Siyasət
Qorbaçov Qarabağ münaqişəsinin həllini necə görür?
11 Yanvar, 2021
Baxış: 85
FOTO:Sosial media

SSRİ-nin keçmiş prezidenti Mixail Qorbaçov Rusiyanın Dağlıq Qarabağ probleminin həllinə kömək edə biləcəyinə ümidvar olduğunu deyib. Bununla belə o, münaqişəsinin həllində əsas rolun Azərbaycanın və Ermənistanın üzərinə düşdüyünü söyləyib. 

Yanvarın 11-də "RİA Novosti"yə müsahibə verən Qorbaçova bildirib ki, Dağlıq Qarabağ münaqişəsində hər iki tərəfin maraqlarına cavab verən, qalibi və məğlubu olmayan həll yolu tapmaq lazımdır. 

"Qarabağa gəldikdə... bu, çox ağır, kökləri keçmişə uzanan köhnə mövzudur. Münaqişə kəskinləşəndə biz hər iki rezpublikaya, hər iki xalqa həll yolunun tapılması üçün kömək etməyə çalışdıq. Sonralar Rusiya da çalışdı”, - 1980-ci illərin sonunda Qarabağ münaqişəsinin kəskinləşdiyi dövrdə ölkəyə rəhbərlik edən Qorbaçov söyləyib. 

Keçmiş sovet lideri əmindir ki, indi, hərbi əməliyyatlar dayandığı bir zamanda bununla kifayətlənmək, problemi növbəti onilliklər boyunca həll etmədən saxlamaq olmaz: "Ümid edirəm ki, Rusiya kömək edə bilər, amma əsas rol münaqişə tərəflərinin üzərinə düşür. Azərbaycan və Ermənistan problemin nizamlanması üçün danışıqlar aparmaq öhdəliyi götürüblər. Nəticə hər iki tərəfin maraqları çərçivəsində olmalıdır, qalibsiz və məğlubsuz”.
Siyasət

 Ramin Quluzadəyə yeni vəzifə verildi

26 Yanvar 2021

PRESIDENT.AZ

Oqtay Şahbazov Azərbaycan Respublikası Prezidentinin İşlər müdiri vəzifəsindən azad edilib. Bu barədə Prezident İlham Əliyev yanvarın 26-da sərəncam imzalayıb. Prezidentin rəsmi saytının məlumatına görə,  İlham Əliyev digər sərəncamı ilə Ramin Quluzadə Azərbaycan Respublikası Prezidentinin İşlər müdiri təyin edilib.
Siyasət

İlham Əliyev: “Azərbaycanda heç bir senzura yoxdur”

26 Yanvar 2021

Prezıdent.az

Prezident İlham Əliyev yanvarın 26-da Rəşad Nəbiyevi nəqliyyat, rabitə və yüksək texnologiyalar naziri təyin olunması münasibətilə videoformatda qəbul edib. Prezidentin rəsmi saytında verilən məlumata görə, İlham Əliyev çıxışında Azərbaycanda internet sahəsindəki vəziyyətdən də danışıb. “Hesab edirəm ki, Azərbaycan rabitə və yüksək texnologiyalar sahəsində bölgədə mərkəzi rol oynayır. Təsadüfi deyil ki, artıq dünya miqyasında böyük nüfuz qazanmış “Bakutel” sərgisi ənənəvi olaraq Bakıda keçirilir. Beynəlxalq Telekommunikasiya İttifaqının rəhbərləri ilə mənim çoxsaylı görüşlərim onu göstərir ki, bizdə bu sahəyə qoyulan investisiyalara və yetirilən diqqətə beynəlxalq təşkilatlar tərəfindən yüksək qiymət verilir. Hesab edirəm ki, biz ölkə daxilində rabitə sahəsində bütün əsas məsələləri həll etmişik....
Seçilmiş Videolar