Siyasət

Putin niyə MDB ölkələrinin KTMT-yə üzv olmasını istəyir?

17 May, 2022
1055

Reuters

"Putinin dediklərini dinləməliyik, amma əhəmiyyət verməməliyik”

Azərbaycanın sabiq xarici İşlər naziri Tofiq Zülfüqarov “Toplum TV”yə Kollektiv Təhlükəsizlik Müqaviləsi Təşkilatının (KTMT) mayın 16-da Moskvada keçirilən sammitində Rusiya Prezidentinin çıxışını şərh edərkən belə deyib.
Rusiya Prezidenti Vladimir Putin məlum nitqi zamanı Müstəqil Dövlətlər Birliyinə (MDB) KTMT-də müşahidəçi statusunun verilməsi təklifi ilə çıxış edib.

Bir gün əvvəlsə Belarusun müdafiə naziri Viktor Xrenin bir neçə ildən sonra onlarla ölkənin KTMT-yə qoşulacağını bəyan etmişdi. Hazırda təşkilatın üzvləri Rusiya, Belarus, Qazaxıstan, Ermənistan, Qırğızıstan və Tacikistandır.
Putin saamitdəki çıxışında KTMT-nin payızda birgə hərbi təlimlər planlaşdırdığını da deyib. Onun sözlərinə görə, təlimlərin sayı getdikcə artacaq və onlar Qazaxıstan, Qırğızıstan və Tacikistanda keçiriləcək.
Putinə MDB ölkələrinə KTMT-də müşahidəçi statusunun verilməsi nəyə görə lazımdır?

T.Zülfüqarovun fikrincə, həm MDB, həm də KTMT tarixi baxımdan son dövrlərini yaşayır. O hesab edir ki, indiki məqamda hansısa siyasi addımların atılması propaqanda xarakteri daşıyır və nəticəsiz qalacaq.

“Əvvəl də hərbi təlimlər keçirilib, bu ilk deyil. Rusiyadan əlavə, digər ölkələr təlimlərdə ciddi şəkildə iştirak edib, ancaq onların indiki vəziyyətə real təsiri heç də yüksək deyil.

Xatıratmaq istərdim ki, 2020-ci ildə Ermənistan-Azərbaycan arasındakı müharibədən qabaq da KTMT üzvləri hərbi təlimlər keçirmişdi. Amma zaman göstərdi ki, bunun real siyasi nəticəsi olmadı. Ona görə də ən yaxşı halda bu tip xəbərləri izləməliyik, amma önəm verməməliyik”,- deyə keçmiş nazir şərh edir.

Tofiq Zülfüqarov - açıq mənbədən götürülüb


“Topçubaşov” siyasi analitik mərkəzinin təsisçisi Murad Muradov deyir ki, Putin çox olmayan müttəfiqlərini öz ətrafında birləşdirməklə yükü onların çiyninə qoymaq istəyir. Amma MDB ölkələrində vəziyyət ürəkaçan deyil:

“Qırğızıstan və Tacikistan arasında bir ildir gərginlik yaşanır. Cənubi Qafqazda oxşar vəziyyət hökm sürür, Cənubi Osetiyada referundum məsələsi ortaya çıxıb. Görünür ki, məqsəd MDB üzvü olub, amma KTMT-də olmayan Özbəkistan, Azərbayacan kimi ölkələri təşkilatda daha yaxından iştirak etməyə sürükləməkdir”.

Murad Muradov - Topçubaşov Mərkəzi​​


Ümumiyyətlə, Putinin payıza hərbi təlim planları qurması nə ilə əlaqədardır?


Siyasi şərhçi M.Muradov Putinin payıza plan qurmasını həmin vaxta qədər Ukrayna müharibəsində vəziyyətin kəskin şəkildə Rusiya əleyhinə dəyişməsi ehtimalı ilə izah edir:


“Payıza qədər hərbi, siyasi, iqtisadi təzyiqlər artacaq. Bəlkə də Putin hesab edir ki, Rusiyaya qarşı olan qüvvəllər onun maksimum yayın sonuna, payızın əvvəlinə qədər davam gətirəcəyini düşünürlər. Ukraynaya verilən ağır silahların iyun-iyul aylarında tətbiq ediləcəyi gözlənilir. Eyni zamanda iqtisadi sanksiyalar da öz təsirini göstərməyə başlayacaq, Rusiyanın idxaldan qazandığı gəlirləri kəskin düşəcək. Bu da cəbhədə vəziyyəti Rusiyanın əleyhinə dəyişdirə bilər”.

Siyasi şərhçi Zərdüşt Əlizadə Putinin son təkliflərini bədii şəkildə qiymətləndirib:

“Ayının min oyunu bir armudun üstündədir. Putinin son təklifi də buna uyğundur. Çətin vəziyyətdədir, buna görə də müxtəlif təkliflər edir ki, vəziyyətdən çıxsın. Bu təkliflərə şübhə ilə yanaşmalı və rədd etmək lazımdır”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo