırılması üçün qarşılıqlı siyasi iradənin bir daha nümayişidir. Prezident həmçinin vurğulayıb ki, Avropa Şurası da iki ölkə...

Seçilmiş Videolar

Toplum TV loqo