Siyasət

Qaribaşvilinin Bakıya səfəri: ekspertlər nə düşünür? 

Şahbala Şahbaladov
8 May, 2021
1972

President.az

“Gürcülər Keşikçidağ monastırına iddialarından əl çəkmirlər, amma burada Azərbaycanın da maraqları nəzərə alınmalıdır”. 

Bunu siyasi şərhçi Elxan Şahinoğlu “Toplum TV”-yə Qaribaşvilinin Bakıya səfərini şərh edərkən deyib. 

Mayın 5-də İlham Əliyev Azərbaycanda səfərdə olan Gürcüstanın Baş naziri İrakli Qaribaşvili ilə görüşündə iki ölkə arasındaki tarixə dayanan dostluq əlaqələrindən, investisiyalardan və buna bənzər strateji tərəfdaşlıqdan danışıblar. 

Elxan Şahinoğlu - Sosial Media

Elxan Şahinoğlu deyir ki, iki ölkə arasında sıx siyasi-iqtisadi əlaqələr olsa da, Qaribaşvilinin səfəri ümumi mesajlarla başa çatıb, sərhədlərlə bağlı konkret nəsə deyilməyib: "Çox güman ki, Qaribaşvili sərhədlərin müəyyənləşdirilməsi üçün Bakıya səfər edib. Böyük ehtimal qapalı görüşdə əməkdaşlıq məsələləri də müzakirə edilib. Lakin mətbuat konfransında Gürcüstan sərhədlərinin müəyyənləşdirilməsi prosesinin sürətləndirilməsi vurğulanıb. Biz bunun əleyhinə deyilik, amma burada Azərbaycanın da maraqları nəzərə alınmalıdır, çünkü onlar Keşikçidağ monastırı iddialarından əl çəkmirlər, bizim isə öz milli maraqlarımız var. Gürcüstan tərəfdaş dövlətdir, bu məsələni müəyyənləşdirməliyik, amma tələsmək də lazım deyil. Bu sərhədlərin böyük hissəsi müəyyənləşib, qalan kiçik bir hissəyə isə gürcüstanın müəyyən iddiaları var. Bu kiçik hissənin müəyyən edilməsi üçün danışıqlar davam etməlidir, qısa müddətdə həll edə ebilmərik”.

Azər Qasımlı: “Gürcüstan Azərbaycan üçün Avropaya açılan qapıdır"

Politoloq Azər Qasımlı isə hesab edir ki, Keşikçidağ məbədi Gürcüstan tarixinə və dininə aiddir: “Bunu Azərbaycanda hamı qəbul edir. Eyni zamanda da, bu abidənin Azərbaycan ərazisində yerləşdiyi və Gürcüstana verilməyəcəyi də hamıya məlumdur. Sadəcə, Gürcüstan vətəndaşları və din xadimləri üçün monastırı ziyarət, öz dini etiqatına uyğun olaraq ibadət etmək üçün şərait yaradılmalıdır. Onlar ziyarətlərini rahatlıqla edə bilməlidirlər”.

Azər Qasımlı - Sosial Media

Görüşü şərh edən politoloq ehtimal edir ki, səfər zamanı Gürcüstanın Baş naziri Azərbaycandan hansısa maliyyə dəstəyi istəyə bilər: “Pandemiya dönəmində Gürcüstan iqtisadiyyatında da müəyyən problemləri oldu, amma Azərbaycanın hələki neft fondu və müəyyən rezevrləri, imkanları var. İkinci məsələ isə Qafqaz bölgəsində olan vəziyyət, Rusiyanın bu proseslərə münasibəti, Qarabağ münaqişəsindən sonra Qarabağda yerləşməsi və regionun təhlükəsizliyi mövzuları müzakirə oluna bilərdi. Eyni zamanda ola bilsin ki, Gürcüstan və Azərbaycan arasında ictimaiyyətin xəbərdar olmadığı yeni layihələr müzakirə olunub”. 

Azər Qasımlı Gürcüstanın Azərbaycan üçün əhəmiyyətli ölkə olduğunu düşünür: “Əgər 10 noyabr razılaşmasına əsasən Zəngəzur dəhlizi yaradılarsa belə, bəyanatda bu dəhlizə rus əsgərlərinin nəzarət edəcəyi açıq şəkildə yazılıb. Bu da hesab edirəm ki, bizim istəklərimiz çərçivəsində deyil. Əgər belə bir komunikasiya olacaqsa, tam sərbəst olmalıdır. Ruslar nəzarət edəcəksə, orda rüşvət, kobud davranışlar və buna bənzər problemlər yaşanacaq. Ona görə də düşünərəm ki, Gürcüstan Azərbaycan üçün hər zaman əhəmiyyətli idi və belə də qalacaq. Yaxşı olar ki, Gürcüstan Rusiyanın tərsiri altına düşməsin, hər zaman azad qalsın. Ümumiyyətlə, hesab edirəm ki, Gürcüstan Azərbaycan üçün Avropaya açılan qapıdır.  Azərbaycan istəyər ki, bu qapı hər zaman açıq qalsın və bunun sayəsində biz Avropaya yaxınlaşa bilək”.

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

İlham Əliyev: Biz Türkiyədəki bərpa işlərinə də qoşulmağa hazırıq 

8 Fevral 2023

President.az

Azərbaycan Prezidenti İlham Əliyev fevralın 8-də Türkiyə səfirliyində olub, Türkiyədə baş vermiş zəlzələ nəticəsində çox sayda insanın həlak olması ilə əlaqədar başsağlığı verib. Toplum TV xəbər verir ki, bu barədə Prezidentin rəsmi saytı xəbər verib.  Bildirilib ki, Prezident İlham Əliyev matəm kitabına ürək sözlərini yazıb, ardınca da səfir Cahit Bağçı ilə söhbət edib.  "Bilirsiniz ki, Azərbaycan hər zaman olduğu kimi, ilk dəqiqələrdən, ilk saatlardan qardaş Türkiyənin yanında idi və öz dəstəyimizi, öz həmrəyliyimizi həmişə olduğu kimi nümayiş etdirmişik. Əgər bu acı faciənin fəsadlarının aradan qaldırılmasına bir balaca kömək edə bilmişiksə, bunu özümüz üçün şərəf bilirik. Hər zaman Türkiyə də bizim...
Siyasət

Mirzoyan: Azərbaycanla bəzi məsələlərdə mövqelərimiz yaxınlaşıb

Toplum TV
8 Fevral 2023

Açıq mənbələrdən götürülüb

“Azərbaycanla bəzi məsələlərdə mövqelərimizi yaxınlaşdıra bilmişik. Amma erməni tərəfinin özünün fundamental məsələləri var və bunlar məlumdur”. Toplum TV xəbər verir ki, bu sözləri fevralın 8-də Ermənistanın xarici işlər naziri Ararat Mirzoyan xorvatiyalı həmkarı Qordan Qriç Radmanla keçirdiyi mətbuat konfransında deyib. O həmçinin qeyd edib ki, Moskvada Ceyhun Bayramov və Sergey Lavrovla görüşməyə hazırdır: “Biz xarici işlər nazirlərinin Moskva görüşünü ləğv etməmişik, təxirə salmışıq. Münasib vaxtda bu görüşdən istifadə edəcəyik”. https://toplum.tv/siyaset/pmoskva-quotqarabagdaki-rus-suumllhmeramlilarina-bmt-mandati-lazim-deyilquotp XİN başçısı regionda yeni eskalasiya ehtimalının da olduğunu bildirib:  "Ermənistanın bütün cəhdlərinə baxmayaraq, regionda vəziyyət kövrək və gərgin olaraq qalır, yeni eskalasiya ehtimalı var". Mirzoyan çıxışında rəsmi Bakını qeyri-konsruktivlikdə ittiham...

Seçilmiş Videolar

Toplum TV loqo