Siyasət
Rusiyalılar səsvermədə iştirak edir
1 İyul, 2020
491
İyulun 1-də Rusiyada konstitusiyaya dəyişikliklər üzrə səsvermənin sonuncu, yekun günüdür. Bu dəyişikliklər Prezident Vladimir Putin-in daha iki il müddətinə – 2036-cı ilədək hakimiyyətdə qalmasına yol aça bilər.

Ölkədə səsvermə məntəqələri iyunun 25-dən açılıb. Hakim orqanlar koronavirus pandemiyasına görə kütləviliyin qarşısını almaq istədiklərini deyirdilər.

Kremlin bildirməsinə görə, dəyişikliklər ölkədə sabitlik və təhlükəsizlik üçün vacibdir. Putin-in tənqidçiləri isə iddia edirlər ki, məqsəd 67 yaşlı prezidentlik ömürlük hakimiyyətdə qalmasını təmin etməkdir.

"Biz təkcə dəyişikliklərə səs vermirik. Biz yaşamaq istədiyimiz ölkəyə, övladlarımıza və nəvələrimizə ötürmək istədiyimiz ölkəyə səs veririk”, – Putin iyunun 30-da televiziya ilə çıxışında deyib və rusiyalıları dəyişikliklərə səs verməyə çağırıb.

Seçicilər dəyişikliklər paketinin ya lehinə, ya da əleyhinə səs verə bilərlər. Hökumət cidd-cəhdlə dəyişiklikləri təbliğ edib, onun qəbuluna çalışıb.

Putin ilk dəfə yanvarda xalqa müraciətində dəyişiklikləri təklif edib. Bundan cəmi beş gün sonra parlamentə təqdim olunub.

Dəyişikliklər nəyi nəzərdə tutur?

Martın 10-da isə Putinin 2024 və 2030-cu illərdə təkrar seçilməsinə imkan verəcək dəyişiklik əlavə olunub.

200-dən çox dəyişiklikdən ibarət paket ertəsi gün həm Dövlət Duması, həm də parlamentin yuxarı palatası olan Federasiya Şurası tərəfindən qəbul olundu.

Putin səsverməni əvvəlcə aprelin 22-nə təyin etmişdi, sonradan koronovirus pandemiyasına görə təxirə salındı.

Dəyişikliklərdə həmçinin parlamentin hökumətin formalaşdırılmasında səlahiyyəti gücləndirilir, səlahiyyətinin bir hissəsi müxtəlif dövlət strukturları arasında paylaşdırılır.

Bundan başqa, rus dilinin "xalqın dövlətformalaşdırma dili” statusunun möhkəmləndirilməsi, Konstitusiyaya Allah anlayışının salınması, nikahın yalnız kişi ilə qadının ittifaqı kimi təsdiqlənməsi nəzərdə tutulur.

Səsvermə Rusiyada koronavirus pandemiyasının iqtisadi fəsadlarından narazılığın artdığı bir dönəmdə keçirilir. Rəy sorğuları son illər Putin-in populyarlığının azaldığını göstərir. Yazda ona dəstək reytinqi 59 faizə düşüb, bunu Levada Mərkəzinin sorğusu üzə çıxarıb.

Sovet dövründə KGB zabiti olan Putin 1999-cu ildən prezident, yaxud baş nazir postundadır. Tərəfdarları onun Sovet İttifaqı dağılandan və 1990-cı illərin böhranlarından sonra ölkəni və iqtisadiyyatı möhkəmləndirdiyini bildirirlər.

Ancaq tənqidçilərin fikrincə, Putin demokratik qurumları zəiflədib, siyasi opponentlərini gözümçıxdıya salıb, tənqidçiləri susdurub, korrupsiyanın çiçəklənməsinə şərait yaradıb.

azadliq.org
Siyasət

Tofiq Yaqublu: “Paşinyanın qalib gəlməsi bizə daha ciddi problem yarada bilər” 

Nigar Səmədli
18 İyun 2021

Al Jazeera

İyunun 20-də Ermənistanda növbədənkənar parlament seçkiləri keçiriləcək.     Namizədlər arasında Ermənistanın sabiq prezidentlər Levon Ter-Petrosyan, Robert Koçaryan, Serj Sarkisyan və hazırda Baş nazir vəzifəsini icra edən Nikol Paşinyan kimi şəxslər  yer alıb.   Elman Nəsirov - Sosial Media   Bəs Azərbaycanda Ermənistanda keçiriləcək seçkilərlə bağlı proqnozlar nədir?     Milli Məclisin deputatı Elman Nəsirov deyir ki, Ermənistanda seçkilərin gərgin keçəcəyi indidən məlumdur: “Tərəflər bir-birini dövlətə xəyanətdə ittiham edir, düşmən və satqın adlandırırlar. Budəfəki seçkinin əsas özəlliyi ondadır ki, Ermənistanı idarə etmiş bütün şəxslər seçkilərə qatılıb və bu da seçki prosesinə əlavə gərginlik gətirir. İlkin proqnozlar göstərir ki, əsas namizədlər...
Siyasət

Lavrov Türkiyənin Azərbaycanda hərbi baza açacağı iddialarına cavab verdi

18 İyun 2021
Rusiyanın xarici işlər naziri Sergey Lavrov Türkiyənin Azərbaycanda hərbi baza açacağı barədə ehtimallara şərh verməkdən imtina edib.  "RIA Novosti"-nin iyunun 18-də verdiyi məlumata görə, o, bu iddiaları şayiə adlandırıb.  "Biz bu məsələni müzakirə etməmişik və biz şayiələrə şərh vermirik", - deyə Rusiyanın baş diplomatı vurğulayıb.  Bir neçə gün əvvəl Bakıda jurnalistlərin suallarını cavablandıran Türkiyə prezidenti Rəcəb Tayyib Ərdoğan Azərbaycanla imzalanmış Şuşa Bəyannaməsi çərçivəsində Azərbaycan ərazisində Türkiyə Hərbi Qüvvələrinin bazasının yaradılması fikrini istisna etməmişdi.  "Bu məsələnin [hərbi bazanın yaradılması] inkişafı mümkündür. Bu mövzu Azərbaycan prezidenti İlham Əliyevin Rusiya prezidenti Vladimir Putinlə apardığı məsləhətləşmələrdən sonra təkmilləşə bilər. Həmçinin bizim danışıqlarımız prosesində də...
Seçilmiş Videolar