Siyasət

Vasif Talıbov ailəsinə məxsus olduğu deyilən holdinqlə bağlı qərar verildi

5 Yanvar, 2023
157

Açıq mənbələrdən götürülüb

Vasif Talıbov

Vasif Talıbov ailəsinə məxsus olduğu deyilən “Gəmiqaya şirkəti” MMC barəsində 8 protokol tərtib edilib.

APA-nın məlumatına görə, protokolların valyuta tənzimi qaydalarının pozulmasına görə tərtib edildiyi bildirilib. 

Qeyd olunub ki, şirkət İnzibati Xətalar Məcəlləsinin  430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsi üzrə təqsirli bilinir.

Bu inzibati xətaya görə, hüquqi şəxslər inzibati xətanın bilavasitə obyekti olmuş valyuta vəsaitinin 20 faizindən 30 faizinədək məbləğdə cərimə edilir.

Protokollar baxılması üçün adiyyatı üzrə Naxçıvan şəhər Məhkəməsinə göndərilib.

https://toplum.tv/siyaset/pnaxccedilivan-ldquoxanrdquo-getdi-ldquoxanrdquo-geldinbspp-pnbspp

“Gəmiqaya şirkəti”-nin rəsmi saytında verilən məlumata görə, mərkəzi Naxçıvan şəhərində yerləşən qurum, 2008-ci ilin dekabr ayında təsis edilib. Hazırda 14 şirkəti özündə birləşdirən “Gəmiqaya Holdinq” Azərbaycanda və digər ölkələrdə tikinti, sənaye, qida, ticarət və aqrar sahələrində fəaliyyət göstərir.

APA bildirir ki, Vasif Talıbovun oğlu Rza Talıbov uzun müddət “Gəmiqaya” Holdinqin prezidenti olub. O həmçinin Dövlət Miqrasiya Xidmətində idarə rəisi vəzifəsində çalışır. Bir müddət əvvəl onun vəzifədən azad olunması ilə bağlı xəbərlər yayılsa da, xəbər rəsmi təsdiqini tapmayıb. 

Naxçıvan Muxtar Respublikası (NMR) Ali Məclisinin sabiq sədri Vasif Talıbov ötən ay vəzifəsindən istefa verib. 

Bir müddət sonra onun qardaşı Məhərrəm Talıbov da Naxçıvan Muxtar Respublikası prokurorunun müavini vəzifəsindən azad olunub. 

Vasif Talıbov vəzifəsindən azad ediləndən sonra Naxçıvanda Azərbaycan Prezidentinin səlahiyyətli nümayəndəliyi təsis edilib. Prezident İlham Əliyevin sərəncamıyla Fuad Nəcəfli xüsusi nümayəndə kimi Naxçıvana göndərilib. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Naxçıvanın prokuroru vəzifəsindən azad edildi

31 Yanvar 2023

Açıq mənbələrdən götürülüb

Səbuhi Zəhmət oğlu Şahverdiyev Naxçıvan Muxtar Respublikasının prokuroru vəzifəsindən azad edilib. toplum TV xəbər verir ki, bu barədə yanvarın 31-də Prezident İlham Əliyev Sərəncam imzalayıb. Sərəncam imzalandığı gündən qüvvəyə minib. https://toplum.tv/siyaset/naxcivanin-dovlet-gomruk-komitesi-legv-edildi Xatırlatma Naxçıvan Muxtar Respublikası Ali Məclisinin sabiq sədri Vasif Talıbov ötən ilin noyabr ayında vəzifəsindən istefa verib. Bir müddət sonra onun qardaşı Məhərrəm Talıbov Naxçıvan Muxtar Respublikası prokurorunun müavini vəzifəsini itirib. Həmçinin Vasif Talıbovun digər ailə üzvləri də vəzifələrindən azad olunublar.  Vasif Talıbov vəzifəsindən azad ediləndən sonra Naxçıvanda Azərbaycan Prezidentinin səlahiyyətli nümayəndəliyi təsis edilib. Prezident İlham Əliyevin sərəncamıyla Fuad Nəcəfli xüsusi nümayəndə kimi Naxçıvana göndərilib. Vasif Talıbov vəzifədən gedəndən...
Siyasət

Ermənistan KİV: Vardanyan və Arutunyan arasındakı ixtilaf dərinləşir

Toplum TV
31 Yanvar 2023

Açıq mənbələrdən götürülüb

Ermənistanın “Hraparak” nəşri Qarabağ separatçılarının “dövlət naziri” Ruben Vardanyan ilə qondarma "respublikanın prezidenti” Arayik Arutunyan arasında yeni ziddiyyətlər barədə məlumat yayıb. Toplum TV bildirir ki, “Hraparak” Vardanyanın və Arutunyanın Qarabağdakı erməni əhalisi ilə görüşlərinə diqqət çəkib.  https://toplum.tv/siyaset/pvardanyan-ermenistan-rehberliyinden-narazidirp Bildirilir ki, Vardanyanın Martuni rayonunun bir sıra kəndlərinin sakinləri ilə görüşüb. Görüş zamanı, o, Laçın yolundakı blokadanın mart-aprel aylarına qədər davam edəcəyini bəyan edib. Vardanyan deyib ki, qar əriməyə başlayanda su və işıq problemi olmayacaq. Eyni zamanda o, Azərbaycanla yeni müharibənin mümkünlüyünü də istisna etməyib. “Hraparak” yazır ki, eyni vaxtda, bazar günü Arayik Arutunyan Qarabağ sakinləri ilə qapalı görüş keçirib. Görüş zamanı o...

Seçilmiş Videolar

Toplum TV loqo