Siyasət

Rövşən Əkbərovun həbsi siyasidirmi?

Roza Məmmədova
17 Mart, 2021
1079

AzərTac

“Rövşən Əkbərov ola bilsin 20 ildə nə deyiblər onu da edib. İndi onun vəzifədə qalması kiminsə xoşuna gəlməyə bilər”.

Hərbi ekspert Telman Əbilov “Toplum TV”-yə general Rövşən Əkbərovun həbsindən danışarkən belə deyir.

Martın 16-da sabiq birlik komandiri, ehtiyatda olan general-leytenant Rövşən Əkbərov Ukrayna Respublikasının sorğusu əsasında həbs edilib. O, Ukraynada qəsdən adam öldürmə cinayətində təqsirləndirilib və barəsində 4 aylıq həbs qətimkan tədbiri seçilib.

Baş Prokurorluğun bununla bağlı 17 mart tarixli açıqlamasında bildirilir ki, 2001-ci ildə 1971-ci il təvəllüdlü Azərbaycan vətəndaşı  Elçin Əliyevin Kiyev şəhərində soyuq silahla qəsdən öldürülməsi faktı üzrə Ukrayna prokurorluq orqanlarında cinayət işi başlanıb, qətldə R.Əkbərov şübhəli bilindiyi üçün 2003-cü ildə cinayət işi Azərbaycana göndərilib. 

Amma təqsirləndirilən şəxs müəyyən edilmədiyindən cinayət işi üzrə icraat dayandırılıb; 2020-ci ildə qətlin R.Əkbərov tərəfindən törədilməsinə əsaslı şübhələr müəyyən olunduğundan cinayət işi təzələnib: 

“R.Əkbərovun 2001-ci il iyunun 1-də Kiyev şəhəri, Deqtyaryov küçəsi-7 ünvanında yerləşən “Sikora” kafesində yeyib-içdikdən sonra, saat təxminən 2-3 radələrində həmin kafenin yaxınlığında Əliyev Elçin Fəday oğlu ilə aralarında yaranmış cüzi münaqişə zamanı onun ürək nahiyəsinə kəsici-deşici predmetlə xəsarət yetirərək qəsdən öldürməsilə bağlı şübhələr üçün əsaslar müəyyən edilib”.

R.Əkbərov Cinayət Məcəlləsinin qəsdən adam öldürmə və xuliqanlıq maddələrilə ittiham olunur.

Valideynlərin ərizəsi əsasında bu işi Avropa İnsan Hüquqları Məhkəməsi də araşdırıb. Məhkəmə Avropa Konvensiyasının 2-ci (yaşamaq hüququ) maddəsinin pozulması faktını tanıyıb və iş üzrə effektli araşdırma aparılmadığını konstatasiya edib. O vaxt Azərbaycan hakimiyyəti qurumun sorğusuna cavab olaraq yazıb ki, Əkbərovun baş verənlərə aidiyyəti müəyyən edilməyib.

Telman Əbilov - Açıq mənbələrdən götürülüb

Telman Əbilovun fikrincə, bu işlə bağlı Azərbaycanın Hərbi prokuroru Xanlar Vəliyev də həbs olunmalıdır:

“Ukrayna tərəfi cinayəti sübut etsə də, Rövşən Əkbərov müdafiə olundu. Onu saxta sənədlərlə Azərbaycanın Ukraynadakı səfirliyinin əməkdaşı kimi qeydiyyatdan keçirib toxunulmaz olmasını təmin etdilər və elə bu adla da Bakıya qaçırdılar. Ukrayna Baş Prokurorluğu sübutları Bakıya göndərsə də, R.Əkbərovdan çəkinən hərbi prokuror onu heç izahat almağa belə çağırmadı. Ölən şəxsin anası Səmayə xanım bu illər ərzində dəfələrlə X.Vəliyevin qəbulunda olsa da, vəziyyət dəyişmədi”.

Hərbi ekspert generalın həbsinin sadəcə sözügedən qətllə bağlı olmadığını ehtimal edir.

“İndi Rövşən Əkbərovu guya bu cinayət işi üzrə həbs ediblər. Çox güman, onunla bağlı digər məsələlər də araşdırılır”.

Onun sözlərinə görə, Azərbaycanda vəzifəli şəxslərin “vurulması” daha çox siyasi proseslərlə bağlı olur.

Azər Qasımlı - Sosial Media

“Bu həbslərin əsaslandırılması həqiqəti əks etdirmir” - siyasətçi Azər Qasımlı belə düşünür.

Onun fikrincə, orduda problemlər və xəyanət halları varsa, bu, cəmiyyətə açıqlanmalı və “Təmizlik işləri bu səbəbdən aparılır” deyilməlidir.

Siyasətçi həbslərin siyasi səbəblərlə bağlı ola biləcəyini istisna etmir: “Digər məsələlərdə olduğu kim, burada da hakimiyyət şəffaf davranmır”. 

A.Qasımlının ehtimalına görə, Qarabağ müharibəsi dövründə hakimiyyət xarici dövlətlərin Azərbaycan ordusunun ayrı-ayrı hərbçilərinə təsiri olduğunu gördü və indi təmizləmə işləri aparır.

O, ordunun qapalı institut olduğunu və bir sıra hallarda oradakı məsələlərin gizli qalmasının zəruriliyini qeyd etsə də, ictimai nəzarətin önəmini də vurğulayır.

R.Əkbərov son dövrlərdə ordudan kənarlaşdırılan yeganə hərbçi deyil. Bu ilin fevralında onunla eyni zamanda general Xəqani Cəbrayılov da ehtiyata buraxılmışdı.

Müharibə dövründə Silahlı Qüvvələrin keçmiş Baş Qərərgah rəisi, ehtiyatda olan general-palkovnik Nəcməddin Sadıqov da ordudan uzaqlaşdırılıb. 

 T.Əbilov hərbiçilərin həbsinin daxili intriqalardan qaynaqlandığını güman edir:

“Xəqani Cəbrayılovla Rövşən Əkbərovun yaxın münasibətləri olub, hər ikisinin Şəmkirdə, Dəvəçidə böyük fermer təsərrüfatları, minlərlə iri və xırda buynuzlu mal-qaraları var. Bu generallar hərbidən başqa, hər cür işlə məşğul olublar”.

R.Əkbərov 2002-ci ildən general-leytenant rütbəsini daşıyır, 2011-ci ildə Ordu korpuslarından birinin komandiri təyin edilib. O, 2 dəfə "Azərbaycan Bayrağı", bir dəfə “ Vətən Uğrunda” ordeni ilə təltif olunub,  "Azərbaycanın Milli Qəhrəmanı" adına layiq görülüb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Azərbaycan və Macarıstan strateji tərəfdaşlıq haqqında bəyannamə imzaladı

30 Yanvar 2023

President.az

Yanvarın 30-da Azərbaycan Prezidenti İlham Əliyevin Macarıstana rəsmi səfəri baş tutub.  Toplum TV "president.az" saytına istinadən xəbər verir ki, İlham Əliyevin əvvəlcə macar həmkarı Katalin Novak ilə görüşü olub. Prezidentlər müxtəlif məsələləri müzakirə ediblər.  Bunun ardınca isə Əliyevin Macarıstanın Baş naziri Viktor Orban ilə geniş tərkibdə görüşü baş tutub.  Görüşdən sonra Budapeştdə Azərbaycan-Macarıstan sənədləri imzalanıb Belə ki, İlham Əliyev və Viktor Orban iki ölkə arasında genişləndirilmiş strateji tərəfdaşlıq haqqında Birgə Bəyannamə imzalayıblar. https://toplum.tv/dunya/avropa-parlamenti-macaristani-avtokratiya-kimi-tanidi İmzalanan sənədlərə həmçinin daxildir: - "Azərbaycan Respublikasının Şuşa şəhəri və Macarıstanın Vesprem şəhəri arasında dostluq əlaqələrinin təsis edilməsi və mədəniyyət, turizm, şəhərsalma, elm, iqtisadiyyat və ictimai həyatın...
Siyasət

Allahşükür Paşazadə: “İranda 40 milyona yaxın azərbaycanlı əsirdir”

30 Yanvar 2023

Açıq mənbələrdən götürülüb

"Bu gün biz qardaş hesab etdiyimiz İrandan şəhid aldıq. İndi bilirik ki, onlar bizim yox, Ermənistanın qardaşıdır".  Toplum TV xəbər verir ki, bunu jurnalistlərə açıqlamasında Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə deyib.  II Fəxri Xiyabanda Azərbaycanın Tehrandakı səfirliyinə hücum zamanı həlak olan Orxan Əsgərovun dəfn mərasimindən sonra Paşazadə mətbuata bildirib ki, baş verənlər terror aktı kimi qiymətləndirilməlidir.  https://toplum.tv/siyaset/presmi-baki-quotirana-uumlmidimiz-ve-etibarimiz-yoxdurquotp O, açıqlamasında həmçinin İranda 40 milyona yaxın azərbaycanlının yaşadığını vurğulayıb və deyib ki, bu gün həmin azərbaycanlılar "fars rejiminin əlində əsirdirlər".  Xatırlatma Azərbaycanın Tehrandakı səfirliyinə hücum yanvarın 27-si səhər saat 8.30 radələrində baş verib. Silahlı şəxs mühafizə postunu yararaq səfirliyə...

Seçilmiş Videolar

Toplum TV loqo