Siyasət

Rəsulzadənin ev muzeyi niyə yaradılmır?

Nigar Səmədli
28 May, 2021
1898

Açıq mənbələrdən götürülüb

Solmaz Tohidi: “Nazirliklə danışıqları mən aparmışam və indi də aparıram”

“Rəsulzadənin ev muzeyini yaratmaq üçün lazimi iradə yoxdur. İstəsələr, indiyə kimi açardılar”.

Azərbaycan Xalq Cümhuriyyətinin yaradıcılarından biri Məmməd Əmin Rəsulzadənin Bakıda ev muzeyinin yaradılması  ilə bağlı hakimiyyətə müraciətlərinin nəticəsi barədə danışan professor Qulu Məhərrəmli “Toplum TV”-yə belə deyir.

2019-cu ilin sonlarında M.Ə.Rəsulzadənin ev muzeyinin yaradılması məqsədilə təşəbbüs qrupu təsis edilmişdi. Həmin ilin dekabrında qrup Bakıda Üzeyir Hacıbəyovun ev muzeyində bununla bağlı toplantı da keçirmişdi.

Tədbirdə M.Ə.Rəsulzadənin nəvəsi Rəis Rəsulzadə, tarixçilər Solmaz Tohidi və Firdovsiyyə Əhmədova, professor Qulu Məhərrəmli, əməkdar incəsənət xadimi Ramiz Həsənoğlu, aktyor Ramiz Məlik, millət vəkilləri Fazil Mustafa, Sabir Rüstəmxanlı və digər tanınmış elm, sənət xadimləri, Bakıdakı bir sıra ev muzeylərinin rəhbərləri, media və ictimaiyyətin nümayəndələri iştirak etmişdilər.

Tədbirdən il yarım vaxt keçib. Qulu Məhərrəmli deyir ki, təşəbbüs qrupu müvafiq orqanlara dəfələrlə müraciətlər etsə də, nəticə yoxdur: “Təşəbbüs qrupumuzu ictimai birlik halına gətirərək müxtəlif konfranslar keçirdik, müraciətlər ünvanladıq. Hətta Rəsulzadənin vaxtilə yaşadığı evin ünvanını dəqiqləşdirərək Bakı Şəhər İcra Hakimiyyətinə, daha sonra Mədəniyyət Nazirliyinə, ölkə başçısına və vitse-prezidentə müraciət etdik. Amma heç bir nəticə əldə edə bilmədik və mən belə güman edirəm ki, bundan sonra da mümkün olmayacaq. Bütün bunlara görə çox təəssüflənirik”.

Qulu Məhərrəmli - Sosial Media

Professorun sözlərinə görə, vaxtilə Rəsulzadənin yaşadığı binada indi Mədəniyyət Nazirliyinin strukturlarından biri yerləşir.
 
“Taleyin iztehzasıdır ki, həmin qurum mədəniyyət obyektlərinin bərpası işlərinə baxan bir strukturdur. Yəni istəsələr mütləq imkan tapardılar. Amma anlaşılan odur ki, Rəsulzadənin ev muzeyini yaratmaq üçün lazimi iradə yoxdur”.

M.Ə.Rəsulzadənin nəvəsi Rəis Rəsulzadə isə muzeyin yaradılmasının pandemiyaya görə  yubandığını bildirirək başqa məlumat vermək istəməyib.

Tarix üzrə elmlər doktoru, professor Solmaz Rüstəmova-Tohidi 101 nəfərlik "Rəsulzadə - ev muzeyi İctimai Qrupu"nun fəaliyyətini davam etdirdiyini deyir.

“2020-ci il 30-31 yanvar tarixlərində Rəsulzadənin anadan olmasının 136-cı ildönümünə həsr edilmiş "Rəsulzadə irsi - müstəqillik, demokratiya və dövlətçilik dəyərləri sistemində" mövzusunda beynəlxalq elmi konfrans keçirildi. Almaniya, Fransa, Polşa, Rusiya, Türkiyə və İrandan gəlmiş 10 nəfər Rəsulzadə irsinin tədqiqatçısı da daxil olmaqla, konfrans iştirakçıları ölkə başçısına və birinci vitse-prezidentə Rəsulzadənin ev muzeyinin açılması ilə bağlı məktub-müraciət ünvanlandı. Konfransda hər ilin yanvar ayının son günlərində "Rəsulzadə qiraətləri" adlı beynəlxalq elmi konfrans keçirmək və nəzərdə tutulan muzey üçün eksponatların yığılması prosesinə başlamaq qərarı alındı”. 

Onun da sözlərinə görə, fəaliyyətlərinin yarımçıq qalmasına səbəb pandemiya olub. Professor ev muzeyinin təşkili ilə bağlı konkret layihə üzərində iş getdiyini, 2022-ci ilin yanvarına başa çatdırlacağını qeyd edir.

Solmaz Rüstəmova-Tohidi - Sputnik

Solmaz Rüstəmova-Tohidi muzeyin yaradılması ilə bağlı Qulu Məhərrəmli kimi bədbin deyil, ancaq deyir ki, bu barədə danışmaq hələ tezdir: “Nazirliklə danışıqları mən aparmışam və bu proses indi də davam edir. Muzey üçün bina seçimi ilə bağlı problemlər  və  digər başqa şərtlər də var. Bunları tam açıqlamaq hələ tezdir”.

İndilik Bakıda Rəsulzadə muzeyi yaradılmasa da, qrupun yaradıcıları ona virtualda ev qurublar. Q.Məhərrəmli  “Rəsulzadə ev muzeyi”nin “Feysbuk” səhifəsinin yaradıldığını, orada müxtəlif paylaşımlar edildiyini, Rəsulzadə ilə bağlı araşdırmalar oaylaşıldığını söyləyir.

“Eyni zamanda, bu işə Türkiyə, Rusiya və Almaniyadan Rəsulzadə irsinin araşdırmaçılarını da cəlb etmişik. Bu gün Rəsulzadənin anıldığı yeganə yer doğulduğu Novxanı kəndində qoyulmuş heykəlidir və insanlar ora üz tuturlar.

Mən arzu edirəm ki, Cümhuriyyət muzeyi təsis edilsin və orada bütün Cümhuriyyət qurucularına, o cümlədən Rəsulzadəyə həsr edilmiş guşələr olsun. Bu bizim tariximizdir və ona hörmətlə yanaşmalıyıq”. 

“Toplum TV” Bakı Şəhər İcra Hakimiyyətindən və Mədəniyyət Nazirliyindən məsələyə münasibət öyrənə bilməyib. Nazirlikdən bildirilib ki, suallara yazılı şəkildə, bayramdan sonra cavab veriləcək.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Qarabağ separatçıları Əliyevə cavab verdi

Toplum TV
29 May 2023

Açıq mənbələrdən götürülüb

Qarabağ separatçılarının lideri Araik Aratyunyanın sözçüsü Lusine Avanesyan Azərbaycan Prezidenti İlham Əliyevin son bəyanatları ilə bağlı açıqlama verib.  Toplum TV "Novosti-Armeniya"-ya istinadən xəbər verir ki, Avanesyan Qarabağdakı qondarma quruluşun Əliyevin tələblərini yerinə yetirməyəcəyini bildirib.  "Arutyunyan beynəlxalq hüququn norma və prinsiplərinə, xüsusən də xalqların bərabər hüquqlu və öz müqəddəratını təyin etmə prinsipinə əsaslanan beynəlxalq formatda dialoqa başlamağa hazır olduğunu bildirib.  Üçtərəfli Atəşkəs Bəyannaməsindən sonra Azərbaycan dəfələrlə "Artsax xalqı" ilə güc dili ilə danışıb, biz lokal hərbi fəaliyyətlə düşmənçilik, blokadalar, enerji və digər təzyiqlər formasında aqressiyanın şahidi olmuşuq və olmaqda davam edirik. Bu dəfə isə Azərbaycan Prezidenti "Artsax xalqı"nın seçilmiş hakimiyyət orqanlarına...
Siyasət

AXCP fəalı həbs edilib

29 May 2023

Açıq mənbələrdən götürülüb

Azərbaycan Xalq Cəbhəsi Partiyası (AXCP) Salyan rayon təşkilatının fəalı Zaur Əhmədov inzibati qaydada 30 sutka həbs edilib. Toplum Tv xəbər verir ki, bu barədə mayın 29-da AXCP-nin mətbuat xidmətindən bildirilib  Məlumata görə, Əhmədov mayın 26-da səhər saxlanılıb. "Sonradan bəlli olub ki, o, naməlum və açıq-aşkar uydurma ittihamla 30 sutka həbs edilib. Ona görüş, telefon danışıqları, yemək alması üçün imkan yaradılmır", - Partiyanın açıqlamasında qeyd edilib.  https://toplum.tv/siyaset/pelizamin-salayevin-vekili-quotdedi-ki-ya-beraet-alacaq-ya-da-hedsxanada-oumllecekquotp AXCP hesab edir ki, Əhmədovun həbsi onun siyasi fəaliyyəti ilə bağlıdır.   Daxili İşlər Nazirliyi Şirvan regional qrupundan "Turan" agentliyinə bildiriblər ki, Zaur Əhmədov mayın 26-da "ictimai asayişi pozduğuna və polisə tabe olmadığına görə"...

Seçilmiş Videolar

Toplum TV loqo