Siyasət

Rəbiyyə Məmmədova: "Elmir Abbasov İlham Əliyevi tənqid etdiyinə görə həbs olunub"

Aytac Məmmədli
23 Fevral, 2021
1336

Sosial Media

“NİDA-çı fəal Elmir Abbasov İlham Əliyevi sərt tənqid etdiyinə görə həbs olunub. Bu, birmənalıdır, başqa heç bir səbəb ola bilməz".

Bunu “Toplum TV”-yə nidaçı fəal Rəbiyyə Məmmədova deyib. 

Rəbiyyə Məmmədovanın sözlərinə görə, fəalın həbs xəbərini 3-4 gün sonra öyrənə biliblər: “Bu 3-4 gündə Elmirin başına nə gəlib, niyə məhkəmə vəkilin xəbəri olmadan keçirilib, bilmirik. Böyük ehtimalla Sumqayıt Polis İdarəsində zorakılığa məruz qalıb”.

Nida Vətəndaş Hərəkatının üzvü Elmir Abbasov inzibati qaydada həbs edilib. 

Bu barədə fevralın 22-də Nida Vətəndaş Hərəkatının “Feysbuk” səhifəsində məlumat verilib. 

Rəbiyyə Məmmədova - Sosial Media

R. Məmmədova deyir ki, bu, Elmir Abbasovun birinci həbsi deyil: “Bir müddət öncə də Elmir Sumqayıt polisi tərəfindən saxlanılmışdı. Evindən çıxdığı yerdə polis götürüb aparmışdı. "Feysbuk"dakı postlarını silib, buraxmışdılar. Onda da heç kəsin xəbəri olmamışdı, özü azadlığa çıxandan sonra demişdi”. 

E.Abbasovun vəkili Zibeydə Sadıqova isə deyir ki, müvəqqəti saxlama yerindəki polislə danışıb. 

Polisin vəkilə dediyinə görə, E.Abbasov İnzibati Xətalar Məcəlləsinin 206-cı (Qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi) maddəsi ilə həbs olunub. 

Onun hazırda Sumqayıt Şəhər Polis İdarəsində saxlanıldığı bildirilir. 

“Elmirin tutulmasından dünən xəbərim olub. Hələ onunla görüşməmişik deyə çox məlumatlı deyiləm. Növbətçi polislə özünə məlumat göndərmişəm, sabah, ya da birigün yanına gedəcəyəm”, - vəkil bildirib. 

Daxili İşlər Nazirliyinin (DİN) Mətbuat xidmətinin KİV və İctimaiyyətlə əlaqələr şöbəsinin rəisi Elşad Hacıyev NİDA-çı fəalın həbsinin siyasi motivlərlə bağlı olması kimi iddiaları əsassız sayır: "Şəxs narkotik vasitələrin istifadəçisidir, müvafiq ekspertiza rəyi bunu təsdiq edir. Üzərində şəxsi istehlak miqdarından az narkotik vasitə aşkarlanıb. Barəsində toplanmış materiallar müvafiq məhkəməyə göndərilməklə qanunvericiliyə uyğun olaraq inzibati qaydada həbs edilib. Onun saxlanmasında heç bir siyasi motiv yoxdur". 

DİN rəsmisi məhkəmənin niyə vəkilsiz keçirildiyi barədə suala isə belə cavab verib: "Bu barədə məlumatım yoxdur". 

 

Siyasət

REAL seçkilərlə bağlı İlham Əliyevə müraciət edib 

29 İyun 2022
Respublikaçı Alternativ Partiyası (ReAl) Milli Məclisdə boş qalan 7 dairə ilə bağlı dövlət başçısı İlham Əliyevə müraciət edib. Müraciətdə 7 dairədə yaşayan 384 min 545 seçicinin uzun müddətdir ki, Milli Məclisdə təmsilçisiz qaldığı xatırlanıb. Qeyd edilib ki, onlardan 186 min 312 nəfəri Konstitusiyada nəzərdə tutulan 5 illik dövrün yarısı qədər parlament təmsilçiliyindən məhrumdurlar: "Yarandığı vaxtdan parlamentarizm dövlətin vergi siyasətinə birbaşa bağlı olub. Bu baxımdan toplanan vergilərə Milli Məclisin sərəncam verməsində öz təmsilçiləri vasitəsilə iştirakı vətəndaşların haqqı və istəyidir". REAL Partiyası boş qalan dairələrin ikisində yaşayan 1651 seçicidən bu istəkləri barədə imza topladığını vurğulayıb. Müraciətdə 33 saylı Xətai, 35 saylı Xətai,...
Siyasət

Altı erməni hərbçi casusluğa görə həbs olunub
 

29 İyun 2022

Sosial media

Son iki gündə Ermənistanda bir hərbçi, Qarabağda isə beş separatçı döyüşçü dövlətə xəyanətə görə həbs olunub. Ermənistan Milli Təhlükəsizlik Xidmətinin məlumatına istinadən Turan İnformasiya Agentliyi xəbər verir ki, həbs edilmiş hərbi qulluqçu obyekt, hərbi texnika, təlim keçirən kəşfiyyat bölmələrin sayı, silahlanması barədə məlumat və fotoşəkilləri xarici kəşfiyyata ötürüb. Məlumatda hərbi qulluqçunun "Odnoklassniki" sosial şəbəkəsi vasitəsilə ələ alındığı və 4800 ABŞ dolları müqabilində xarici kəşfiyyata işləməyə razılıq verdiyi bildirilib. Məlumatların “Whatsapp” vasitəsilə ötürüldüyü iddia edilir. Öz növbəsində, bu gün Qarabağ separatçılarının Təhlükəsizlik Xidməti də Azərbaycana işləyən agentlər şəbəkəsinin həbs edildiyini bildirib. Onların hamısı Qarabağ separatçılarının hərbi qüvvələrinin qulluqçularıdır. Bu şəxslərin “Feysbuk”...

Seçilmiş Videolar

Toplum TV loqo