Siyasət

XİN: “Aİ missiyası Yerevanın öhdəlikləri yerinə yetirməkdən yayınmasına bəhanə olub”

24 Yanvar, 2023
60

Avropa İttifaqının monitorinq missiyasının Ermənistanda yerləşdirilməsi “Azərbaycanın qanuni maraqlarını nəzərə almalı və qarşılıqlı etimadı sarsıtmamalıdır”.

Toplum TV xəbər verir ki, bu barədə Azərbaycan Xarici İşlər Nazirliyinin Avropa İttifaqı Şurasının Ermənistanla sərhədə müşahidəçilər missiyasının göndərilməsi haqqında qərarı ilə bağlı şərhində deyilir.

Ötən il oktyabrın 6-da Praqada Azərbaycan, Ermənistan, Fransa liderləri və Aİ Şurasının rəhbərinin görüşü zamanı əldə olunmuş razılaşmadan sonra Avropa İttifaqının müşahidəçiləri Azərbaycanla sərhəddə monitorinqə başlayıb.

XİN bildirir ki, Azərbaycan vəziyyətin normallaşması prosesinə töhfə verəcəyinə inanaraq bu missiya ilə razılaşıb, amma Aİ-yə üzv bir sıra dövlətlərin qərəzli mövqeyindən sonra monitorinq missiyasının fəaliyyəti “Praqa razılaşmasına zidd” olmağa başlayıb.

Şərhdə deyilir ki, Avropa İttifaqının Ermənistandakı monitorinq missiyasının fəaliyyəti Ermənistanın bütün sahələrdə münasibətlərin normallaşması prosesini “relsdən çıxarmaq” cəhdlərinin intensivləşməsi ilə üst-üstə düşüb: “Bu, Aİ missiyasının gözləntilərini və regionda vəziyyətin normallaşması perspektivlərini sarsıdıb”.

Bakı Aİ nümayəndələrinin diqqətinə çatdırır ki, Aİ missiyasının Ermənistanda fəaliyyət göstərməsi Yerevanın öz öhdəliklərini yerinə yetirməkdən yayınması üçün bəhanə olub.

Azərbaycan Xarici İşlər Nazirliyinin şərhində deyilir ki, Aİ missiyasından Bakı və Yerevan arasında mövcud dialoq mexanizmlərinə qarşı istifadə etmək cəhdləri “təhlükəlidir və edilməməlidir”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Gültəkin Hacıbəyliyə bəraət verildi

1 Fevral 2023

Sosial Media

Bu gün, fevralın 1-də Gültəkin Hacıbəyliyə qarşı qaldırılan xüsusi ittiham üzrə cinayət təqibinə bəraət verilib.  Toplum TV xəbər verir ki, bu barədə vəkil Aqil Layic sosial media hesabında məlumat verib.  Bəraət qərarını Nəsimi Rayon Məhkəməsi çıxarıb.  https://toplum.tv/siyaset/gultekin-hacibeylinin-oglunun-olkeden-cixisina-qadaga-goturulub Keçmiş deputat, Milli Şuranın Koordinasiya Mərkəzinin üzvü Gültəkin Hacıbəyli ötən ilin noyabrında xüsusi ittiham qaydasında məhkəməyə verilmişdi.  Leyla Arif adlı şəxs Nəsimi Rayon Məhkəməsinə müraciət edərək Gültəkin Hacıbəylinin sosial şəbəkə ona böhtan atdığını bildirmişdi.   Bundan sonra Gültəkin Hacıbəyli barəsində Cinayət Məcəlləsinin 147.2-ci (Ağır və ya xüsusilə ağır cinayətdə ittiham etməklə böhtan atma) maddəsi ilə cinayət işi başlanılmışdı. 
Siyasət

KİV: Türkiyə-Naxçıvan sərhədi açılıb

1 Fevral 2023

Açıq mənbələrdən götürülüb

Türkiyə-Naxçıvan sərhədindəki “Dilucu” buraxılış məntəqəsi açılıb. Toplum TV xəbər verir ki, bu barədə fevralın 1-də APA məlumat yayıb.  Qeyd olunub ki, Türkiyənin Naxçıvandakı Baş Konsulluğu faktı təsdiqləyib. Konsulluğun nümayəndəsi Dursun Gülün sözlərinə görə, Naxçıvan qeydiyyatında olan şəxslər ayda 2 dəfə olmaqla öz avtomobilləri ilə gömrüyü keçə bilərlər. https://toplum.tv/multimedia/hokumetin-demir-serhed-siyaseti-quru-serhedler-niye-acilmir Xatırlatma Azərbaycan 2020-ci ilin martında Covid-19 virusu yayılarkən pandemiyanın qarşısının alınması məqsədilə ölkə sərhədlərini gediş-gəliş üçün bağlamışdı.  Pandemiya davam edən zaman Azərbaycan hökuməti Naxçıvan üzərindən sərhədin açılmasına qərar vermiş, lakin bir müddət sonra sərhəd yenidən bağlanmışdı.  Hazırda Türkiyə istisna olmaqla, Azərbaycanın digər qonşu ölkələrlə quru sərhədləri bağlıdır.  

Seçilmiş Videolar

Toplum TV loqo